Ayubu 1:3 - KITABU KITAKATIFU

³ Nobutugi bwibwe bwa li amagondi tsielfu tsitano na tsiviri, netsing'amia tsielfu tsivaka, netsing'ombe tsyokulima elfu indala netsisukiri tsidwasi tsimia tsitano navandu vomu inyumba avanyingi ligali; kunangwa mundu uyu ya li munene kuvita avandu vosi avoluvega lwevugwe.

Ayubu 1:3 ပူးပေါင်းရင်းမြစ်များ

Litanga 12:16

Naye ya kolera Abram bulahi kigira uyu: ya li namagondi, na tsing'mbe, na tsisukiri tsisatsa, na vatumiki avasatsa, na vakana, na tsisukiri tsinkali, na tsing'amia.

Litanga 12:5

Na Abram ya vugula Sarai mukali wewe, na Loti mwana wamwavo wewe, na vindu vyosi vya venyolera, na vandu ava va nyola mu Harani; na va twula kutsia mu kivala kya Kanani; na va duka mu kivala kya Kanani.

Litanga 13:6

Na kivala si kya nyala kudukana navo, va menye halala: kigira ubutugi bwavo bwa li bunyingi, va luha va vula kumenya halala.

Litanga 24:35

Na Yahova u gasidzi mwami wange ligali, naye u duki kuva munene ligali: kandi u mu heye imitugu gyamagondi na tsing'ombe, na ifetha, na thahabu, na vatugwa vayai, na vatugwa vakana, na tsing'amia, na tsisukiri.

Litanga 25:6

Navutswa avana va vasuria Abrahamu ya va ha vihaanwa; na a vavukanya ku Isaka mwana wewe, lwa a kiri mwoyo, va tsie ku luvega lwevugwe ku duka mu kivala kyevugwe.

Litanga 29:1

Kunangwa Yakobo ya simuka, na a tsia ku lugendo, na a duka ku kivala kya avana va ivugwe.

Litanga 32:14

tsimbuli tsinkali tsimia tsiviri na tsikole makumi gaviri, na magondi tsimia tsiviri na makole makumi gaviri,

Litanga 34:23

Tsing'ombe tsyavo, nobutugi bwavo, nemitugu gyavo gyosi, si vi la va vyetu? Ku bugirire inkuva yiyi yeng'ine kuvo, navo va la menya halala na kwinye.

2 Samweli 12:2

Mutugi ya li nevyayo vyamagondi netsing'ombe vinyingi ligali;

1 Avami 4:30

Ubugeeri bwa Solomoni bwa vita ubugeeri bwavana vevugwe, nobu geeri bwosi bwa Egepeti.

2 Avami 15:20

Menahem ya solola ku va Israeli ifetha zana, ku vanene vosi vobutugi, sa mulala tsishekeli makumi gatano tsyefetha, a duke kuha mwami wa Asuria. Ma mwami wa Asuria yirana, si ya menya mu kivala mba.

2 Avami 3:4

Na Mesha mwami wa Moabu ya li mutugi wamagondi manyingi; na ya tunga mwami wa Israeli ubwoya bwavana vamagondi tsielfu mia, nobwoya bwamagondi makole tsielfu mia.

1 Kyetsinyinga 27:30

na Obili Muishmaeli ya li igulu ku tsing'amia: na Jehideia Mumeronothi ya li igulu ku tsisukiri: na Jazizi Muhagari ya li igulu ku vyayo vyamagondi.

2 Kyetsinyinga 26:10

Na yombaka minara mwi gendanyama, na ya yava bwina bwo kuvungidza mu amadzi, kigira ya li nemitugu minyingi; kandi mu kivala kyekivanda, nomu kireremu: na ya li na valimi na valindi vemizabibu mu vigulu nomu milimi gyevindu vinyi ngi; kigira ya li ni ya yanza kulima

2 Kyetsinyinga 32:29

Kandi ya lomba madala gege, nevyayo vyama gondi netsing'ombe tsinyingi; kigira Nyasaye ya mu ha ubutugi bunyingi ligali.

