Ayubu 18:18 - KITABU KITAKATIFU

¹⁸ A la kungwa kutwula mbulavu a tsie mkisundi Nokukungwa a twule mu lirova.

Ayubu 18:18 ပူးပေါင်းရင်းမြစ်များ

Ayubu 10:22

Ki veye kivala kyekisundi kimwamu, kuli budiku hagati, Ki veye kivala kyekiriri kyelikudza, kivala ki ta veye nelilombwa lyevindu, Kandi ki veye kivala kyobulavu bwakyo bu veye kuli kisundi.

Ayubu 11:14

Ubudamano ni bu veye mmukono gugwo, u bu vike ihale na ive, U ta bugirira ubukyamu kumenya mmahema gogo.

Ayubu 18:11

Vindu vyokutihidza vi la mbika mu butii tsimbega tsyosi, Nokumulonderera tsimbiru himbi na maki gege.

Ayubu 20:26

Kisundi kyosi ki vikeywi kigira akiba yeye: Muliru gwa vula kufwanwa gu la mu samba; Gu la samba vya tigala mu lihema lilye.

Ayubu 20:8

A la buluka kuli liloto, na si a la loleka kandi mba: Yee, a la kungwa kuli malola gobudiku.

Ayubu 27:21

Imbuudza yevugwi i mu hilanga kutsia naye, naye a twulanga; Nokumweya a twule mbugono bwibwe.

Ayubu 27:23

Avandu va la mu kong'ondera makono gavo, Nokumukunukira a twule mbu gono bwibwe.

Ayubu 3:20

Kigira ki uyu u veye mu kivi a hebangwa ubulavu, Na yavo ava veye nelitsunwa va hebangwa livamwoyo;

Ayubu 5:14

Va vugananga nekisundi inyinga yombasu Va havatidzanga mmbasu kuli mu budiku.

Tsing'ano 14:32

Mudamano u minirangwa hasi mu likola ubudamano bwibwe; Navutswa mulungi a veye nelisuu viridzwa mu likudza lilye.

Isaya 22:18

Ligaii a la ku naza noku kusikisa kuli mupira kuduka mu kivala kinene; na u la kudzira yo namagari gobukumi bubwo ga la va yo, ive u veye tsisoni tsyenyumba yomunene wowo.

Danyeli 4:33

Isaa zana yeyo likuva yilyo lya dukidzwa ku Nebukadinezaru: naye ya kungwa mu avandu, na ya lia bunyasi kuli tsing'ombe, na mubiri gwigwe gwama lime lyomigulu, lisu lilye lya luha lya va kuli amavaha getsi ndidzu, na masanda gege kuli amasanda gamanyonyi.

Danyeli 5:21

na ya kungwa mu avana vavandu, na mwoyo gwigwe gwa kolwa kuva kuli gwetsinyama, na limenya lilye lya li halala netsisukiri tsyomwigendanyama; ya lihidzwa bunyasi kuli tsing'ombe, na mubiri gwigwe gwama lime lyomigulu; a luhe a duke kumanya Nyasaye U Veye Igulu Ku Vyosi yamehanga mu bwami bwa avandu, kandi ku vosi uyu wa a yanza a mu vika mu bwami.

Yudasi 1:13

kandi va veye viguvuli vyenyanza vitigali rangwa, nokutwula tsisoni tsyavo kuli lufwulu; kandi va veye tsing'ereng'ani tsi vodonkana, kigira yavo ubumwamu bwekisundi bu vikeywi mihiga nemihiga.

1 Samweli 2:9

Uyu a la linda virenge vyavatakatifu veve; Navutswa avadamano va la kiring'anywa mu kisundi; Kigira si ha veye nomundu u nyala kuguuta netsingulu tsitsye.