Amosi 7:12 - KITABU KITAKATIFU

¹² Kandi Amazia ya volera Amosi, O ive muloli, wiruke, u tsie mu kivala kya Yuda, u lie yo vyokulia, u profete yo:

Amosi 7:12 ပူးပေါင်းရင်းမြစ်များ

2 Kyetsinyinga 16:10

Asa ya vihirirwa muloli uyu, na a mu vika mu inyumba yavahambe; kigira ya nyola butima ubululu kuye ku inkuva yiyi. Inyinga yeyo Asa ya dambidza avalala ku avandu.

Isaya 30:10

va veye avandu ava voleranga valoli, Mu ta lola mba; na va volera avaprofeti, Mu ta profeta vindu vilahi, mu ku volere vindu vidoto, mu profete bugadi,

Isaya 56:11

Yee, tsimbwa yitsyo tsi veye tsimpuvali kazozo, si tsi nyola liguta mba; kandi yava va veye avayi ava ta manya kindu: va girunkani sa mulala kulonda inzira yeye mwene, sa mulala ku vyambeti vivye, kutwula ku tsimbega tsyosi.

Ezekieli 13:19

Na mwinye mu lononnya inze hagati ha vandu vange kigira tsimpi tsyeshairi kandi kigira amadonye gobukima, kwiita myoyo gya yava ava ga ta dukira likudza, nokuhonnya myoyo gya yavo ava ga ta dukira kuva mwoyo, ku livehera avandu vange ava huliranga bubehi bwenyu.

Amosi 2:12

Navutswa mwa nwehidza Vanazari iwaini, na mwa laga avaprofeti, ni mu vola, Mu ta profeta mba.

Amosi 7:11

Kigira Amosi u voye, Jeroboam a la kudza nekivavi, na Israeli ligali a la hilwa kutwula mkivala kikye kutsia mbuhambe.

Malaki 1:10

Nkano ha veye ho mulala hagati henyu wetegeki kuhana miliango, mu vule kuhambidza muliru vutswa ku bwali bwange si mu yanzeka ku inze mba, Yahova wa mahe a vola, kandi si mbugirira kihaanwa kali kilala mu makono genyu.

Matayo 8:34

Avelidala vosi va twula ni va tsia kuvugana na Yesu: kandi lwa va mu lola va mu goonya ligali a twule mu tsizako tsyavo.

Luka 13:31

Inyinga zana yeyo Vafarisayo valala va tsia kuye, ni va mu volera, Twula hano, u tsie ahandi, kigira Herodi yenya kukwiita.

Vikolwa 16:39

ku, vadza ni va va goonya; kandi lwa va mala kuvatwulidza, va venya va twule mu lidala.

Varumi 16:18

Kigira ava veye ndi si va tumekira Kristo Mwami wetu, navutswa va tumekira inda yavo, kandi va gada myoyo gya yava ava ta li nobudamano ku livola lyavo lidoto.

1 Vakorintho 2:14

Mundu wolugano lwo mubiri si ya vugula vindu vya Roho wa Nyasaye: kigira vi veye ubusiru kuye; naye si ya nyala kuvimanya, kigira vi manyekana ku roho.

1 Petro 5:2

Mu linde kyayo kya Nyasaye ki veye ku mwinye, nokukihenza, ga ta va ku linigwa, navutswa ku mwoyo gwobuyanzi, kuli ubulaliri bwa Nyasaye: kandi ga ta va kigira linyola ubutugi budamano, navutswa nomwoyo gwobugulu;

1 Samweli 2:36

Na ga la duka, kuvo vosi va tigala mu inyumba yoyo a la mwinamira a duke kunyola kidonye kyefetha nobukima, nokumuvolera, Mwadza, u mbike mu muyinzi mulala gwa avasalisi, nduke kulia kidonye kikekeke kyobukima.

1 Samweli 9:9

(Kale mu Israeli, mundu lwa ya tsitsanga kuteva kindu ku Nyasaye, ya volanga ndi, Ku tsie ku muloli; kigira uyo a langwa kalunu Muprofeti, kale ya langwa Muloli.)