Ayubu 17:3 - KITABU KITAKATIFU

³ Kalunu u haane kihambiriru, u ve kihambiriru kigira inze halala nive mwene: Ni bwaha u veye ho u bugirira kukupannya ninze umukono?

Ayubu 17:3 ပူးပေါင်းရင်းမြစ်များ

Litanga 43:9

Na inze nda va kihambiriru kigira uyu; u la mu vanza ku mukono gwange: ni mba ni mbula kumuleta ku ive, nokumuvika imbiri wowo, hene yaho inze nda ginga likyenwa mihiga nemihiga:

Litanga 44:32

Kigira inze mutumekiri wowo ndekola kihambiriru ku dada wange mu bugono bwomwana uyu, ni mbola, Ni mbula kumwirannya ku ive, hene yaho ndingira mu likyenwa ku ive dada wange mihiga nemihiga.

Ayubu 5:1

Wanire kalunu; a veye ho mulala a la ku tivulira? N a u la yeka ku u li na mu vatakatifu?

Ayubu 9:33

Si ha veye nomulala u kalaga hagati hetu, A duke kuvika mukono gwigwe ku kwinye vombi.

Zaburi 119:122

U ve kihambiriru kyomutumekiri wowo ku ubugasu: U ta leka avoluyai kundambidza.

Tsing'ano 11:15

Uyu u kolera mugeni kihambiriru a la salira kukyo; Navutswa uyu u dunyira kihambiriru a veye nekilema mwoyo.

Tsing'ano 17:18

Mundu u ta li nelimanya a ha mbannya makono A duke kuva nekihambiriru mmoni mwo mutende wewe.

Tsing'ano 20:16

Vugula ingubo ya uyu u veye wekihambiriru ku mugeni; U vugule kihambiriru ku uyu u kolera mugeni kihambiriru.

Tsing'ano 22:26

U ta va mulala kuvo ava hambannyanga makono, Kinga ku yavo ava veye vihambiriru vyamagovi.

Tsing'ano 6:11

Na ndiyo ubudaka bubwo bu la duka ku ive kuli mwivi, Na lyegomba lilyo kuli mundu weviki vyobulwani.

Isaya 38:14

Kuli litonderidzi kinga iminyi, ni ndiyo nda yovoya; Nda syoma kuli likulu, tsimoni tsyange tsi lutsiririra ku lihenza igulu: O Yahova, inze ndambidzangwa, u ve kihambiriru kyange.

Vahebraina 7:22

Kandi kigira livita yili, Yesu ya gwa kihambiriru kyelilagana lilahi kuvita.