Ayubu 18:5 - KITABU KITAKATIFU

⁵ Yee, ubulavu bwavadamano bu la siminywa Na isese yomuliru gwigwe i la vula kung'ereng'ana.

Ayubu 18:5 ပူးပေါင်းရင်းမြစ်များ

Ayubu 15:30

Si a la twula mu kisundi mba; Lumemo lu la niyalidza tsisya tsitsye; Na mwika gwomunwa gwa Nyasaye gu la mu twulidza.

Ayubu 18:4

Ive wetandulanga mwene, mbutima bubwo, Lirova li la lekwa kigira ive? Kinga lwanda lu la twulidzwa mbugono bwalwo?

Ayubu 20:5

Ubusangali bwavadamano bu heranga bwangu, Ubuyanzi bwa va ta tia Nyasaye bu veye bwedagika indala vutswa?

Ayubu 21:17

Ga li ndi itaya yavadamano kusiminywa hali kanyingi? Na kivi kyavo ki duka kuvo? Na Nyasaye a va gavulira ubululu mbutima bwibwe?

Tsing'ano 13:9

Ubulavu bwavalungi bu sangalanga; Navutswa itaya yomwoni i la siminywa.

Tsing'ano 20:20

Ku vosi uyu u nyega dada wewe kinga mama wewe, Itaya yeye i la siminyirwa mu kisundi kinene.

Tsing'ano 21:4

Tsimoni tsyokwegingira, na mwoyo gwoluyai Kali itaya yavekirage, vi veye ubwoni.

Tsing'ano 24:20

Kigira avadamano si va li nyola kiheri kilahi mba; Na itaya yomudamano i la siminywa.

Tsing'ano 4:19

Inzira yomudamano i fwanananga nekisundi: Si va manya kya vikigitalidza.

Isaya 50:11

Henza, mwosi ava fwananga muliru, mwinye avebohanga netsimuli tsyomuliru; mu gende mu lumemo lwomuliru gwenyu, na hagati hetsimuli tsyomuliru gwa mwa fwana. Mu la nyola yivi ku mukono gwange; na mu la gona hasi nobuverereri.

Isaya 57:20

Navutswa avadamano va leng'ana nenyanza i hinu lannyangwa; kigira si i nyala kusosa, namadzi gayo gu hulanga ubudohi na amandu.

Ezekieli 32:7

Na lwa nsiminya ive, nda kunika ligulu, netsing'ering'ani tsyalyo, nda tsi kola kisundi; na liuva nda kunika nelilesi, nomweli gu la vula kwaaka.