Ayubu 11:7 - KITABU KITAKATIFU

⁷ Ive u nyala kunyola Nyasaye nelidera? U nyala kunyola Wanyala Vyosi kali ubudukira bwbwe?

Ayubu 11:7 ပူးပေါင်းရင်းမြစ်များ

Ayubu 22:12

Nyasaye si a veye migulu? Kandi henza, ubutambi bwetsing'ering'ani kuli tsi veye igulu

Ayubu 26:14

Henza, yitsi ni litanga vutswa lyetsinzira tsitsye: Navutswa nasindi limonya likekeke lya ku huliranga mmakuva gege Navutswa ni bwaha u nyala kumanya lihirigana lyetsingulu tsitsye?

Ayubu 27:11

Inze ndegidza mwinye mu makuva gomukono gwa Nyasaye; Yaga ga veye halala na Wanyala Vyosi si nda ga visa mba.

Ayubu 33:12

Henza, nda ku tivulira, mu likuva yili si u veye nobulungi; Kigira Nyasaye a veye munene kuvita mundu.

Ayubu 33:13

Kigira ki u hing'ana naye, Kigira uyu si a haananga livalidza lyevindu vivye kali kilala kuvyo?

Ayubu 35:5

U henze ligulu, u lole; Na malesi u ga henze, aga veye igulu kuvita iva.

Ayubu 36:26

Henza, Nyasaye a veye munene, si ku mu manya mba Livalidza lyemihiga gyigye si linyoleka mba.

Ayubu 37:23

Ku makuw ga Wanyala Vyosi, si ku nyala kumidera: A veye munene mu tsingulu; Nomu likalaga nobunyingi bwobulungi a la vula kudambidza.

Ayubu 37:5

Nyasaye a hirigananga neligennya lyomwoyo; A kolanga vindu vinene, vya ku ta nyala kumanya.

Ayubu 42:3

Ni bwaha a visanga makuva bugira limanya? Kigira yaga inze mboye ga nta manya, Vindu vyokugenya vya nguuta vya nta manya.

Ayubu 5:9

Uyu u kolanga vindu vinene vi ta manyekana, Vindu vyokugenya vi ta valika:

Zaburi 139:6

Limanya yili li veye lyokugenya kuvita inze; Li veye igulu, si nyala kuduka kulyo mba.

Zaburi 145:3

Yahova a veye munene, na wokwi dzominywa ligali; Ubunene bu ibwe si bu nyala kwiderwa.

Zaburi 77:19

Muhanda gugwo gu veye mu inyanza, Na tsinzira tsitsyo tsi veye mu amadzi manene Na ligenda lilyo si li manyekana mba.

Tsing'ano 30:4

Ibwaha wanegira migulu, nokusulunguta kandi? Ibwaha wa vungidza imbuudza mu mukono gwigwe? Ibwaha wa boha amadzi mu ingubo yeye? Ibwaha wa singeridza viheri vyosi vyelirova? Lieta lilye ni bwaha, na lieta lyomwana wewe ni bwaha, nu u va nu u manya?

Kohelethu 3:11

Ya lomba vindu sa kilala kuva kilahi ku inyinga yakyo: kandi ya vika limanya lyemihiga nemihiga mmyoyo gyavo, navutswa ni ndiyo mundu si a nyala kuvangula miyinzi gwa Nyasaye a koli kutwula mu litanga kuduka mu kiheri.

Kohelethu 7:24

Aga veye yo, i veye ihale ligali kandi ga veye noluliva ligali: ni bwaha u nyala kugavangula?

Isaya 40:28

U kikiri kumanya? U kikiri kuhulira? Nyasaye wemihiga nemihiga, Yahova, Mulombi wetsintulu tsyelirova, si a kudzanga mwoyo, kandi si a luhanga; limanya lilye si liderangwa.

Matayo 11:27

Dada wange u mbeye vindu vyosi: kandi si ha veye wa manya Mwana, navutswa Dada; kandi si ha veye wa manya Dada, navutswa Mwana, naye wo Mwana a yanza kumuvuulira.

Varumi 11:33

O ubunyingi bwobutugi bwobugeeri no bwelimanya bwa Nyasaye likalaga lilye li vula kumanyekana ndi, kandi tsinzira tsitsye tsi vula kunyoleka ndi

1 Vakorintho 2:10

Navutswa Nyasaye ya ku vuulira ku Roho: kigira Roho yidera vindu vyosi; yee, kuduka ku vindu vya Nyasaye vyoluliva.

1 Vakorintho 2:16

Kigira ibwaha wa manya tsiganagani tsyo Mwami, a duke kumwegidza? Navutswa kwinye ku veye netsiganagani tsya Kristo.

Vafeso 3:8

Inze, u veye mukekeke ku mutakatifu u veye mukekeke ku vosi, nda hebwa tsimbabasi yitsi nzilwadzire Avetsihiri ubunyingi bwobutugi bwa Kristo obu ta manyekana bwosi;