Amosi 9:14 - KITABU KITAKATIFU

¹⁴ Na nda galukidza kandi lyadikidzwa lyavandu vange Israeli, navo va lombaka madala aga ng'anywa, nokumenya mugo; na va la taga milimi gyemizabibu, na va la nwa iwaini yagyo; na va la lomba milimi, na va la lia makuyu gagyo.

Amosi 9:14 ပူးပေါင်းရင်းမြစ်များ

Zaburi 107:37

Nokumidza milimi nokusimika mizabibu, Na va nyole makuyu gelimedeka.

Zaburi 53:6

Nkano ubuhonnyi bwa Israeli bu twuli Zioni Inyinga Nyasaye yirannya lilanywa lya avandu veve, Hene yaho Yakobo a la sangala na Israeli a la va nobuyanzi.

Isaya 60:4

Ginga tsimoni tsitsyo u lole ku tsimbega tsitsyo: vosi vevungidze avene halala, vadzanga ku ive; avana vovo vayai va ladza ku ive kutwule ihale, avana vovo avakana va la gingirwa mmakono.

Isaya 61:4

Kandi va lombaka mu vyanyi, na va la digulula lisasuguka lya kale, nokulomba madala ga veye vyanyi, lisasuguka lyamakula manyingi.

Isaya 65:21

Va lombaka tsinyumba, nokumenya mutsyo; va la taga mizabibu na va la lia makuyu gagyo.

Jeremia 12:15

Na ga la duka, inyima wokuviha, ndirana nokuva vererera; nda va leta kandi, mundu sa mulala yingire mu miyandu gyigye, sa mulala yingire mu kivala kikye.

Jeremia 16:15

navutswa, likuva yili li la volua, Kuli Yahova a veye mwoyo wa leta avana va Israeli kutwula ku kivala kya kasikasini, nokutwula mu vivala vyosi vya ya vadikidzira mu. Na nda va leta kandi mu kivala kyavo avene, kivala kya nda ha avaguga vavo.

Jeremia 23:8

navutswa va la vola, Kuli Yahova a veye mwoyo wanegiridza nokwimirira kisukululwi kyenyumba ya Israeli kutwula mu kivala kya kasikasini, nokutwula mu vivala vyosi vya nda va hila mu. Na va la menya mu kivala kyavo avene.

Jeremia 24:6

Kigira nda vumika nobulahi, na nda va leta vingire mu kivala yiki kandi; na nda vombaka, si nda va sambula mba; nda va simika, si nda viha mba.

Jeremia 29:14

Kandi nda nyoleka ku mwinye, Yahova a vola, nda girunkannya ubuhambe bwenyu, nda vungidza mwinye, mu twule mu tsihiri yitsyo tsyosi, nokutwula hosi ha nda mwadikidzira, Yahova a vola; nda mu leta kandi ha nda mu kola kutwula ho kuhilwa mbuhambe.

Jeremia 30:18

Yahova a vola: Henza, ndirannya kandi lyadikidzwa lya mahema ga Yakobo, na nda vererera ubumenyo bwibwe; nelidala li lombakwa ku vyanyi vyalyo vyene, nenyumba yobwami i la menywa ku lilonda mwimagwayo.

Jeremia 30:3

Kigira, henza amadiku gadzanga, Yahova a vola mu madiku yago nda girunkannya kandi lyadikidzwa lyavandu vange Israeli na Yuda, Yahova a vola; nda virannya virane mu kivala kya nda ha avaguga vavo, na va li ki gumira.

Jeremia 31:23

Yahova wa mahe, Nyasaye wa Israeli, a vola ndi, Va la tumekira amakuva yaga kandi mu kivala kya Yuda nomu madala gakyo, lwa ndirannya kandi lyadikidzwa lyavo: Yahova a ku gasidze, O ive ubumenyo bwobulungi, O ive kigulu kyobutakatifu.

Jeremia 31:28

Na ga la duka, kuli nda va henza nduke kwiha, nokusambula, nokutung'aminya, nokudividza, nokudambidza; ni ndiyo ndi va henza kwombaka, nokusimika, Yahova a vola.

Jeremia 31:5

Kandi u la taga milimi gyemizabibu mu vigulu vya Samaria; avatagi va la taga, na va la sangalira amakuyu gagyo.

Jeremia 32:15

Kigira Yahova wa mahe, Nyasaye wa Israeli, a vola: Tsinyumba, nemilimi nemilimi gyemizabibu, vi la gulwa kandi mu kivala yiki.

Jeremia 32:37

Henza, nda va vungidza nokuvatwulidza mu vivala yivi vyosi, vya nda va kunga ni va tsia yo mu livihirirwa lyange, nomu likendeka lyange, nomu butima bwange bunene; na nda va leta kandi vadze hano, nda va vika va menye nemirembe.

Jeremia 33:11

gu la hulirwa kandi mwoyo gwobuyanzi nomwoyo gwobusangali, nomwoyo gwa usereye nomwoyo gwomwiha, nemyoyo gya yavo ava volanga, Mu santidze Yahova wa mahe kigira uyu Yahova a veye mulahi kigira tsimbabasi tsitsye tsi tsitsagil'langa mihiga nemihiga; nemyoyo gya avahaananga vihaanwa vyelisantidza mu inyumba ya Yahova. Kigira ndirannya lyadikidzwa lyekivala kuli matsyambiri, Yahova a vola.

Jeremia 33:7

Na ndirannya lyadikidzwa lya Yuda nelyadikidzwa lya Israeli, nokuvonbaka, kuli matsyambiri.

Ezekieli 16:53

Na ndirannya lyadikidzwa lyavo, lyadikidzwa lya Sodoma navakana veve, na lyadikidzwa lya Samaria navakana veve, na lyadikidzwa lya vahambe vovo ava veye hagati havo;

Ezekieli 28:26

Na va la menya nemirembe mukyo; yee, va lombaka tsinyumba, nokusimika milimi gyemizabibu, na va la menya nemirembe, lwa inze mmali kukalaga ku yavo ava va leganga ava va kumbiridza; na va la manya inze mbeye Yahova Nyasaye wavo.

Ezekieli 37:21

U va volere, Mwami Nyasaye a vola ndi: Henza, nda vugula avana va Israeli va twule hagati hetsihiri, tsya va tsia mu, na nda va vungidza tsimbega tsyosi, noku va leta nokuvavika mkivala kyavo avene:

Ezekieli 39:25

Kigira yaga Mwami Nyasaye a vola: Kalunu ndirannya kandi lyadikidzwa lya Yakobo, nokuvererera inyumba yosi ya Israeli; na nda kendekira lieta lyange litakatifu.

Amosi 5:11

Kunangwa kigira mwa duvaga avadaka, nokuvatungidza ingano: mwombaki tsinyumba tsya magina ga vadzwa, navutswa si mu la menya mutsyomu simiki malimiru gemizabibu malahi, navutswa si mu la nwa iwaini yago mba.

Zefania 1:13

Nobutugi bwavo bu la va vilanye, netsinyumba tsyavo tsi la va hatswa: yee, va lombaka tsinyumba navutswa si va la menya mutsyo mba; va la simika mizabibu, navutswa si va la nwa iwaini yagyo mba.

Zefania 2:7

Na luginga lu la va lwavatigala venyumba ya Yuda; va laya magondi gavo ha zana; inyinga ya mgolova va la gona mu tsinyumba tsya Ashikelon; kigira Yahova Nyasaye wavo a ladza kuvo, nokugalukidza lyadikidza lyavo.