Amosi 8:9 - KITABU KITAKATIFU

⁹ Na ga la duka mu lidiku yilyo, Mwami Nyasaye a vola, Nda yeridza liuva mbasu hagati, na nda mwaminya kivala inyinga yombasu gu valanga.

Amosi 8:9 ပူးပေါင်းရင်းမြစ်များ

Ayubu 5:14

Va vugananga nekisundi inyinga yombasu Va havatidzanga mmbasu kuli mu budiku.

Isaya 13:10

Kigira tsing'ering'ani tsyomigulu nelihambana lyatsyo si tsi laakidza ubulavu bwatsyo mba: neliuva li la kolwa kisundi mu livaala lyalyo, nomweli gu la vula kwaakidza ubulavu bwa gwo.

Jeremia 13:16

Mu kuminye Yahova Nyasaye wenyu, na a kikiri kuleta kisundi, virenge venyu ni vi kikiri kwikigitala mu vigulu vyekisundi; kandi, inyinga mwenyanga ubulavu, a bu girunkanyanga kuva kiriri kyelikudza, nokubukola kuva kisundi kinene.

Jeremia 15:9

Mukali uyu wivuli avana vatano na vaviri u gehi tsingulu; na u lakuye mwoyo; liuva lilye li yera ni gu kikiri mbasu; u nyoye tsisoni nokuleganywa: na va tigala kuvo nda va vika ku kivavi imbiri wavasigu vavo, Yahova a vola.

Ezekieli 32:7

Na lwa nsiminya ive, nda kunika ligulu, netsing'ering'ani tsyalyo, nda tsi kola kisundi; na liuva nda kunika nelilesi, nomweli gu la vula kwaaka.

Amosi 4:13

Kigira, henza, uyu wa lomba vigulu, nokulomba imbuudza, nokutivulira mundu ga a ganagana: u kolanga mugamba kugwa kisundi, nokuduvaga ha diguluku helirova Yahova, Nyasaye wa mahe, li veye lieta lilye.

Amosi 5:8

mwenye uyu wa lombanga tsing'ering'ani tsya Pleiades na Orion, na ya girunkannya kiriri kyelikudza ki ve umugamba, nokukola mbasu kuva kisundi kyobudiku; u langanga amadzi genyanza, nokuga tsuka ku kivala (lieta lilye ni Yahova);

Mika 3:6

Kigira yaga bu la va ubudiku ku mwinye, mu vule kunyola malola; na ki la va kisundi ku mwinye, mu vule kuva nobusegetiri; neliuva li lika ku vaprofeti yavo, lidiku yilyo li la va limwamu kuvo.

Zekaria 14:7

navutswa li ia va lidiku lilala lya manye kana ku Yahova; si gu veye mbasu kinga ubudiku: navutswa ga la va, inyinga yomgolova ubulavu bu la va ho.

Matayo 24:29

Navutswa inyima yekivi kyanadiku yago bwangu liuva li la nwaminywa, nomweli si gu liaaka etsing'ereng'ani tsi la guluka mwigulu, netsingulu tsyomwigulu tsi la degeridzwa:

Matayo 27:45

Ma kutwula ku isaa yetsitanu nendala kya li kisundi mu kivala kyosi kuduka isaa yetsitanu na tsine.

Marko 15:33

Lwa ya duka isaa i kola tsitanu nendala, kisundi kya gwa mu kivala lyosi, ya luha ya duka isaa i kola tsitanu na tsine.

Luka 23:44

Inyinga yeyo ya li kuli isaa yenya kuduka tsitanu na indala, kandi kisundi kya duka mu kivala kyosi kuduka isaa i kola tsitanu na tsine,

Likunula 6:12

Kandi nda lola inyinga ya boholola muhuri gwegyitano na mulala lya li ho lidegera linene; neliuva lya gwa limwamu kuli ligunia lyobwoya, nomweli gwosi gwa gwa kuli masahi;

Likunula 8:12

Kandi ingelosi wa kane ya kupa, kidieli kilala ku vivaka vyeliuva kya duywa, kandi kidieli kilala ku vivaka vyomweli, kandi kidieli kilala ku vivaka vyetsing'ereng'ani; kidieli kilala ku vivaka ki gwe kisundi, kandi mbasu gu vule kuva ubulavu ku kidieli kyabwo kilala ku vivaka, nobudiku kandi ndiyo.