Amosi 9:9 - KITABU KITAKATIFU

⁹ Kigira, henza, nda laga, na nda sesa inyumba ya Israeli hagati hetsihiri tsyosi, kuli ubusuage bu sesangwa mu luderu, navutswa inzoli indala i la vula kugwa hasi.

Amosi 9:9 ပူးပေါင်းရင်းမြစ်များ

Isaya 27:12

Na ga la va mu lidiku yilyo, Yahova a la hula amakuyu galyo kutwula ku kisenukiru kyo Mugera kuduka ku mugera gwa Egepeti; na mu la vungidzwa sa mulala, O mwinye avana va Israeli.

Isaya 28:28

Na ingano yobukima i syezangwa kigira si ha la va nelihuula madiku gosi: kandi kali ingida yeligari lilye netsiparasi tsitsye tsi bu salannya, si a la gi sia.

Isaya 30:28

mwika gwigwe gu yeye kuli mugera gwizuliranga, gu dukanga mwigoti, kusesa tsihiri nelisesa lyobudivi: nelijamu li kyaminyanga Ii la va mmunwa gyavandu.

Jeremia 31:36

Amalago yaga ni ga twula ga vule kuva imbiri wange kandi, Yahova a vola, hene yaho kisukululwi kya Israeli nakyo ki la hera ki vule kuva ihiri kandi imbiri wange mihiga nemihiga.

Jeremia 46:28

Ive u ta tia mba, O Yakobo mutumekiri wange, Yahova a vola; kigira inze mbeye halala nive: kigira inze nda heridza ligali tsihiri yitsyo tsyosi tsya nda ku kunga kutsia mutsyo, navutswa si nda heridza ive mba, navutswa nda ku gondokera nelikalaga, kandi si nda ku leka bugira kukuha mageli kali hakuzu.

Jeremia 49:36

Noku Elam nda leta tsimbuudza tsine kutwula ku tsimbega tsyomwigulu tsine, na nda va salannya va tsie ku tsimbuudza tsyosi tsine; kandi si i la va ho ihiri kali indala ha yavo ava tebwa va Elam va vula kuduka muyo.

Ezekieli 20:38

nda va sembera va twule hagati henyu avebaali, na va hyola ku inze; nda va twulidza mu kivala kya va menyanga mu ubugeni, navutswa si va lingira mu kivala kya Israeli mba: na mu la manya mbeye Yahova.

Ezekieli 36:19

nda va salannya hagati hetsihiri, na va salannywa hagati hevivala: kuli inzira yavo na kuli vikolwa vyavo nda va kalagira.

Ezekieli 39:28

Navo va la manya inze mbeye Yahova Nyasaye wavo, kigira nda vadikidza va tsie mbutugwa hagati hetsihiri, kandi mmali kuvavungidza virane mu kivala kyavo; si nda leka yo mulala kuvo kandi mba;

Ezekieli 5:10

Kigira yaga avadada va la lia avana vavo hagati hoho, navana va la lia avadada vavo na nda kola likalaga mu ive; nelitigaia ku ive lyosi nda li salannya ku tsimbuudza tsyosi.

Ezekieli 5:12

Kidieli kikyo kyevivaka ki la kudza nobulwaye na va la heridzwa hagati hoho nenzala; nekidieli kyevivaka ki la gwa nekivavi ku tsimbega tsitsyo, neki dieli kyevivaka nda ki salannya ku tsimbuudza tsyosi, na nda somola kivavi ki va londe.

Kyavalevi 26:33

Na nda mu salanya hagati hetsihiri, na nda somola kivavi kumulonda: na kivala kyenyu ki la va kya vutswa, na amadala genyu ga la gwa vyanyi.

Luka 22:31

Simoni, Simoni, henza, Setani ya mwenya, a duke kumusesa kuli ingano:

Kwidzulitsa 28:64

Na Yahova a la mu salanya hagati he tsihiri tsyosi, kutwula ku luvega yilu lwelirova kuduka ku luvega yilu lwelirova; na u la tumekira avanya saye vandi ha zana, ava u ta manya, ive kinga avaguga vovo, navo va veye misala namagina.