Ayubu 18:15 - KITABU KITAKATIFU

¹⁵ Yikyo ki ta veye kikye ki la menya mu lihema lilye: Kibiridi ki la tsukwa ku bumenyo bwibwe.

Ayubu 18:15 ပူးပေါင်းရင်းမြစ်များ

Litanga 19:24

Kunangwa Yahova ya kupidza ku Sodoma na Gomora kibiridi na muliru kutwula ku Yahova migulu;

Ayubu 15:34

Kigira kiduma kya ava ta tia Nyasaye ki la va kigumba, Na muliru gu la samba mahema gevikukula.

Zaburi 11:6

Ku vadamano a la vikidzira mitego; Muliru, na kibiridi, na kihudzudzi kyomuliru ki sambanga vi la va kidieli mu kikombe kyavo.

Jeremia 22:13

O bayaye ku uyu wombakanga inyumba yeye ku bu ta li bulungi, nevigodola vyenyumba yeye ku livuia kuva ubulungi; u tumekiranga ubutumiki bwowakye bugira kumuha madanyi gege, na si a mu tunga mitungu gyigye mba;

Jeremia 49:18

Kuli ga li mu litung'aminywa lya Sodom na Gomora namadala ga li himbi nago, Yahova a vola, si ha veye nomundu u menya yo, kandi si ha veye nomwana womundu kali mulala u menya mulyo mugeni.

Zekaria 5:4

Nda ki leta, Yahova wa mahe a vola, na ki lingira mu inyumba yomwivi, nomu inyumba ya uyu wisuhanga ku lieta lyange nobubehi; na ki la menya hagati ha inyumba yeye, nokugisamba halala nemisala gyayo na magina gayo.

Luka 17:29

navutswa ku lidiku lya Loti ya twula mu Sodoma ya kupa imbula yo muliru neyekibiridi ya twula migulu, na ya mala vosi.

Kwidzulitsa 28:24

Yahova a la kola imbula yekivala kikyo i gwe kuli ubusie nolugukyi: vi la duka ku ive kutwula migulu, u luhe u dive.

Kwidzulitsa 29:23

na kuli kivala kyosi ki veye kibiridi, nomunyu, nalisamba, ki vule kutagangwa, kinga kwama, kinga ubulimu bu meranga mu mba, kuli li tung'aminywa lya Sodoma na Gomora, Adima na Zeboim, ga Yahova ya tung'aminya nobutima bwibwe, nelivihirirwa lilye

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi:

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.