Amosi 9:1 - KITABU KITAKATIFU

¹ Nda lola Yahova na a singiye himbi nobwali: na a vola, U kuye mitwe gyevigutu, maliva ga duke kudegera; na u ga vunannye vidonyi ku mitwe gyavo sa mulala; na ndiita muhereridzi nekivavi: kali mulala kuvo si a nyala kwiruka, kandi si ha ve kali malala kuvo u nyala kuhona.

Amosi 9:1 ပူးပေါင်းရင်းမြစ်များ

2 Kyetsinyinga 18:18

Na Mikaia ya mu volera, Kunangwa mu hulire likuva lya Yahova: Nda lola Yahova ni yikaye ku intebe yeye yobwami, nelihe lyosi lyomigulu va singiye ha mukono gwigwe mu lungi na ha mukono gwigwe mmosi.

Zaburi 68:21

Nyasaye a la duya mitwe gyavasigu veve, Na ligodo lyelisu lya uyu wedinyeridza mu mahyolo gege.

Zaburi 68:22

Mwami a vola, Nda va twulidza mu Bashan, Nda va leta kandi kutwula mu luliva lwenyanza;

Isaya 30:16

navutswa mwa vola, Auwa, kigira kulirukira ku tsiparasi; kunangwa mu liruka ligali: kandi, Ku la nina ku tsinyama tsyetsimbiru; kunangwa yavo va mu londerera va la va avetsimbiru.

Isaya 6:1

Mu muhiga gwelikudza lyomwami Uzia nda lola Yahova ni yikaye ku intebe yobwami, igulu ligali, kya gingwa ligali; nolukigiti lwengubo yeye lwizula litempeli.

Jeremia 11:11

Kigira yaga Yahova a vola, Henza, nda leta kuvo ubudamano, ubwa va ta nyala kuhona kubwo; na va lanira ku inze navutswa si nda va hulira mba.

Jeremia 42:16

hene yaho ga la va, kivavi kya mu tidza nga, ki la mu nyola yo mu kivala kya Egepeti, nenzala ya mu tidzanga, i la mu londerera ha Egepeti; na mu la kudzira yo.

Jeremia 48:44

Uyu wirukanga ubutii a la gwa mbogo; na uyu u twulanga mbogo a la ha mbwa mmutego: kigira nda leta kuye livola li veye, ku Moabu, muhiga gwelihenzwa lilye, Yahova a vola.

Ezekieli 1:28

Kandi kuli liloleka lyekisahi kyembula ki veye mu lilesi mu lidiku lyembula, ni ndiyo kya loleka bung'ering'anu bwa kumbiridza tsimbega tsyosi. Lya li ndiyo liloleka lyelifwana lyobukumi bwa Yahova. Na inze nonoho lwa nda lola, nda gwa mammama, na nda hulira mwoyo gwomulala u volanga.

Ezekieli 10:4

Ubukumi bwa Yahova bwa nina igulu kutwula ku mukerubi, na bwa singira ku mukingi gwenyumba; nenyumba yizula lilesi, nomugidzi gwizula ubung'ering'anu bwobukumi bwa Yahova.

Ezekieli 15:7

Na nda dinnya mmoni mwange kuhing'ana navo; na va la twula mu muliru, navutswa muliru gu la va samba, na mu la manya inze mbeye Yahova, lwa ndinnya mmoni mwange kuhing'ana navo.

Ezekieli 9:2

Na henza, avandu vatano na mulala vadza kutwula ku inzira yekiribwa kya igulu, ku luvega lwa kasikasim, sa mulala ya li nekyuma kikye kyokwiita mmukono gwigwe; na hagati havo ya li ho mulala wivika ingubo yekatani, na ya li nechupa yobwino bwomung'odi mu mbalu mwimwe. Na vingira, ni va singira himbi nobwali bwomugasa.

Amosi 3:14

Kigira mu lidiku lya ngalukidza mahyolo ga Israeli kuye, lidiku yilyo nda vanza agoku bwali bwa Betheli; netsinziga tsyobwali tsi la twulidzwa, na tsi la gwa hasi.

Amosi 7:17

kigira yaga Yahova a vola: Mukali wowo a la va wamalaya mu lidala, navayai vovo navakana vovo va la gwa ku kivavi, nekivala kikyo ki la gavulwa nomugoye; na ive mwene u la kudzira mu kivala kidamano, na Israeli ligali a ladikidzwa a twule mu kivala kikye.

Amosi 7:9

na hadiguluku ha Isaka ha la va ahere, na hatakatifu ha Israeli ha la kolwa kyanyi; na nda singira nekivavi ku inyumba ya Jeroboam.

Habakuk 3:13

Wa twula nobuhonnyi bwavandu vovo, Kigira ubuhonnyi bwombake wowo; Wata ulugoma ku mutwe mu inyumba yomudamano, umuse kuduka migoti. (Selaha

Zefania 1:12

Na ga la duka inyinga yeyo, nda mulika mu Yerusalemi netsimulina nda kalagira avandu ava gunza ku amaseke, ava volanga mu myoyo gyavo, Yahova si a la kola bulahi, kandi si a la kola budamano.

Zefania 2:14

Na vyayo vyetsing'ombe vi la gona hagati hehe, netsinyama tsyosi tsyetsihiri; neling'ang'a nekirungu vi la gona ku buguliliru bwatsyo; myoyo gyavo gyi la hulirwa mu madirisha: mu mukingi gwalyo ha la va hatswa: kigira u lang'aminye miyinzi gyomutaragwa.

Yohana 1:18

Si ha li nomundu wa lola Nyasaye inyinga kali indala; Mwana wivulwa muderwa u veye mu kiritu kya Dada, u mu vuuye.

Yohana 1:32

Yohana ya lolekidza, na a vola, Ndoli Roho yika kuli likuulu li twula migulu; kandi va menya kuye.

Vikolwa 26:13

Mbasu hagati, O mwami, nda lola ubulavu bwa twula mu ligulu, bwa vita ubulavu bweliuva, bwa ng'ereng'ana ku tsimbega tsyange tsyosi navo ava genda halala ninze.

Joshua 10:18

Na Joshua ya n vola, Mu gomagominye magina manene kukunika munwa gwoluhangaywa, na mu vike avandu ahimbi kuvalinda:

Likunula 1:17

Inyinga nda mu lola, nda gwa ha virenge vivye kuli u kudzi. Naye ya vika mukono gwigwe mulungi ku inze, na a vola, U ta tia mba; Mbeye wokutanga nowekiheri,

Likunula 8:3

Kandi ingelosi wundi yadza na a singira imbiri wobwali, wekituva kyethahabu; kandi ya hebwa kimuli kinyingi a duke kumeda nakyo lisaala lyavatakatifu vosi ku bwali bwethahabu obwa li imbiri wentebe.