Amosi 7:17 - KITABU KITAKATIFU

¹⁷ kigira yaga Yahova a vola: Mukali wowo a la va wamalaya mu lidala, navayai vovo navakana vovo va la gwa ku kivavi, nekivala kikyo ki la gavulwa nomugoye; na ive mwene u la kudzira mu kivala kidamano, na Israeli ligali a ladikidzwa a twule mu kivala kikye.

Amosi 7:17 ပူးပေါင်းရင်းမြစ်များ

2 Avami 17:6

Ku muhiga gwa kola gyitano na gyine gwelyameha lya Hoshea, mwami wa Asuria ya vugula Samaria, na ya hila Israeli avahambe kuduka Asuria, na ya va vika mu Hala, nomu Haboru, himbi na mugera gwa Gozan, nomu madala ga Vamedi.

Zaburi 78:55

Ya kunga avetsihiri imbiri wavo, Ya va gerera miyandu gyavo nomugoye Ya haana tsihiri tsya Israeli kumenya mu mahema gavo.

Isaya 13:16

Avana vadoto vavo va la donyanywa imbiri wetsimoni tsyavo; netsinyumba tsyavo tsi la lanywa, navakali vavo va lononnywa.

Isaya 22:18

Ligaii a la ku naza noku kusikisa kuli mupira kuduka mu kivala kinene; na u la kudzira yo namagari gobukumi bubwo ga la va yo, ive u veye tsisoni tsyenyumba yomunene wowo.

Jeremia 14:16

Navandu yavo ava va vikanga kuvo ubuprofeti, va la tebwa ku mahasi ga Yerusalemi kigira inzala nekivavi; si va la va nomundu wokuvata yavo, navakali vavo, navana vavo vayai, navakana: kigira nda tsuka ubudamano bwavo kuvo.

Jeremia 20:6

Na ive, Pashuri, na vosi ava menya mu inyumba yoyo mu la tsia mu butugwa; na u la duka Babuloni, na u la kudzira yo, nokutebwa yo, ive navalina vovo vosi, ava wa profeta kuvo agobubehi.

Jeremia 28:12

Hene yaho likuva lya Yahova lya duka ku Jeremia, inyima wa Hanania muprofeti ya vunannya inira i twule kwigoti lyomuprofeti Jeremia, kuvola,

Jeremia 28:16

Kunangwa, kigi ra yaga Yahova a vola, Henza, nda ku twulidza mu mmoni mwelirova; mmuhiga yigu u la kudza, kigira wa vola likuva lyokwebaala ku Yahova.

Jeremia 29:21

Yahova wa mahe, Nyasaye wa Israeli, a vola ndi, ku makuva ga Ahabu mwana wa Kolaia, noku makuva ga Zedekia mwana wa Maaseia, ava profetera mwinye ububehi mu lieta lyange: Henza, nda va vika mmukono gwa Nebukadirezaru mwami wa Babuloni; naye a la viitira imbiri wetsimoni tsyenyu;

Jeremia 29:25

Yahova wa mahe, Nyasaye wa Israeli, a vola ndi kukuvolera, Kigira ive wa hila tsibaruwa ku avandu vosi ava Yerusalemi, noku Zefania mwana wa Maaseia, musalisi, noku vasalisi vosi, mu lieta lilyo, kuvavolera

Lisyoma lya Jeremia 5:11

Vononnya vakali netsingulu mu Zioni, Avakana vagima mu madala ga Yuda.

Ezekieli 4:13

Na Yahova ya vola, Ni ndiyo avana va Israeli va li lia vyokulia vyavo vyoneku, hagati hetsihiri ha nda va kunga kutsia.

Hosea 9:3

Si va la menya mu kivala kya Yahova; navutswa Efiraim a lirana Egepeti, na va la lagira ubukima bu ta li bulahi ha Asuria.

Amosi 6:7

Kunangwa kalunu va hilangwa mbutugwa halala na yavo ava tanga kwadikidzwa; neliyoga lyobukino bwa yavo avenyiranga li la hera.

Amosi 7:11

Kigira Amosi u voye, Jeroboam a la kudza nekivavi, na Israeli ligali a la hilwa kutwula mkivala kikye kutsia mbuhambe.

Amosi 8:1

Ni ndiyo Mwami Nyasaye ya mbuulira: na, henza, kihinda kyamakuyu genyinga yoluya.

Amosi 9:1

Nda lola Yahova na a singiye himbi nobwali: na a vola, U kuye mitwe gyevigutu, maliva ga duke kudegera; na u ga vunannye vidonyi ku mitwe gyavo sa mulala; na ndiita muhereridzi nekivavi: kali mulala kuvo si a nyala kwiruka, kandi si ha ve kali malala kuvo u nyala kuhona.

Amosi 9:8

Henza, tsimoni tsyo Mwami Nyasaye tsi veye ku bwami bwobwoni, na nda bu dividza bu twule mmoni mwelirova; navutswa si ndononnya ligali inyumba ya Yakobo, Yahova a vola.

Mika 1:16

Welombere kyavusu, u vege lisu lilyo kigira avana va yanzidzanga ive: u galaminye kyavusu kikyo kuli indidzu; kigira va tsia mu butugwa kutwula ku ive.

Zekaria 14:2

Kigira nda vungidza tsihiri tsyosi ku Yerusalemi kulwana; na lidala li la vugulwa na tsinyumba tsyalyo tsi la fuulwa na vakali va lononnywa; na lidala ku luvega lulala li la tsia mbutugwa, na avandu va tigala si va la twulidzwa mu lidala mba.