Ayubu 1:8 - KITABU KITAKATIFU

⁸ Na Yahova ya teva Setani, Wa li ku lola mutu mekiri wange Ayubu? Kigira si ha li nomulala u veye kuli uyu mu lirova lyosi, mundu musuuvirifu nomulungi, mulala u tidzanga Nyasaye, nokwavukana nobudamano.

Ayubu 1:8 ပူးပေါင်းရင်းမြစ်များ

2 Avami 23:25

Na si ya li ho ku matsyambiri umwami kuli uyu, wa girunkana na a yeka ku Yahova nomwoyo gwigwe gwosi, na roho gwigwe gwosi, netsingulu tsitsye tsyosi, kuli lilaga lyosi lya Musa; kinga inyima wewe si ya singira yo mulala wa li kuli uyu.

Nehemia 5:15

Navutswa avamehi avimira imbiri wange va li avandu va tungangwa, navo va vugula ubukima bwavandu, newaini, halala netsishe keli amakumi gane tsyefetha; yee, kali avatumekiri vavo veyamehidza ku vandu: navutswa inze si nda kola ndiyo mba, kigira nda tia Nyasaye.

Ayubu 1:1

Ya li ho mundu mu kivala kya Uzu, wa langwa Ayubu; mundu uyu ya li mudukiru nomulungi, ya li mulala wa tia Nyasaye, nokwavukana nobudamano.

Ayubu 12:4

Inze mbeye-mulala u veye kyokusekwa ku vakye, Mbeye mund u wanira Nyasaye, naye ya mu tivulira: Mulungi, mundu mudukiru, u gwiye kyokusekwa.

Ayubu 2:1

Kandi ga duka ku lidiku lilala avana va Nyasaye lwa va tsia kwevungidza avene imbiri wa Yahova, Setani yadza hagati havo kwivika mwene imbiri wa Yahova.

Ayubu 2:3

Na Yahova ya teva Setani, U loli mutu mekiri wange Ayubu? Kigira si ha li nomulala u veye kuli uyu mu lirova lyosi, mundu musuuvirifu nomulungi, mulala u tidzanga Nyasaye, nokwavu kana nobudamano: naye kali kalunu a ki hambanangi nobudukiru bwibwe, kali nu u ng'oonya kuye, kumudividza bugira kivune.

Ayubu 34:14

Na a va ni ya vika mwoyo gwigwe ku vandu, Na a va ni yevungidzira mwene roho wewe nomwika gwigwe;

Ayubu 8:20

Henza, Nyasaye si a la ta mundu mudukiru, Kandi si a la dinyeridza ava kolanga budamano.

Zaburi 18:23

Kandi nda li mudukiru imbiri wewe, Nokwegaya ku bukyamu bwange.

Zaburi 34:14

Weyahule ku budamano, na u kole ubulahi; Wenye mirembe, na u gyi londetsimbiru.

Zaburi 36:1

Ubwibaali bwomudamano bu vola mu mwoyo gwange, Si ha li nelitibwa lya Nyasaye imbiri wetsimoni tsitsye.

Zaburi 37:27

U twule mu budamano, na u kole bulahi; Na u menye mihiga nemihiga.

Zaburi 84:11

Yahova Nyasaye a veye liuva na ingavo: Yahova a la haana tsimbabasi na ubukumi Si a la vima kindu kilahi, yava ava gendanga mbulungi.

Zaburi 89:20

Nyoye Daudi mutumekiri wange; Mmu vaki namaguta gange matakatifu:

Tsing'ano 8:13

Litia Yahova li veye kudunyira ubudamano: Luyai, na lyegingira, na inzira indamano, Na umunwa gwobukyamu, ndunyiranga yivi.

Isaya 1:16

Mweyogidze, mwetakase; mu twulidze ubudamano bwelikola lyenyu imbiri wetsimoni tsyange; mu leke kukola ubudamano;

Isaya 42:1

Henza, mutumwa wange, wa ndiranga; mutovole wange, womwoyo gwange gu sangalira muye: nda vika kuye Roho wange; naye a la letera Avetsihiri likalaga.

Ezekieli 40:4

Na mundu zana ya mbolera, Ive mwana womundu, henza netsimoni tsitsyo, hulira na amatu gogo, na u vike mwoyo gugwo ku yaga gosi aga ndi ku mannya; kigira ive wa letwa hano nduke kukumannya yaga: wilwadze gosi aga u lola ku inyumba ya Israeli.

Livalidza 12:3

Mundu uyu Musa ya li muhokya ligali, kuvita avandu vosi ava li ku lirova.

Yohana 1:47

Yesu ya lola Natanaeli yadza kuye, na a vola kuye, Henza, Muisraeli weligali, u ta li nobugadi

Joshua 1:2

Mutumekiri wange Musa u kudzi; kunangwa ive u vuke, wambuke mugera yigu gwa Yordani, ive, na avandu yava vosi, mu duke ku kivala kya mbedzanga, livola li veye ku avana va Israeli.

Joshua 1:7

U ve mugulu nomuluviriri ligali, u duke kulinda kukola kuli lilsga yili lyosi, lya Musa mutumekiri wange ya ku laga: u ta girunkana kulileka, u tsie ku luvega lwomukono mulungi kinga lwomukono mmosi mba, u duke kugasidzwa ha u tsitsanga hosi.