Amosi 8:2 - KITABU KITAKATIFU

² Naye ya vola, Amosi, u lola ki? Na inze nda vola, Ndola kihinda kyamakuyu genyinga yoluya. Hene yaho Yahova ya mbolera, Avandu vange Israeli, kiheri kyavo ki duki kuvo; si nda va leka kandi mba.

Amosi 8:2 ပူးပေါင်းရင်းမြစ်များ

Litanga 6:13

Kandi Nyasaye ya volera Nuhu, Kiheri kya vyembiri vyosi ki duki imbiri wange; kigira lirova lizuye kirage kigira yivyo; kunangwa, henza, nda vi dividza halala nelirova.

Isaya 28:4

nekimuli kyobulahi bwibwe bwobukumi, ki veye ku mutwe gwelivona linolu, ki la va kuli likuyu lyengu li kala muhiga; lya uyu u li henzanga, lwa a li lola, nonoho a li litsanga lwa li veye mmukono gwigwe.

Jeremia 40:10

Noku makuva gange, henza, nda menya ha Mizipa, nduke kusingira imbiri wa Vakalidei ava lidza ku kwinye; navutswa mwinye, mu vungidze iwaini, na makuyu genyinga yoluya, na maguta, na mu vike mu viju vyenyu, mu menye mu madala genyu ga mwa vugula

Jeremia 5:31

avavrofeti va profetanga bubehi, navasalisi vameha netsingulu tsyobutugi bwavo; na vandu vange va yanza vindu yivi ndiyo: na mu la kola ki ku kiheri kyavyo?

Lisyoma lya Jeremia 4:18

Va himanga tsinduvatiru tsyetu, si ku nyala kugenda ku sinzira tsyetu: Kiheri kyetu ki veye himbi, amadiku getu ga dukidzi livalidza lyago; kigira kiheri kyetu ki duki.

Ezekieli 12:23

Kigira yaga u va volere, Mwami Nyasaye a vola ndi: Nda heridza lugano yilu, va la vula kulutumekira kandi kuli lugano mu kivala kya Israeli; navutswa u va volere, Amadiku ga veye himbi, nobudukiru bwa malola gosi.

Ezekieli 29:8

Kigira yaga Mwami Nyasaye a vola ndi: Henza, nda leta kivavi ku ive, na nda twulidza ku ive avandu nemitugu.

Ezekieli 3:10

Kandi ya mbolera, Ive mwana womundu, makuva gange yaga gosi aga nku volera u ga vike mu mwoyo gugwo, nokugahulira namatu gogo.

Ezekieli 3:7

Navutswa avenyumba ya Israeli si va la ku hulira mbakigira si va la hulira inze: kigira inyumba yosi ya Israeli va gwiye avombweni budinyu nemyoyo gyobudinyu.

Ezekieli 7:6

Kiheri ki duki, kiheri ki duki; ki vuki ku ive; henza kidzanga.

Ezekieli 8:12

Nonoho ya mbolera, Ive mwana womundu, u lola yaga aga vakulundu venyumba ya Israeli va kolanga mu kisundi, sa mulala mu vigodola vivye vyevifwananyi? Kigira va vola, Yahova si a ku lolanga mba; Yahova wa leka kivala yiki.

Ezekieli 8:17

Hene yaho ya mbolera, U loli yaga, Ive mwana womundu? U lolanga ndi, ki veye kyangu ku inyumba ya Yuda kukola kivihiri yiki kya va kolanga hano? Kigira va mali kwizulitsa kirage ku kivala, na va girunkani kandi va duke kuvihiriridza inze: na henza va vika lusya ku amolo gavo.

Ezekieli 8:6

Na ya mbolera, Ive mwana womundu, u lola yaga aga va kolanga? Nago ga veye kivihiri kinene kyenyumba ya Israeli i kolanga hano, inze nduke kutsia ihale na hatakatifu hange? Navutswa ive u la lola kandi kivihiri kindi kinene.

Hosea 9:7

Madiku gelidukirwa lyavo ga duki, madiku gelitunga ga duki; Israeli a la manya: muprofeti a veye musiru, umundu a veye na roho a veye mulalu, kigira ubunyingi bwobudamano bubwo, kandi kigira ubusigu bu veyebunyingi.

Amosi 7:8

Na Yahova ya mbolera, Amosi, u lola ki? Na nda vola, Ndola mugoye gwe iplum. Hene yaho Yal hova ya vola, Henza, nda vika mugoye gwe iplum mu avandu vange Israeli; si nda va leka kandi mba;

Amosi 8:1

Ni ndiyo Mwami Nyasaye ya mbuulira: na, henza, kihinda kyamakuyu genyinga yoluya.

Mika 7:1

O bayaye ku inze kigira mbeye kuli lwa va mali kwagula makuyu genyinga yoluya, kuli mazabibu ga dolangwa mu inyima yelyagula: nekiganda si ki nyoleka kulia; nomwoyo gwange gwenyanga makuyu gokutanga kwenga.

Zekaria 5:2

Naye ya nteva, U lola ki? Nda mu tivulira, Ndola kya lingwa kuli lududu kyokubuluka; butambi bwakyo ligera lya makono makumi gaviri, nobugalamu bwakyo ligera lya makono likumi.