Ayubu 2:10 - KITABU KITAKATIFU

¹⁰ Na vutswa Ayubu ya volera mukali wewe, na a vola, Ive u volanga kuli mulala ku vakali vasiru a volanga. Ni ki ndiki? Ku nyole bulahi mmukono mwa Nyasaye, na ku vule kunyola ububi? Mmakuva yaga gosi Ayubu si ya kola bwoni neminwa gyigye mba.

Ayubu 2:10 ပူးပေါင်းရင်းမြစ်များ

Litanga 3:17

Kandi ya volera Adamu Kigira ive u huliye livola lyomukaii wowo, na u liye ku musala, gwa nda ku laga, ni mbola, U ta lia kugwo: marova ga laameywi kigira ive; u la lia vyokulia vivyo mu liyinzira lidinyu madiku gosi gelimenya lilyo lyosi;

2 Samweli 13:13

Na inze, nda tsia hai netsisoni tsyange? Noku ive, u la va kuli mulala ku avasiru mu Israeli. Kunangwa kalunu, nku goonya, u volerane nomwami; naye si a la ku gaya mbule kuudza ku ive.

2 Samweli 19:22

Na Daudi ya vola, Inze mbeye naki ku mwinye, avana va Zeruia, kuduka mwinye mu gwiye avasigu vange lero? Si a liitwa umundu ku vosi mu Israeli lero, kigira si mmanya ninze umwami lero ku Israeli, naho?

2 Samweli 19:28

Kigira vosi avenyumba ya dada wange va li avakudzu avere imbiri womunene wange mwami; navutswa wa vika inze mutumekiri wowo mu yavo ava litsanga ku imeza yoyo mwene. Mbeye na ki kuduka kalunu nduke kulira ku mwami kandi?

2 Samweli 24:10

Nomwoyo gwa Daudi gwa mu duya inyima wokuvalidza avandu. Daudi ya volera Yahova Inze nkoli ubwoni ligali kigira nkoli inkuva yiyi: navutswa kalunu O Yahova, nku goonya ligali, u twulidze budamano yibu ku mutumekiri wowo; kigira ligali nda kola gobusiru.

2 Kyetsinyinga 16:9

Kigira tsimoni tsya Yahova tsi twulira yiyi neyiyi ku lirova lyosi, ku lyelanga minya kuva netsingulu ku luvega lwa yavo avemyoyo gyavo gyi veye midu kiru kuye. Mu yaga wa kola kuli musiru; kigira kutwula kalunu u la va nobulwani.

Ayubu 1:10

Ive i wa kumbiridza kuye lwevo tsimbega tsyosi, halala nenyumba yeye, nevindu vyosi vya a veye navyo? Miyinzi gyamakono gege wa gyi gasidza, nobutugi bwibwe bu medekanga mu kivala.

Ayubu 2:9

Hene yaho mukali wewe ya mu volera, Ive kuduka kalunu u ki hambananga nobudukiru bubwo? Sivulana na Nyasaye, u kudze.

Zaburi 39:1

Nda vola, Nda henzeridza tsinzira tsyange, Mbule kwona nolulimi lwange: Nda gaya munwa gwange netsinkoba, Lwa avadamano va veye imbiri wange.

Zaburi 39:10

U twulidze liduya lilyo ku inze: Mmali kuheridzwa nelikuya lyomukono gugwo.

Zaburi 39:9

Nda kiring'ana, si nda kunula munwa gwange; Kigira ive wa ga kola.

Zaburi 59:12

Kigira ubwoni bweminwa gyavo, na makuva geminwa gyavo, Va gumirwe mu ubwigingiri bwavo, Na kigira ubunyegi na ubugadi bwa va volarlga.

Tsing'ano 9:13

Mukali musiru a veye weliyoga; A veye musiru, na si a manya kindu.

Tsing'ano 9:6

Mu leke ubusiru, na mu ve mwoyo; Na mu gende mu inzira yelima nya.

Kohelethu 7:14

Mu lidiku lyokugasidzwa u sangale, nomu lidiku lyekivi u ganagane: yee, Nyasaye ya lomba kilala kulindana ne kindi, kuduka mundu a vule kumanya ki li duka inyima wewe.

Lisyoma lya Jeremia 3:37

Ni bwaha u volanga, ma li va, ni i va Yahova si ya li laga mba?

Matayo 16:23

Navutswa yekevuka na a volera Petro, Wirane mgongo wange, Setani: u veye kya nzikigitala ku; kigira si u ganagana vindu vya Nyasaye navutswa vya vandu.

Matayo 25:2

Vatanu kuvo va li ava siru na vatanu kuvo va li avageeri.

Yohana 18:11

Yesu ya volera Petro, U vike kivavi mu Iwula: kikombe kya Dada ya mpa mbule kunwa naho?

Varumi 12:12

mu ve avobuyanzi mu lisuuviridzwa; mu ve avikudziri mu lidambidzwa; mu hongere ligali mu lisaala;

Yakobo 1:12

A veye nobugasu wikudziranga mu ligeridzwa: kigira na a mali kubugirirwa a la nyola itaji yelivamwoya yo Mwami ya lagira yavo ava mu yanzanga.

Yakobo 3:2

Kigira kwosi kwikigitala ku vindu vinyingi. Mundu u tikigitala ku livola a veye mudukiru, u nyalanga kwigalira nelijamu, mubiri gwosi.

1 Samweli 3:18

Ma Samweli ya mu volera sa kilala, si ya mu visa kindu mba. Naye ya vola, Ni Yahova: a kole aga veye malahi kuye.