Ayubu 17:4 - KITABU KITAKATIFU

⁴ Kigira myoyo gyavo u gyi visi si gyi veye nelimanya: Kigira yaga si u la va nenehidza mba.

Ayubu 17:4 ပူးပေါင်းရင်းမြစ်များ

2 Samweli 15:31

Nomundu mulala ya volera Daudi, na a vola, Ahithofeli a veye mu lihambana lyetsimbemba halala na Abisalom. Na Daudi ya vola, O Yahova, nku goonya, livola lya Ahithofeli, u li girunkannye li gwe ubusiru.

2 Samweli 17:14

Na Abisalom navandu vosi va Israeli va vola, Livola yili li twula ku Hushai Muariki li veye lilahi kuvita livola lya Ahithofeli. Kigira Yahova u saaviye kugirunkannya livola lilahi lya Ahithofeli, Yahova a duke kuleta ubudamano ku Abisalom.

2 Kyetsinyinga 25:16

Na ga duka, lwa ya volerana naye, mwami ya mu volera, Ku viki ive u ve mboli womwami? Leka; kigira ki wenyanga kukuywa? Hene yaho muprofeti ya leka, na a vola, Mmanya Nyasaye u saaviye kudividza ive, kigira wa kola yaga, na wa vula kuhulira makuva gange.

Ayubu 12:20

A twulidzanga livola lya ava dinyeridzwa, Na a twulidzanga limanya lyavasakulu.

Ayubu 17:5

Uyu u hudziridzanga avalina veve ku linyola kidieli, Kali tsimoni tsyavana veve tsi la kuvuka;

Isaya 19:14

Yahova u tsugannyi roho gwobukyamu hagati hakyo; na va gotidzi Egepeti mu miyinzi gyakyo gyosi, kuli muhambiki a yekayekanga mu liluka lilye.

Matayo 11:25

Inyinga yeyo Yesu ya tivula na a vola, Nku santidza, Dada, Mwami weligulu nowelirova, kigira wa visa ku vageeri navahuliri, vindu yivi, nu u vi vuulira avana:

Matayo 13:11

Naye ya tivula na a va volera, Mwinye mu hebeywi kumanya ama kuva ga viswa gobwami bwomigulu, navutswa yava si va hebeywi ndiyo.

Varumi 11:8

kuli wa ga ng'odwa, Nyasaye ya va ha mwoyo gwetsindolo tsinene, tsimoni tsi vula kulola, namatu ga vula kuhulira, kali kuduka lidiku lya lero.

1 Vakorintho 1:20

Umugeeri a veye haliha? Mung'odi a veye haliha? Umuhingi wenyinga yiyi a veye haliha? Nyasaye si ya kola ubugeeri bwelirova bu ve ubusiru?