Ayubu 16:17 - KITABU KITAKATIFU

¹⁷ Kali kirage ni ki ta veye mmukono gwange, Lisaala lyange li veye linifu.

Ayubu 16:17 ပူးပေါင်းရင်းမြစ်များ

Ayubu 11:14

Ubudamano ni bu veye mmukono gugwo, u bu vike ihale na ive, U ta bugirira ubukyamu kumenya mmahema gogo.

Ayubu 15:20

Mundu mudamano a vedzanga nobululu bwelilumwa madiku gege gosi, Kuli livalidzwa lyemihiga gyi vikwa ku mudambidzi.

Ayubu 15:34

Kigira kiduma kya ava ta tia Nyasaye ki la va kigumba, Na muliru gu la samba mahema gevikukula.

Ayubu 16:18

O kivala, u ta kunika masahi gange mba, Lilira lyange u ta leka li nyole hokusosa mba.

Ayubu 27:4

Ligali minwa gyange gyi la vula kuvola bu ta li bulungi, Kandi lulimi lwange si lu la vola bugadi.

Ayubu 33:9

Mbeye musiyeku, si mbeye na mahyola mba; Si mbeye nekindu, kandi si ha veye nobudamano mu inze:

Zaburi 17:1

O Yahova, u hulire ubulungi, u tegidze ugutu gug; o ku lilira lyange; U huliridze lisaala lyange, li twula mmunwa bugira ubugadi.

Tsing'ano 15:8

Kihaanwa kyomudamano ki veye ubuvihiriridzi ku Yahova; Navutswa lisaala lyavalungi li veye ubuyanzi bwibwe.

Isaya 59:6

Miluvo gyavo gyi la vula kuva tsingubo, kandi va la vula kwikunika nemiyinzi gyavo: miyinzi gyavo gyi veye miyinzi gyobudamano, na likola lyekirage li veye mu makono gavo.

Jona 3:8

navutswa vivika tsingubo tsyamagunia, avandu kandi imitugu, nokwanira Nyasaye ligali netsingulu tsyosi: yee, va girunkane vosi sa mulala, nokuleka inzira yeye indamano, nokuleka kirage ki veye mu makono gege.

1 Timoteo 2:8

Nyenya avandu vasatsa va saale Nyasaye hosi, va ginge mikono mitakatifu, bugira butima nobuhing'ani.