Amosi 9:8 - KITABU KITAKATIFU

⁸ Henza, tsimoni tsyo Mwami Nyasaye tsi veye ku bwami bwobwoni, na nda bu dividza bu twule mmoni mwelirova; navutswa si ndononnya ligali inyumba ya Yakobo, Yahova a vola.

Amosi 9:8 ပူးပေါင်းရင်းမြစ်များ

Litanga 6:7

Na Yahova ya vola, Nda gotidza avandu ava nda lomba, va twule ku lirova; vyombi avandu na tsinyama, na vimolanga, na manyonyi gegulu; kigira ndeganira ku lilomba lyavyo.

Litanga 7:4

Kigira ga tigaye madiku gatano na gaviri, nda kupidza imbula ku lirova kuduka madiku makumi gane, mbasu nobudiku; noku vyosi ki veye nelivamwoyo kya nda lomba nda ki gotidza ku lirova.

1 Avami 13:34

Inkuva yiyi ya duka kuva bwoni ku inyumba ya Jeroboam, kuduka ya kalagwa nokudividzwa i twule mmoni mwelirova.

Tsing'ano 15:3

Tsimoni tsya Yahova tsi veye hosi, A lolanga madamano na malahi.

Tsing'ano 5:21

Kigira tsinzira tsyomundu tsi veye imbiri wetsimoni tsya Yahova; Naye a lungikidza tsinzira tsitsye tsyosi.

Jeremia 30:11

Kigira inze mbe halala nive, Yahova a vola, kukuhonya: kigira nda heridza ligali tsihiri yitsyo tsyosi ha nda ku salannya, navutswa si nda heridza ive mba; navutswa nda ku ha mageli nelikalaga, kandi si nda ku leka bugira kukuha mageli kali hakuzu mba.

Jeremia 44:27

Henza, mbenzeridzanga kuvo mba letere ubudamano, si ga li kuvaletera ubulahi: navandu vosi va Yuda ava veye mu kivala kya Egepeti va la dividzwa nekivavi, nenzala, kuduka va heridzwe ligali.

Jeremia 46:28

Ive u ta tia mba, O Yakobo mutumekiri wange, Yahova a vola; kigira inze mbeye halala nive: kigira inze nda heridza ligali tsihiri yitsyo tsyosi tsya nda ku kunga kutsia mutsyo, navutswa si nda heridza ive mba, navutswa nda ku gondokera nelikalaga, kandi si nda ku leka bugira kukuha mageli kali hakuzu.

Jeremia 5:10

Mu nine ku madigi gege, mu dividze; navutswa mu ta dividza ligali: mu twulidze tsisya tsyalyo; kigira si tsi veye tsya Yahova.

Hosea 1:4

Na Yahova ya mu volera, U mu gulike lieta lilye Jezireeli; kigira i kikiri inyinga inkekeke, nda vanza kisalya amasahi ga Jezireeli ku inyumba ya Jehu, na nda heridza ubwami bwenyumba ya Israeli.

Hosea 1:6

Na umukali uyu ya vereka kandi, ni yivula mwana mukana. Na Yahova ya mu volera, U mu gulike lieta lilye Loruhama; kigira si nda vererera inyumba ya Israeli kandi mba, mbule kuvasameha ligali.

Joeli 2:32

Na ga la va, ku vosi u lyanira ku lieta lya Yahova a la honnywa: kigira mu kigulu kya Zioni, na mu Yerusalemi, va la va ho yavo avalala ava hona, kuli Ya hova ya vola, na mu yava ava tigaye va la va ho ava Yahova a langa.

Amosi 3:12

Yahova a vola ndi: Kuli mwayi a twulidza mu munwa gweking'ang'a, virenge viviri, kinga kidonye kyogutu; ni ndiyo avana va Israeli va la twulidzwa ava menyanga mu Samaria mu ikorna mwekitali nomu Damasko ku kitali.

Amosi 7:17

kigira yaga Yahova a vola: Mukali wowo a la va wamalaya mu lidala, navayai vovo navakana vovo va la gwa ku kivavi, nekivala kikyo ki la gavulwa nomugoye; na ive mwene u la kudzira mu kivala kidamano, na Israeli ligali a ladikidzwa a twule mu kivala kikye.

Amosi 9:10

Avobwoni vosi vavandu vange va la kudza nekivavi yavo ava volanga, Ubudamano yibu si bu la ku nyola, kinga kuvugana nekwinye.

Amosi 9:4

Na kali va tsia mbutugwa imbiri wavasigu vavo, nda laga yo kivavi, na ki la viita: nda vumika ku budamano, si ga veye ku bulahi.

Kwidzulitsa 4:31

kigira Yahova Nyasaye wowo a veye Nyasaye wetsimbabasi; si u la daka kuye kindu, si a la kwononya, kandi si a livirira lilagana lyavaguga vovo lya ya visuhira.

Kwidzulitsa 6:15

kigira Yahova Nyasaye wowo u veye hagati hoho, a veye Nyasaye we likendeka; gase ubutima bwa Yahova Nyasaye wowo bu laaka ku ive, na a la kwononya kukutwulidza mu lirova.