Ayubu 1:10 - KITABU KITAKATIFU

¹⁰ Ive i wa kumbiridza kuye lwevo tsimbega tsyosi, halala nenyumba yeye, nevindu vyosi vya a veye navyo? Miyinzi gyamakono gege wa gyi gasidza, nobutugi bwibwe bu medekanga mu kivala.

Ayubu 1:10 ပူးပေါင်းရင်းမြစ်များ

Litanga 15:1

Inyima wevindu yivi likuva lya Yahova lya duka ku Abram mu malola, kuvola, U ta tia, Abram: Inze mbeye inkingiru yoyo, na madanyi gogo manene ligali.

Litanga 26:12

Na Isaka ya taga mulimi mu kivala zana, na a gesa ku muhiga yigwo kilala kya leta mia: na Yahova ya mu gasidza.

Litanga 30:30

Kigira gya li mikekeke gya wa li nagyo lwa nkikiri kuduka, nagyo gyi medeki kuva minyingi; na Yahova u ku gasidzi hosi ha nda tsia: na kalunu nda duka inyinga ki kulombera avenyumba yange?

Litanga 30:43

Namundu uyu ya medeka ligali, na ya li nevyayo vinene, navatugwa avakana navatugwa avayai, na tsing'amia, na tsisukiri.

Litanga 39:5

Kunangwa kutwula inyinga ya ya mu kola mulindi wenyumba yeye, kandi wevindu vyosi vya ya li navyo, Yahova ya gasidza inyumba ya Muegepeti kigira Yosefa; na ubugasu bwa Yahova bwa li ku vyosi vya ya li navyo, mu inyumba nomu mulimi.

Litanga 49:25

Kali Nyasaye wa dada wowo, u li ku konya, Noku Wanyala Vyosi u li ku gasidza, Nobugasu bwomigulu igulu, Nobugasu bwenyanza ya hasi, Nobugasu bwetsimbeere nobwa inda.

Ayubu 1:3

Nobutugi bwibwe bwa li amagondi tsielfu tsitano na tsiviri, netsing'amia tsielfu tsivaka, netsing'ombe tsyokulima elfu indala netsisukiri tsidwasi tsimia tsitano navandu vomu inyumba avanyingi ligali; kunangwa mundu uyu ya li munene kuvita avandu vosi avoluvega lwevugwe.

Ayubu 29:2

Nkano nda li kuli wa nda li mu myeli gya kale, Kuli wa nda li mu madiku ga Nyasaye ya mbenzanga;

Ayubu 29:6

Tsinyinga yitsyo tsinduvatiru tsyange tsyogidzangwa namaguta, Na lwanda lwa tsuka ku inze migera gyamaguta

Ayubu 31:25

Ni mba ni nsangali kigira miyandu gyange gyi veye minyingi, Na kigira mukono gwange gu nyoye vindu vinyingi;

Ayubu 42:12

Na ndiyo Yahova ya gasidza kiheri kya Ayubu kuvita litanga lilye: naye ya li namagondi tsielfu likumi na tsine, netsing'amia tsielfu tsitano na indala, netsing'ombe tsyo kulima tsielfu tsiviri, netsisukiri tsi dwasi elfu indala.

Zaburi 107:38

A va gasidza kandi kuduka va medeka ligali; Kandi si a leka mitugu gyavo ku gehidzwa.

Zaburi 34:7

Ingelosi ya Yahova a kumbiridzanga yavo ava mu tidzanga, Na a va hedzanga ubwiyangu.

Zaburi 5:12

Kigira ive u la gasidza avalungi; O Yahova, u la va kumbiridza netsimbabasi, kuli nengavo.

Zaburi 71:21

Ive u mede ubunene bwange, Wirane kandi u leminye mwoyo gwange.

Zaburi 80:12

Kigira ki u tigula tsingaga tsvagwo, Kuduka vosi ava vita ku inzira va gu noga?

Zaburi 90:17

Na ubulahi bwo Mwami Nyasaye wetu bu ve ku kwinye; Na u singeridze miyinzi gyamakono getu ku kwinye; Yee, miyinzi gyamakono getu u gyi singeridze.

Tsing'ano 10:22

Ubugasu bwa Yahova bu tugidzanga; Na si a vika liverera halala nabwo.

Isaya 5:2

naye ya ki lima, nokutwulidza magina gakyo, nokusimika mu muzabibu mulahi kuvita gyosi, nokwombaka kitaradzi hagati hakyo, nokuyava mu kiminiru kyewaini: na a henzerera gwame mazabibu, navutswa gwama mazabibu gomulitu.

Isaya 5:5

Kalunu nda mu volera miyinzi gya nda li kukolera kizabibu kyange: nda twulidza ulwebo lwakyo, na ki la libwa; nda sambula lugaga lwakyo, na ki la duvagwa:

Zekaria 2:5

Kigira inze, Yahova a vola, inze nda va lidigi lyolugaga lwomuliru kulikumbiridza tsimbega tsyosi, na nda va ubukumi hagati halyo.

Zekaria 2:8

Kigira Yahova wa mahe a vola: Kigira bukumi ya ntuma ku tsihiri tsya lanya mwinye; kigira uyu u dira mwinye a diranga indolero yemoni yeye.

Kwidzulitsa 33:11

Yahova, u gasidze liva lilye, U bugirire miyinzi gyamakono gege; U teme vikenge vya yavo ava mu vukiranga, Nevya yava ava mu dunyiranga, va ta vuka kandi.

Kwidzulitsa 33:27

Nyasaye wemihiga nemihiga niye ubumenyo bubzoo, Namakono gemihiga nemihiga ga veye isi wowo. Naye ya twulidza musigu imbiri li wowo, Na a vola, Wononye.

Kwidzulitsa 7:13

na a la ku yanza, nokukugasidza, nokukumeda; kandi a la gasidza lwivulu lwenda yoyo, nelyama lyemilimi gyigyo, ubuswage bubwo, newaini yoyo, namaguta gogo, nelimedeka lyetsing'ombe tsitsyo, navana vamagondi gogo, mu kivala kya yesuhira avaguga vovo a la hu ha.

1 Petro 1:5

ava lindangwa netsingulu tsya Nyasaye, kigira lisuuvira kuduka ku buhonnyi, bwetegeki kulang'aminywa mu inyinga yekiheri.

1 Samweli 25:16

va li lidigi ku kwinye inyinga yobudiku nombasu halala, tsinyinga tsyosi tsya kwa li halala navo kwaya magondi.