Amosi 7:14 - KITABU KITAKATIFU

¹⁴ Hene yaho Amosi ya tivulira Amazia na a mu volera, Inze si nda li muprofeti, kandi si nda li mwana womuprofeti; navutswa nda li mwayi wetsing'ombe, kandi nda li mulindi wemikuyu:

Amosi 7:14 ပူးပေါင်းရင်းမြစ်များ

1 Avami 19:19

Ma ya twula ha zana, na ya nyola Elisha mwana wa Shafatu, wa li na a limanga naye ya li netsinira tsyetsing'ombe iikumi na tsiviri, nomwene ya li halala na inira i kola likumi na tsiviri: na Elija ya vita na a tsia ahimbi naye, na a mu sikisira ingubo yeye.

1 Avami 20:35

Na mundu mulala ku avana vaprofeti ya volera wakye ku liku va lya Yahova, na a vola, Mwadza, u nkuye. Na mundu uyu ya sula kumukuya.

2 Avami 2:15

Avana vavaprofeti ava li Yeriko lwa va mu lola, va vola, Roho wa Elija wikaye ku Elisha. Na vadza kumwaganira, na vinama hasi imbiri wewe.

2 Avami 2:3

Na vana vavaprofeti va veye ha Betheli vadza ku Elisha, ni va mu teva, U manya Yahova a la twulidza munene wowo lero a vule kuva ku ive kandi? Naye ya vola, Yee, mmanya; mu kiring'ane.

2 Avami 2:5

Avana vavaprofeti ava veye ha Yeriko vesunda ku Elisha, nokumuteva, Ive u manya Yahova a la twulidza munene wowo a vule kuva ku ive kandi lero? Ya va tivulira, Yee, mmanya; mu kiring'ane.

2 Avami 2:7

Navandu makumi gatano vavana vavaprofeti va tsia, nokusingira kuvahenzera ihale: navo vombi va singira himbi ku Yordani.

2 Avami 4:38

Elisha yadza kandi Gilgali. Na ya li ho itodzo mu kivala; navana vavaproieti vikala imbiri wewe: ya volera mutumekiri wewe, Tengeka isika, u dekere avana vavaprofeti yava vyokulia.

2 Avami 6:1

Na avana vavaprofeti va volera Elisha, Henza kalunu, hango ha ku menyi hano imbiri wowo si ha duki kwinye mba.

2 Kyetsinyinga 16:7

Na inyinga yeyo, muloli Hanani ya tsia ku Asa mwami wa Yuda, na ya mu volera, Kuli wesedama ku mwami wa Siria, na wa vula kwe sedama ku Yahova Nyasaye wo wo, kigira yaga lihe lyomwami wa Siria lya hona ku mukono gugwo.

2 Kyetsinyinga 19:2

Na Jehu mwana wa Hanani muloli ya tsia kumwaganira, na ya teva mwami Jeboshafatu, Ga ku dukira kukonya mudamano, nokuyanza ava dunyira nga Yahova? Kigira inkuva yiyi ubutima bu veye ku ive bu twula imbiri wa Yahova.

2 Kyetsinyinga 20:34

Na vya tigala ku vikolwa vya Jehoshafatu, vyokutanga nevyekiheri, henza, vya ng'odwa mu makuva getsinyinga tsya Jehu mwana wa Hanani, navyo vya vikwa mu kitabu kyavami va Israeli.

Ayubu 30:4

Vihanga militu himbi ku misala mikekeke; Na imiri gyamanyunya gyi veye vyokulia vyavo.

Amosi 1:1

Makuva ga Amosi, wa li ku avayi va Tekoa, ga ya lola ku Israeli mmadiku ga Uzia mwami wa Yuda, nomu madiku ga Jeroboam mwana wa Joashu mwami wa Israeli, mihiga gyiviri imbiri welidegera lyelirova.

Amosi 3:8

King'ang'a ki mali kufwuma; ni bwaha u ta tia? Mwami Nyasaye a voye, ni bwaha u nyala kuvula ku profeta?

Zekaria 13:5

navutswa a la vola, Si mbeye muprofeti mba, mbeye mulimi wa marova; kigira nda kolwa mutugwa kutwula bwana buke.

1 Vakorintho 1:27

navutswa Nyasaye ya tovola vindu vyobusiru ku vyelirova, a duke kulegannya avageeri, kandi Nyasaye ya tovola vindu videdekere ku vyelirova a duke kulegannya vindu vyetsingulu;

1 Samweli 10:11

Na ga duka, lwa vosi ava mu manya ku matsyambiri va lola, henza, a proletanga halala navaprofeti; hene yaho avandu va volerana avene navene Ni inkuva i ki yiyi, i duki ku mwana wa Kishi? Saulo a veye mu vaprofeti?