Amosi 8:10 - KITABU KITAKATIFU

¹⁰ Na nda girunkannya madiku manene genyu ga ve lisyoma; na tsinyimbu tsyenyu tsyosi tsi la va lilira; na nda vika tsingubo tsyamagunia mu vikenge vyosi, na kyavusu ku mitwe gyosi: na nda ga kola ga ve kuli lisyomera umwana muyai muderwa, na kiheri ki ve kuli lidiku lilulu.

Amosi 8:10 ပူးပေါင်းရင်းမြစ်များ

Litanga 21:16

Naye ya tsia na yikala ha luvega ihale ha duka lilasa lyombano: kigira ya vola, Mbule kulola likudza lyomwana. Kandi yikala ha luvega, na a ginga mwoyo gwigwe, na a lira.

Ayubu 20:23

Lwa yizulitsa inda yeye, Nyasaye a la ta kuye ubululu lwobutima bwibwe, Nokubukupidza kuye inyinga na a veye mu lilia.

Ayubu 3:5

Li ve kisundi, ne kiriri kyelikudza ki li vugule li ve lyakyo; Lilesi li menye kulyo; Vyosi vi kolanga lidiku kuva kisundi vi li tihidze.

Ayubu 30:31

Kigira yaga ubukana bwange bu girunkannyeyui kuva lisyoma, Nelilere lyange li girunkannyeywi kuva mwoyo gwa yavo ava liranga.

Isaya 3:24

Na ga la duka, mu bugono bwe vifunyanga mwayu gu la funya ubugundu; nombugono bwobutsiiri, ha la va na lufuno, nobugono bwelisu lya navwa, ha la va ne kyavusu; nombu gono bwekisibao, ha la va netsingu; bo tsyamagunia; na maballanda ga la va mbugono bweligondo lilahi.

Jeremia 2:19

Ubudamano bubwo mwene bu la kwirannya, nobugirunkanu bubwo bu la ku gondokera: u manye nokulola i veye inkuva indamano ligali nobululu, ya ive wa lekera Yahova Nyasaye wowo, kandi ku litibwa lyange si li veye mu ive, Yahova a vola, Yahova wa mahe.

Jeremia 48:37

Kigira mutwe sa mulala gu gwiye nekyole, na tsinderu tsyosi tsi vegeywi: ha veye netsimbala tsyokusalagwa mu makono gosi, nevikenge vyosi vi boheywi tsingubo tsyamagunia.

Jeremia 6:26

O mukana wavandu vandi, webohe ingubo yeligunia, nokugalagala mu ligoke: welombere lisyoma, kuli va syomanga ku likudza lyo mwana muyai muderwa, lisyoma lyobululu; kigira umulanyi a ladza ku kwinye nonoho.

Lisyoma lya Jeremia 5:15

Ubuyanzi bwomwoyo gwetu bufweye; Ubukino bwetu bu girunkani kuva lisyoma.

Ezekieli 7:18

Kandi va leboha tsingubo tsyamagunia mu vi kenge vyavo, nelitihidza li la va kunika; netsisoni tsi la va mmoni mwosi, na vyole ku mitwe gyavo gyosi.

Ezekieli 7:2

Ive, mwana womundu, Mwami Nyasaye a volera kivala kya Israeli ndi, Ki veye kiheri: kiheri ki duki ku tsikorna tsine tsyekivala.

Hosea 2:11

Kandi nda kola ubusangali bwibwe bwosi bu duke kuhera, namasavo gege agokulonda mweli, na masabato gege, namavugano gege matakatifu.

Hosea 2:13

Na nda leta kuye amadiku ga Vabaal, va ya sambira kimuli kuvo, lwa yesyaha tsimingiri tsyommatu neviju vivye vyevyuma, nokulonderera avayanze veve, nokwivirira inze, Yahova a vola.

Joeli 1:8

U syome kuli mukana mugima wa vikwa tsingubo tsyamagunia kigira musatsa wolukana lwilwe.

Kyavalevi 13:40

Kandi lisu lyomundu ni li twula ku mutwe gwigwe, a veye wekyavusu; navutswa a veye mulahi.

Amosi 5:21

Inze ndunyiranga, nokulega madiku gelilia lyenyu, si nda sangalira mavugano genyu gobutakatifu.

Amosi 5:23

Mu twulidze ku inze liyoga lyetsinyimbu tsyenyu; kigira si mbugirira kuhulira myoyo gyobukana bwenyu.

Amosi 8:3

Na tsinyimbu tsyelitempeli tsi la va tsikwili mu lidiku lilyo, Mwami Yahova a vola: mibiri mikudzu gyi la va minyingi; va la gyi ta hosi makiriri.

Nahum 1:10

Kigira kali ni va veye kuli amafwa ga di ndana, nokuhambika kuli mu linwa lyavo, va sambwa ligali kuli mavivi amumu.

Zekaria 12:10

Na nda tsuka roho gwetsimbabasi na lisaala ku inyumba ya Daudi, noku vamenyi Yerusalemi; na va la lola inze wa va tumita; na va la mu syomera, kuli mundu a syomeranga mwana wewe muderwa, na va la va mu busaliri kigira uyu, kuli mundu a veye mu busaliri kigira wa tanga kwivulwa wewe.

Kwidzulitsa 16:14

na u sangale mu lilia lilyo, ive, nomwana wowo muyai, nomukana, nomutugwa wowo, muyai, nomukana, na Mulevi, nomugeni, nombisandu, nomukunzakali ava veye mu viribwa vivyo.