Amosi 8:5 - KITABU KITAKATIFU

⁵ ni mu vola, Mweli muhya yigu gu la hera inyinga ki, ku duke kugulidza ubu swage? Kandi lidiku lyelisahato li la vita inyinga ki, ku duke kulang'ami nya ingano, ku kole efa i ve inkekeke, na ishekeli ku gi kole i ve inene, noku kola ubugadi ku tsiratili tsyokugada;

Amosi 8:5 ပူးပေါင်းရင်းမြစ်များ

2 Avami 4:23

Naye ya vola, Kigira ki u tsia lero? Si li veye lidiku lyomweli muhya, kinga lisabato mba. Naye ya vola, Ga ve mirembe.

Kutwula 31:13

U volere avana va Israeli, na u vole, Ligali mu la gumira masabato gange: kigira ga veye kilolekidzu hagati hange na mwinye mu visukululwi vyenyu vyosi; mu duke kumanya inze mbeye Yahova u takasanga mwinye.

Tsing'ano 11:1

Tsiratili tsyobugadi tsi veye livihiriridzwa ku Yahova; Navutswa kigero kyetsiratili tsi nungi ki mu yanzidza.

Tsing'ano 16:11

Tsiratili na vigero vyobulungi ni vya Yahova; Na vyokugera vyosi vyomu imuya vi veye miyinzi gyigye.

Tsing'ano 20:23

Vigero lugano lugano vyokugera vi veye livihiriridza ku Yahova; Na iratili yobugadi si i veye indahi.

Isaya 1:13

Mu ta leta kandi visyuviriru vya vutswa; kimuli ki sambwa ki veye kyokumbihiridza; kulonda mweli muhya, ne lisabato, nokuvugana, inze si nyala kubugirira ubudamano nelivugana lyelisalisa.

Isaya 58:13

Nu u girunkannya kirenge kikyo kuleka lisabato, kuleka likola lya yaga ga yanzidzanga ive ku lidiku lyange litakatifu; nokulanga lisabato lilahi, nelitakatitu lya Yahova, lyokwidzominywa; na ive u la lidzominya, nokuvula kukola tsinzira tsitsyo mwene, kinga kwenya aga yanzidzanga ive mwene, kinga kuvola makuva gogo mwene:

Hosea 12:7

A veye mugulidzi, tsiratili tsyobugadi tsi veye mmukono gwigwe: a yanzanga kudambidza

Hosea 12:8

Na Efiraim ya vola, Ligali inze ngwiye mutugi, nyoye vindu vinyingi: mu miyinzi gyange gyosi si va la nyola ubukyamu mu inze bu veye ubwoni.

Kyavalevi 19:36

Mu ve netsiratili tsinungi, na vyokugera vilungi, na efa inungi, na ihin inungi: inze mbeye Yahova Nyasaye wenyu, wa mu leta kutwula mu kivala kya Egepeti.

Zekaria 5:6

Na nda teva, Ni kindu ki? Naye ya vola, Yiki ki veye efa i twulanga. Na kandi ya vola, Yili ni liloleka lyavo mu kivala kyosi

Zekaria 5:8

Naye a vola, Uyu a veye Ubudamano: na ya mu sigisa hasi hagati ha efa; na ya sigisa ubuliduhu bwelisasi ku munwa gwa efa.

Malaki 1:13

Kandi mu vola yaga, Henza, inkuva yiyi i ku luhidzanga ku duka ndi na mwinye mu vi hudzudzanga nemiyeka gyomolo, Yahova wa mahe a vola; na mu leti kya vugulwa nekirage, kandi kilema, na kilwaye; ni ndiyo mu letanga vyokuhaanwa: ga ndukira ku bugirira kindu yiki mmakono genyu? Yahova a vola.

Livalidza 10:10

Kandi mu madiku gelisangala lyenyu, na mu madiku manene genyu ga lagwa, na mu litanga lyemyeli gyenyu, mu la kupa visiliva ku vihaanwa vyenyu vyokusambwa nokuvihaanwa vyenyu vyemirembe, navyo vi la va ku mwinye kyokwidzulitsa imbiri wa Nyasaye wenyu: inze mbeye Yahova Nyasaye wenyu.

Vakolosai 2:16

Kunangwa ku vosi mundu a ta mu kalagira ku vyokulia, kinga ku vyokunwa, kinga ku lidiku lyelilia, kinga ku lilonda mweli, kinga ku lisabato:

1 Samweli 20:5

Ma Daudi ya volera Jonathan, Henza, mugamba gu veye mweli muhya, na inze si bu li bulahi mbule kwikala ku vyokulia halala nomwami: navutswa leka ntsie, nduke kwivisa mmulimi kuduka ku lidiku li kola gavaka mgolova.