Amosi 7:2 - KITABU KITAKATIFU

² Na ga duka, lwa tsya mala kulia bunyasi bwekivala, hene yaho nda vola, O Mwami Nyasaye, nku saala ligali, u samehe: Yakobo a la singira ndi? Kigira a veye muke.

Amosi 7:2 ပူးပေါင်းရင်းမြစ်များ

Zaburi 12:1

U nkonye, Yahova; kigiralava tia Nyasaye va fweye; Kigira avasuuvirifu va kama mu avana va avandu.

Kutwula 10:15

Kigira tsya kunika kivala kyosi, kuduka kivala kya gwa kisundi; natsyo tsya lia vyosi vya mera ku kivala, na makuyu gosi gemisala gya tigala ku imbula yamagina: si ha tigala nekindu kivisi, musala kinga vya mera mu milimi, mu kivala kyosi kya Egepeti.

Kutwula 34:9

Naye ya vola, Kalunu ni mba ni nyoye liverererwa imbiri wowo, O Mwami, nku goonya, Mwami, u gende hagati hetu; kigira va veye avamagoti madinyu; na u samehe mahyolo getu na ubwoni bwetu, na u ku vugule kuva miyandu gyigyo.

Isaya 37:4

Namusia Yahova Nyasaye wowo a la hulira makuva ga Rabi shake, womwami wa Asuria munene wewe ya tuma a duke kunyega Nyasaye u veye mwoyo, nokugondokira amakuva aga Yahova Nyasaye wowo u huliye: kunangwa, kigira yaga u gingire avatigaye lisaala lilyo.

Isaya 51:19

Vindu yivi vyombi vi ku gwiye; ni bwaha u li vererera ive? Lyeseganwa nobwo neku, nenzala, nekivavi; nda ku lemi nya mwoyo kuli ndi?

Jeremia 14:7

Kali ubudamano bwetu ni bu lolekidza ku kwinye, u kole miyinzi kigira lieta lilyo, O Yahova; k igira lirana inyima lyetu ni linyingi; ku koleye ive ubwoni.

Jeremia 42:2

ni va volera Jeremia mu profeti, Mwadza, lisaala lyetu li bugirirwe imbiri wowo, na ive u ku saavire ku Yahova Nyasaye wowo, livola li veye ku yavo vosi avatigala: kigira ku tigala vakekeke mu va li avanyingi, kuli tsimoni tsitsyo tsi lolanga kwinye,

Ezekieli 11:13

Na ga duka, lwa nda profeta, Pelatia mwana wa Benaia ya kudza. Hene yaho nda gwa hasi mammama, na nda hanzuka nomwoyo munene, ni mbola, O, Mwami Nyasaye u la heridza ligali litigala lya Israeli?

Ezekieli 9:8

Na ga duka, inyinga yeyo lwa va va kuya, nda lekwa ha zana, nonoho nda gwa hasi mammama, ni ndira, nokuvola, O Mwami Nyasaye u la dividza litigala lyosi lya Israeli mu litsuka ubutima bubwo ku Yerusalemi?

Danyeli 9:19

O Mwami, u hulire; O Mwami, u sarnehe; O Mwami, u hulire nokukola; u ta lindagira, kigira ive mwene, O Nyasaye wange, kigira lidala lilyo na avandu vovo va langangwa ku lieta lilyo.

Joeli 2:17

Avasalisi, avatumekiri wa Yahova, va lire hagati holusimbu na ubwali, na va vole, U verere avandu vovo, O Yahova, na u ta haana miyandu gyigyo kunyegwa, avetsihiri va duke kwameha kuvo: kigira ki va nyala kuvola hagati hetsihiri, Nyasaye wavo a veye haliha?

Amosi 4:9

Nda mu kuya nekimeyu noluguku: nobunyingi bwemilimi gyenyu na malimiru genyu gemizabibu nemisala genyu gyamakuyu na mizeituni ge nyu, ubutsiriri bwa lia: navutswa si mu galuki ku inze, Yahova a vola.

Amosi 7:5

Hene yaho nda vola O Mwami Nyasaye, nku saala ligaii, leka: Yakobo a la singira ndi? Kigira a veye muke.

Zekaria 4:10

Kigira ni bwaha u legi lidiku lyevindu vikekeke? Kigira va la sangala, na va la lola Zerubabeli na a veye neplum mmukono gwigwe; yivi vitano na viviri vi veye tsimoni tsya Yahova, tsi lola yiyi na yiyi mu lirova lyosi.

Likunula 9:4

Kandi tsya volerwa tsi tononnya ubulimu bwelirova, kinga ku vyosi ki veye kivisi, kinga musala kali mulala, navutswa avandu ava ta veye nomuhuri gwa Nyasaye ku bweni bwavo.