Ayubu 10:14 - KITABU KITAKATIFU

¹⁴ Ni nkola ubwoni, hene yaho u mbenzanga, Ive si u la sameha budamano bwange.

Ayubu 10:14 ပူးပေါင်းရင်းမြစ်များ

Ayubu 14:16

Navutswa kalunu u validzanga tsinduvatiru tsyange: Si u veye nobulindi ku ubwoni bwange?

Ayubu 33:9

Mbeye musiyeku, si mbeye na mahyola mba; Si mbeye nekindu, kandi si ha veye nobudamano mu inze:

Ayubu 34:22

Si ha veye nekisundi kinga kiriri kyelikudza, Ha va nyolanga lyevisa, yavo ava kolanga ubukyamu.

Ayubu 7:20

Ni mba ni nkoli ubwoni, nkolera ki ive O ive umlindi wavandu? Kigira ki u mbiki kuva kya u henzera ku Kuduka ngwiye musigo ku mwoyo gwange?

Ayubu 7:21

Kandi kigira ki u vula kusameha mahyolo gange, nokutwulidza budamano bwange? Kigira kalunu nda gona hasi mu lugukyi? Na ive u la nyenya ligali, navutswa si nda va ho mba.

Ayubu 9:28

Ntidzanga liverera lyange lyosi, Mmanya ive si u la vola ku inze mbeye bugira lihyolo.

Zaburi 130:3

Yahova, ive nu u va nu u henzeridza ubudamano, O Mwami, ibwaha u nyala kusingira?

Zaburi 139:1

O Yahova, wideye inze, nokummanya.

Zaburi 90:8

Ive u viki tsimbi tsyetu imbiri wowo, Ubwoni bwetu bu viseywi u viki mu bulavu bwommoni mumwo.

Kutwula 34:7

u hedzanga avandu tsielfu liverererwa, musamehi wobudamano, na mahyolo nobwoni; na a la vula kuvola kali hakuzuzu, mudamano a veye mulahi, na wokuvika ubwoni bwavadada ku avana, noku avana va avana, ku likula lya gavaka noku lya gane.

Jeremia 16:17

Kigira tsimoni tsyange tsi lolanga tsinzira tsyavo tsyosi; si va visika mmoni mwange, kandi ubudamano bwavo si bu la visika imbiri wetsimoni tsyange.

Livalidza 14:18

Yahova a veye wa galaha ku butima, na wobunyingi bwetsimbabasi, na wokusameha ubwoni na mahyolo; naye si a la kola uyu uekindu kuye kuva bugira kindu ku liva lyosi, u vikanga ubwoni bwavaguga ku avana vavo kuduka likula lya gavaka kandi lya gane.