Amosi 8:11 - KITABU KITAKATIFU

¹¹ Henza, madiku ga ladza, Mwami Nyasaye a vola, Mmadiku yago nda leta inzala mu kivala, si i la va inzala Yobukima kinga ubuluhu bwamadzi, navutswa inzala yelihulira makuva ga Yahova.

Amosi 8:11 ပူးပေါင်းရင်းမြစ်များ

2 Kyetsinyinga 15:3

Kigira kuduka inyinga ntambi Israeli ya li vutswa bugira Nyasaye weligali, na bugira musalisi wokwegidza, na bu gira lilaga:

Zaburi 74:9

Si ku lola lilolekidza lyetu: Kandi muprofeti si a tigala; Kandi si ha veye ku kwinye umanyi tsinyinga tsyanga.

Tsing'ano 29:18

Ha malola ga ta veye, avandu va tsia mu kirage; Navutswa uyu u gumiranga lilaga a veye nobusangali.

Isaya 5:6

nda ki kola hatswa; ki la vula kusemberwa, kinga kulimwa; navutswa ki la mera amafwa nolutavati: kandi nda laga malesi ga vuli kukupidza imbula kukyo.

Ezekieli 7:26

Tsimbemba tsi la va ku tsimbemba, nelimonya li la va ku limonya; va lenya malola ku muprofeti; navutswa lilaga li la gota ku musalisi, nelivola si li la nyoleka ku vakulundu mba.

Hosea 2:3

gase nda mu navula a ve kyahonyo, na nda mu vika kuli mmadiku ga yivulwa, na nda mu kola kuli kyangalangwi, nokumuvika kuli kivala kyumu, nokumwiita nobuluhu.

Mika 3:6

Kigira yaga bu la va ubudiku ku mwinye, mu vule kunyola malola; na ki la va kisundi ku mwinye, mu vule kuva nobusegetiri; neliuva li lika ku vaprofeti yavo, lidiku yilyo li la va limwamu kuvo.

Matayo 9:36

Navutswa lwa ya lola viduma ya va vererera, kigira va li ni va damba ni va sala nnywa kuli magondi aga ta li nomwayi halala.

1 Samweli 28:15

Na Samweli ya volera Saulo, Kigira ki ive u ndambidzi nokumbukidza? Na Saulo ya tivula, Inze mbeye mu lisaliridzwa ligali; kigira Vafilisiti va lwananga na inze, na Nyasaye u ndeki, na si ya ntivulira, kinga na vaprofeti, kinga na malola: kigira yaga nda langa ive, u nungike aga nda kola.

1 Samweli 28:6

Na Saulo lwa ya teva Yahova, Yahova ya vula kumutivulira, kinga na malola, kinga na Urim, kinga navaprofeti.

1 Samweli 3:1

Nomwana Samweli ya tumekira Yahova imbiri wa Eli. Noku madiku yago amakuva ga Yahova si ga nyolekanga mba, navutswa ku budinyu; si ha li nelivuula habulavu.