Ayubu 1:21 - KITABU KITAKATIFU

²¹ na ya vola, Inze nda twula munda mwa mama wange ni mbeye mwere, na kandi ndirana yo ndiyo mwere; Yahova ya haana, kandi Yahova u vuguye; Iieta lya Yahova li gasidzwe.

Ayubu 1:21 ပူးပေါင်းရင်းမြစ်များ

Litanga 3:19

mu lugeri lwommoni mumwo u la lia vyokulia, kuduka ive u lirana mu marova; kigira wa twulidzwa mugo: kigira u veye ulugukyi, na u lirana mu lugukyi.

Litanga 30:2

Na Yakobo ya vihirirwa na Raheli: na a teva, Inze mbeye mbugono bwa Nyasaye, wa ku gaya lwivulu lwe inda?

Litanga 45:5

Na kalunu mu ta verera mba, kandi mu tevihirirwa avene, kigira mwa ngulidza hano: kigira Nyasaye ya nzimiridza imbiri wenyu kuhonya livamwoyo lyavandu.

2 Samweli 16:12

Namusia Yahova a la henza ubudamano yibu bwa nkola ngwa, namusia Yahova a la ntunga ubulahi kigira linyega lilye lero.

1 Avami 12:15

Ma mwami ya vula kuvahulira; kigira lya li likuva lya Yahova ya leta, a duke kusingeridza likuva lilye, lya Y ahova ya volera Jeroboam mwana wa Nebati nomunwa gwa Ahija Mushilon.

2 Avami 20:19

Hene yaho Hezekia ya volera Isaya, Li veye lilahi likuva lya Yahova lya ive u voye. Ya mu volera kuvita Gya va ni gyi va mirembe na geiigali ga la va mmadiku gange, si bu va bulahi?

Nehemia 9:5

Hene yaho Valevi, Jeshua, na Kadimieli, na Bani, na Hashabaneia, na Sherebia, na Hodia, na Shebania, na Pethahia, va vola, Mu singire mu santidza Yahova Nyasaye wenyu wokutwula mihiga nemihiga kuduka ku mihiga nemihiga; na lieta lilyo lyobukumi lidzominywe, lyobukumi kuvita bugasu bwosi nelidzominywa lyosi.

Ayubu 1:11

Navutswa nyira mukono gugwo kalunu, u dire vyosi vya a veye navyo, na a la ku nyega imbiri wommoni mumwo.

Ayubu 2:10

Na vutswa Ayubu ya volera mukali wewe, na a vola, Ive u volanga kuli mulala ku vakali vasiru a volanga. Ni ki ndiki? Ku nyole bulahi mmukono mwa Nyasaye, na ku vule kunyola ububi? Mmakuva yaga gosi Ayubu si ya kola bwoni neminwa gyigye mba.

Ayubu 9:12

Henza, u gumiye vilanye, ni bwaha u nyala kumugayidza? Ni bwaha u nyala kumuteva, U kolanga ki, ive?

Zaburi 34:1

Nda gasidza Yahova tsinyinga tsyosi: Lidzominywa lilye li la va mmu nwa gwange kazozo.

Zaburi 34:2

Mwoyo gwange gu ligingira mu Yahova: Avahoma va la hulira yaga nokuva nesango.

Zaburi 39:9

Nda kiring'ana, si nda kunula munwa gwange; Kigira ive wa ga kola.

Zaburi 49:17

Kigira lwa a kudza si a la hila kindu halala naye; Ubukumi bwibwe si bu liika inyima wewe.

Kohelethu 12:7

nolugukyi kwirana ku lirova kuli lwa li, nomwoyo kwirana ku Nyasaye wa tanga kuguhaana.

Kohelethu 5:14

ubutugi yibu bu divanga ku ligwirwa nekindu kivi; na a va ni yivula mwana muyai, si a veye nekindu mmukono gwigwe.

Kohelethu 5:15

Kuli ya twula munda mwa mama wewe, a la tsia ndiyo kyahonyo kuli vadza, na si a la hila kindu kali kilala kyelididikana lilye, kya a nyala kuhila mmukono gwigwe.

Kohelethu 5:19

Kandi mundu sa mulala wa Nyasaye ya ha ubutugi nobuhinda, nokumuha tsingulu a lie vindu zana, nokuvugula kidieli kikye nokusangalira lididikana lilyeyiki ni kihaa nwa kya Nyasaye.

Isaya 24:15

Kunangwa mu kuminye Yahova ku luvega lwevugwe, mu kuminye lieta lya Yahova Nyasaye wa Israeli, mu visulu vyomu inyanza.

Isaya 42:24

Ni bwaha wa haana Yakobo a ve kilanye, ni bwaha wa vika Israeli ku vanuuli? Si a li Yahova u a kola? Wa kwinye ku mu koleye ubwoni, na va vula kubugirira ku genda mu tsinzira tsitsye, kandi si va hulira amalago gege.

Isaya 45:7

Inze nomba ubulavu, nokukola kisundi; nda leta mirembe, na nda lomba bubi inze mbeye Yahova, wa kola vindu yivi vyosi.

Lisyoma lya Jeremia 3:38

Mu munwa gwa Uyu Uveye Igulu Ligali si ga twulanga amadamano nobulahi?

Amosi 3:6

Kisiliva ki nyala kukupwa mu lidala, navandu va vula kutia? Ubudamano bu la duka ku lidala na Yahova na a ta bu leta?

Matayo 20:15

Si bu li bulahi inze nkole kuli wa nyanza ku vindu vyange? Naho imoni yoyo i veye indamano kigira inze mbeye mulahi.

Vikolwa 4:28

Ku vyosi va kole vyosi vyomukono gugwo nobulaliri bubwo bwa saavira vi kolwe.

Vafeso 5:20

madiku gosi mu santidze Nyasaye, naye ni Dada kigira vyosi mu lieta lyo Mwami wetu Yesu Kristo;

1 Vatesalonike 5:18

mu santidze ku vindu vyosi: kigira yibu bu veye ubulaliri bwa Nyasaye mu Kristo Yesu ku luvega lwenyu.

1 Timoteo 6:7

Kigira si kwa duka mu lirova nekindu, kandi si ku nyala kutsia nekindu kali kilala;

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.

Yakobo 5:11

Henza, ku lola yava kuva nobugasu avikudzira: mu huliye amakuva gobwikudziri bwa Ayubu, kandi mu loli litwekidza lyo Mwami, kuli Mwami wizuye tsimbabasi, nelivererera.

Ruth 1:21

Nda twula hano ni mbeye mu hinda, na Yahova u nziranye vutswa, kigira ki mu nanga Naomi, kigira Yahova u lolekidzi ku inze, na Wanyala Vyosi u ndambidzi?

1 Samweli 2:7

Yahova a kolanga mundu kuva mudaka, kandi a tugidzanga: Yikidzanga hasi, kandi a ginganga igulu.

1 Samweli 2:8

A ginganga mudaka nokumutwulidza mulugukyi, A ginganga mwegombi nokumutwulidza mu isina, Nokuvakola vikale halala navanene, Nokunyola miyandu intebe yobukumi: Kigira tsitiru tsyelirova tsi veye tsya Yahova, Uyu wa singeridza lirova kutsyo.

1 Samweli 3:18

Ma Samweli ya mu volera sa kilala, si ya mu visa kindu mba. Naye ya vola, Ni Yahova: a kole aga veye malahi kuye.