Ayubu 1:5 - KITABU KITAKATIFU

⁵ Na ga duka, lwa madiku gelilia lyavo ga kung'ana, Ayubu ya tuma nokuvatakasa, na a vuka mugamba tsuri, na a haana vihaanwa vyoku sambwa kuli livalidzwa lyavo vosi: kigira Ayubu ya vola, Namusya avana vange va koli ubwoni, nokunyega Nyasaye mmyoyo gyavo. Ayubu ya kola ndiyo kazozo.

Ayubu 1:5 ပူးပေါင်းရင်းမြစ်များ

Litanga 22:3

Na Abrahamu ya vuka mabwebwe, na yaala ku isukiri vyokwikala ku, na a hila avasoleli veve vaviri, na Isaka mwana wewe; kandi ya syaga tsinku tsyekihaanwa kyokusambwa na a twula na a tsia ha Nyasaye ya li kumuvolera.

Litanga 6:5

Kandi Yahova ya lola ubudamano bwa avandu bwa li bunene ku lirova, kandi lisaavira lyosi na tsinganagani tsyomwoyo gwavo tsya li ubudamano bwere kazozo.

Litanga 8:20

Kandi Nuhu yombakira Yahova bwali; na a vugula ku tsinyama tsinifu tsyosi, noku manyonyi manifu gosi, na a leta vihaanwa vyokusambwa ku bwali.

1 Avami 18:31

Elija ya vugula amagina likumi na gaviri kuli livali dzwa lyetsihiri tsyavana va Yakobo, welikuva lya Yahova lya duka kuye, nokumuvolera, Lieta lilyo li la va Israeli.

1 Avami 21:10

na mu singeridze vaviri, avana va Beliali, imbiri wewe, va lolekidze kuye, va vole, Ive wa nyega Nyasaye nomwami halala. Hene yaho mu mu hile kyova nokumulasa magina, a duke kukudza.

1 Avami 21:13

Navandu vaviri, avana va yingu, vingira na vikala imbiri wewe: ma avandu va yingu va lolekidza kuye, ku Nabothu imbiri wavandu, ni va vola, Nabothu ya nyega Nyasaye nomwami. Hene yaho va mu hila kyova welidala, nokumulasa magina na a kudza.

Nehemia 12:30

Na vasalisi na Valevi vetakasa avene na va takasa avandu, neviribwa nelidigi.

Ayubu 1:11

Navutswa nyira mukono gugwo kalunu, u dire vyosi vya a veye navyo, na a la ku nyega imbiri wommoni mumwo.

Ayubu 1:4

Navana veve va tsia kulomba lilia mu inyumba yavo, sa mulala ku lidiku lilye; navo va hma kulanga vabotso vavaka vavo vadze kulia nokunwa halala navo.

Ayubu 2:9

Hene yaho mukali wewe ya mu volera, Ive kuduka kalunu u ki hambananga nobudukiru bubwo? Sivulana na Nyasaye, u kudze.

Ayubu 27:10

A leyanzidza mu Wanyala Vyosi, Nokwanira Nyasaye tsinyinga tsyosi?

Ayubu 41:25

Lwa yeginga yene, avetsingulu va tidzanga; Kigira ubutii bwokutimulwaenkolo.

Ayubu 42:8

Kunangwa kalunu, mu vugule tsing'ombe tsitano na tsiviri, namagondi makole gatano na gaviri, mu tsie navyo ku mutumekiri wange Ayubu, mu haane vi ve vyemyoyo gyenyu kihaanwa kyokusambwa; na mutumekiri wange Ayubu a la mu saalira; kigira nda bugirira uyu, mbule kukolera mwinye kuli ubusiru bwenyu; kigira si mwa vola ku inze makuva gobulungi kuli mutumekiri wange Ayubu ya vola.

Ayubu 6:14

Ku uyu u veye himbi likinda, ga mu dukira avalina veve va mu kolere bulahi; Kali ku uyu u lekanga kutia Wanyala Vyosi.

Ayubu 8:4

Ni i va avana vovo va mu koleye ubwoni, Naye u va viki mmukono gwelihyolo lyavo;

Zaburi 5:3

O Yahova, mugamba u la hulira mwoyo gwange; Mugamba nda lungikidza lisaala lyange ku ive, na nda linda.

Kutwula 18:12

Na Jethro, navizala wa Musa, ya vugulira Nyasaye kihaanwa kyokusambwa netsisadaka: na Haruni ya tsia, na vakulundu vosi va Israeli, kulagira ubu kima halala na navizala wa Musa, imbiri wa Nyasaye.

Kutwula 19:10

Na Yahova ya volera Musa, U tsie ku avandu yavo, u va takase lero na mugamba, na vogidze tsingubo tsyavo,

Kutwula 24:5

Naye ya tuma avandu avasoleli ku avana va Israeli, ava haananga tsisadaka tsyokusambwa, na va viitira Yahova tsisadaka tsyemirembe tsyetsing'ombe.

Kohelethu 9:10

Ku vyosi kyomukono gugwo gu duka kukola, u ki kole netsingulu tsitsyo tsyosi; kigira si ha veye nemiyinzi, kinga livalidza, kinga limanya, kinga ubugeeri, mu kilindwa kya u tsitsanga mu.

Jeremia 4:14

O Yerusalemi, yogidza mwoyo gugwo ku budamano bubwo, u duke kuhona. Tsiganagani tsitsyo tsindamano tsi la menya mu ive kuduka inyinga ki?

Ezekieli 14:14

kali avandu yava vavaka, Nuhu, na Danyeli na Ayubu ni va veye mukyo, nkano va ka honnya myoyo gyavo avene gyeng'ine mu ubulungi bwavo, Mwami Nyasaye a vola.

Luka 1:75

Mu butakatifu nobulungi imbiri wewe madiku getu gosi.

Luka 18:7

Kandi Nyasaye si a la kalagira avatovole veve, ava mwanira mbasu nobudiku, navutswa a likudzira kuvo?

Yohana 11:55

Lipasaka lya Vayuda lya li himbi: navandu vanyingi vanegira Yerusalemi imbiri welipasaka, va twula mu kivala, ni va tsia kwetakasa.

Vikolwa 21:26

Kunangwa Paulo ya hila avasatsa yava, na mugamba yetakasa halala navo ni yingira mu litempeli; na a vuula madiku gokutakasa ga duki, kuduka inyinga tsisadaka tsi leterwa vosi.

Vikolwa 8:22

Kigira yaga weganire ubudamano bubwo yibu, u saale Mwami, ni mbula u samefwe tsiganagani tsyomwoyo gugwo.

1 Vakorintho 4:5

Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.

2 Vakorintho 11:2

Kigira mbeye nelikendeka ku mwinye, nelikendeka lya Nyasaye: kigira mmu sereye ku musatsa mulala, nduke kuserera mwinye kuli mukana mugyima mulahi ku Kristo.

Vafeso 6:18

nelisaala lyosi nokusaava mu lisaala tsinyinga tsyosi mu Roho, nokulinda mugeni yaga nelihongera lyosi nokusaalira avatakatifu vosi,

1 Samweli 16:5

Naye ya vola, Yee, nemirembe; nduki kuhaana kihaanwa ku Yahova: mwetakase avene, na mu duke halala ninze mwisadaka. Na ya takasa Jesse navana veve, na ya va langa vadze ku isadaka.