Ayubu 1:10

Ive i wa kumbiridza kuye lwevo tsimbega tsyosi, halala nenyumba yeye, nevindu vyosi vya a veye navyo? Miyinzi gyamakono gege wa gyi gasidza, nobutugi bwibwe bu medekanga mu kivala.

Ayubu 1:4

Navana veve va tsia kulomba lilia mu inyumba yavo, sa mulala ku lidiku lilye; navo va hma kulanga vabotso vavaka vavo vadze kulia nokunwa halala navo.

Ayubu 21:28

Kigira mu vola, Inyumba yomunene i veye haliha? Nelihema lyavadamano va menyanga mu, li veye haliha?

Ayubu 29:25

Nda tovola inzira yavo, ndikala kuli munene, Ndikala kuli mwami mu lihe, Kuli mulala u leminyanga ava syomanga.

Ayubu 31:25

Ni mba ni nsangali kigira miyandu gyange gyi veye minyingi, Na kigira mukono gwange gu nyoye vindu vinyingi;

Ayubu 31:37

Nkano nzivalidze kuye livalidzwa lyetsinduvatiru tsyange; Nkano nzisunde kuye kuli munene.

Ayubu 42:10

Na Yahova ya girunkanya ubuhambe bwa Ayubu, lwa ya saalira avalina veve: Yahova ya ha Ayubu hali kaviri kuvita vya ya li navyo ku matsyambiri.

Ayubu 42:12

Na ndiyo Yahova ya gasidza kiheri kya Ayubu kuvita litanga lilye: naye ya li namagondi tsielfu likumi na tsine, netsing'amia tsielfu tsitano na indala, netsing'ombe tsyo kulima tsielfu tsiviri, netsisukiri tsi dwasi elfu indala.

Tsing'ano 10:22

Ubugasu bwa Yahova bu tugidzanga; Na si a vika liverera halala nabwo.

Jeremia 49:28

Ku Kedari, noku bwami bwa Hazoru, bwa Nebukadirezaru mwami wa Babuloni ya kuya. Yahova a vola: Mu singire, mwanegire Kedari, mu lanye avana vevugwe.

Livalidza 23:7

Naye ya kupa lugano lwilwe, na a vola, Balaki ya ndeta kutwula Aram, Mwami wa Moabu ya ndeta kutwula mu vigulu vya Ivugwe: Hamba, u naamire Yakobo Na hamba u vihirirwe Israeli.

Vakalagi 6:3

Kunangwa ga li ndiyo, lwa Israeli va midza milimi gyavo, Vamidiani na Vaamaleki vanegira, navana vevugwi; vanegira kuvo;

Vakalagi 6:5

Kigira vanegira netsing'ombe tsyavo namahema gavo; vingira mu kuli tsisigi ku bunyingi bwavo; yavo ne tsing'amia tsyavo tsya vula kuvalika: na vingira mu kivala yikyo ni va kyononnya.

Vakalagi 7:12

Ma Vamidiani na Vaamaleki navana vesi vevugwi ava gona mwivona kuli tsisigi tsinyingi; netsing'amia tsyavo tsya vula kuvalika, kuli umuyeke gu veye ku luginga lwenyanza tsinyingi.

Vakalagi 8:10

Kalunu Zeba na Zalimuna va veye mu Karikori, namahe gavo ga veye halala navo, avasatsa ava duka kuli tsielfu likumi na tsitano, va veye vosi ava tigala ku lihe lyosi lyavana vevugwi; kigira va gwa avandu tsielfu mia na makumi gaviri ava tumekira kivavi.

1 Samweli 25:2

Ya li ho mundu mulala ha Maon, wemiyandu gyigye gya li ha Karimeliuyu ya li mundu munene, naye ya li namagondi tsielfu tsivaka, netsimbuli elfu indala: na inyinga yeyo ya li na a kalaganga ubwoya bwamagondi gege ha Karimeli.

1 Samweli 27:9

Na Daudi ya kuya kivala yikyo, na si ya leka mundu musatsa kinga mukali kuva mwoyo, na ya vugula magondi, netsing'ombe, netsisukiri, netsing'amia, netsingubo; na yirana na a duka ku Akishi.