Ayubu 12:10 - KITABU KITAKATIFU

¹⁰ Welivamwoyo lya vyosi vi veye mwoyo li veye mmukono gwigwe, Na myika gyavandu vosi?

Ayubu 12:10 ပူးပေါင်းရင်းမြစ်များ

Litanga 2:7

Na Yahova Nyasaye ya lomba mundu nolugukyi lwamarova, na a huudza mmolu gege mwika gwelivamwoyo: na mundu ya gwa mwoyo gwelivamwoyo.

Litanga 6:17

Kandi inze, henza, inze ndesanga amadzi manene ku lirova kudividza vyemibiri vyosi vi veye nomwika gwelivamwoyo muvyo vi twule isi weligulu; vyosi vi veye ku lirova vi la kudza.

Ayubu 27:3

(Kigira livamwoyo lyange li kikiri ligima mu inze, Na mwika gwa Nyasaye gu veye mu amolo gange);

Ayubu 27:8

Kigira lisuuvira lya uyu u vula kutia Nyasaye li veye ki, kali ni yenyolera vyambeti, Lwa Nyasaye a twulidza mwoyo gwigwe?

Ayubu 33:4

Roho wa Nyasaye u nombi, Na mwika gwa Wanyala Vyosi gu mbedzanga livamwoyo.

Zaburi 104:29

U visa mmoni mumwo, vi dambi dzangwa U twulidza myika gyavyo, na vikudza, Na vi gwa kandi ulugukyi lwavyo.

Zaburi 104:30

U tuma Roho wowo, na vi lomba ngwa; Ive u lomba lirova kuva lihya.

Kohelethu 9:1

Mu yaga gosi nda vika mwoyo gwange kuhenzeridza yaga gosi: avobulungi, avobugeeri, na likola lyavo, vi veye mu makono ga Nyasaye; ni li veye liyanza, naho lidunya, mundu si a manya; yaga gosi ga veye imbiri wavo.

Isaya 42:5

Nyasaye Yahova a vola, uyu wa lomba ligulu, nokulivagala; uyu wa vambula lirova na vyosi vi twulanga mulyo; uyu u haananga mwika ku avandu vosi va veye kulyo, nokuhaana roho kuvo ava gendanga kulyo:

Isaya 57:16

Kigira si nda hangala madiku gosi, kinga kuva nobutima madiku gosi; kigira nkano roho gwa ka kudza imbiri wange, na myoyo gya nombi.

Danyeli 5:23

navutswa wegingiye ku Mwami womigulu; na va leti viju vyenyumba yeye imbiri wowo, na ive, navanene vovo, na avakali vovo na vasuria vovo, mu nwereye muvyo iwaini; na ive widzominyi avanyasaye vefetha navethahabu, na vomugasa, na vekivya, na vomusala, na veligina, ava vula kulola, nava ta hulira, nava ta manya; na u vuli kwidzominya Nyasaye womwika gugwo gu veye mu mukono gwigwe, na wetsinzira tsitsyo tsi veye tsitsye.

Livalidza 16:22

Navo va gwa mammama, nokuvola, O Nyasaye, Nyasaye wa roho gya avembiri wa vosi, mundu mulala na a va na a kola ubwoni, u la dunyira livugana lyosi?

Yohana 3:6

Kyomubiri gwivula nu mubiri; kandi kya Roho yivula ni roho.

Vikolwa 17:25

kandi si a tumekirwa namakono gavandu, kuli mudaka wekindu kali kilala, kigira niye mwene a hedzanga vosi livamwoyo nomwika, nevindu vyosi.

Vikolwa 17:28

kigira ku uyu ku veye mwoyo, kandi ku genda, kandi ku hindira; kuli avalala ku va lomba tsinyimbu tsyenyu, va vola. Kigira kwinye ku veye visukululwi vivye.