Amosi 6:2 - KITABU KITAKATIFU

² Mu vite kutsia Kaline mu lole; nokutwula yo mu tsie Hamathu linene; mu sulungute Gathu lya Vafilisiti; ubwami yibu bu veye bulahi kuvita yibu? Kinga lwako lwavo lu veye lunene kuvita lwenyu?

Amosi 6:2 ပူးပေါင်းရင်းမြစ်များ

Litanga 10:10

Na litanga lyobwami bwibwe lya li Babeli, na Ereku, na Akada, na Kaline, mu kivala kya Shinaru.

2 Samweli 8:9

Kandi Toi mwami wa Hamathu lwa ya hulira Daudi u kuyi lihe lyosi lya Hadadezeri,

1 Avami 8:65

Ma Solomoni ya lomba lilia inyinga yeyo, na Israeli vosi halala naye, livugana linene, kutwula hokwingira ha Hamathu kuduka ku mugera gwa Egepeti, imbiri wa Yahova Nyasaye wetu, madiku gatano na gaviri, na madiku gatano na gaviri, ga veye madiku likumi na gane.

2 Avami 17:24

Na mwami wa Asuria ya leta vandu kutwula Babuloni, na Kutha, na Ava, na Hamathu, na Sefarivaim, na ya va vika mmadala ga Samaria mbugono bwavana va Israeli; na va gumira Samaria, nokumenya mmadala galyo.

2 Avami 17:30

Na vandu va Babuloni va lomba Sukothubenothu, navandu va Kuthu va lomba Nerigali, na Vahamathu va lomba Ashima,

2 Avami 18:34

Avanyasaye va Hamathu va veye haliha, na va Aripadi? Navanyasaye va Sefarivaim va veye haliha, na va Hena, na va Iva? Yavo va honnyi Samaria ku mukono gwange?

2 Avami 19:13

Mwami wa Hamathu a veye haliha, nomwami wa Aripadi, nomwami welidala lya Sefarivaim, wa Hena, nowa Iva?

2 Kyetsinyinga 26:6

Ya twula kutsia kulwana ku Vafilisiti, na ya sambula lugaga lwa Gathu, nolugaga lwa Jabine, nolugaga lwa Ashidodi; na yombaka madala mu kivala kya Ashidodi na hagati ha Vafilisiti.

Jeremia 49:23

Ku Damasko. Hamathu li nyoye tsisoni, na Aripadi halala; kigira va huliye makuva madamano, va yinguki: ha veye neliverera linyingi ku inyanza; si i nyala kwehodzeridza.

Nahum 3:8

U veye mulahi kuvita Noamon, lya li ho hagati hemigera, lya li na madzi kukumbiridza tsimbega tsyosi; volugaga lwilwe lwa li inyanza, na lidigi lilye lya li lyenyanza?

1 Samweli 17:23

Na lwa ya volerana navo, henza, ya twulira muluviriri, Mufilisiti wa Gathu, wa langwa Goliati, ya twula mu tsimbaso tsya Vafilisiti, na ya vola makuva kuli yaga: na Daudi ya ga hulira.

1 Samweli 17:4

Nomundu mulala muluviriri ya twula mu mahema ga Vafilisiti, wa langwa Goliati, wa Gathu, nobutambi bwibwe bwa li ligera lya makono gatano nomulala nalyekigalo kilala.

1 Samweli 5:10

Kunangwa va hila lisanduku lya Nyasaye kuduka Ekiron. Na ga duka, lwa lisanduku lya Nyasaye lya duka Ekiron, avandu Vaekiron va kupa lwanga, ni va vola, Va leti lisanduku lya Nyasaye wa Israeli ku kwinye, kuduka kwiita kwinye navandu vetu.

1 Samweli 5:8

Ma va tuma avandu kuvungidza avakulundu vosi va Vafilisiti vadze kuvo, nokuvavolera, Kalunu ku kola ki nelisanduku lya Nyasaye wa Israeli? Navo va tivula, Lisanduku lya Nyasaye wa Israeli li hilwe Gathu. Ma va ginga lisanduku lya Nyasaye wa Israeli ni va li hila kuduka Gathu.