Amosi 5:27 - KITABU KITAKATIFU

²⁷ Kunangwa nda mu hila mbutugwa ihale kuvita Damasko, Yahova, welieta lilye li veye Nyasaye wa mahe, a vola.

Amosi 5:27 ပူးပေါင်းရင်းမြစ်များ

1 Avami 14:15

Kigira Yahova a la kuya Israeli, kuli kidundu ki hunzulanyangwa mmadzi; na a liha Israeli kumutwulidza mu kivala kilahi yiki kya ya ha vaguga vavo, na a la va salanya engereka wo Mugera, kigira va lomba misala gyemisambwa gyavo, kuvihiriridza Yahova.

2 Avami 15:29

Mu madiku ga Peka mwami wa li Israeli, Tigilathu pileseru mwami wa Asuria yadza, na vugula lidala lya Ijon, na Abel beth maaka, na Jonoa, na Kedesh, na Hazoru, na Gileadi, na Galilaya, nekivala kyosi kya Nafitali; na ya va hila avalhambe na a tsia navo Asuria.

2 Avami 17:23

kuduka Yahova ya twulidza Israeli imbiri wewe, kuli ya vola neminwa gyavatumekiri veve vosi vaprofeti. Ma Israeli va hambwa vahambe kutwula mu kivala kyavo kutsia mkivala kya Asuria, kuduka lero.

2 Avami 17:6

Ku muhiga gwa kola gyitano na gyine gwelyameha lya Hoshea, mwami wa Asuria ya vugula Samaria, na ya hila Israeli avahambe kuduka Asuria, na ya va vika mu Hala, nomu Haboru, himbi na mugera gwa Gozan, nomu madala ga Vamedi.

Jeremia 38:17

Hene yaho Jeremia ya volera Zedekia, Yahova, Nyasaye wa mahe, uyu Nyasaye wa Israeli, a vola; Ive nu u va nu u twula nokutsia ku vanene vomwami wa Babuloni, hene yaho mwoyo gugwo gu la hindira, na lidala yili li la vula kusambwa nomuliru; na ive u la va mwoyo, na avenwmba yoyo halala.

Amosi 4:13

Kigira, henza, uyu wa lomba vigulu, nokulomba imbuudza, nokutivulira mundu ga a ganagana: u kolanga mugamba kugwa kisundi, nokuduvaga ha diguluku helirova Yahova, Nyasaye wa mahe, li veye lieta lilye.

Amosi 5:26

Yee, mwa ginga lihema lyomwami wenyu nenyumba yevifwananyi vyenyu, ing'ereng'ani ya munyasaye wenyu, ya mwelombera avene.

Amosi 6:1

O bayaye kuvo avelemeridzanga mu Zioni, kandi ku yavo ava menyanga nemirembe mu kigulu kya Samaria, avasatsa ava manyekana avehiri inene ku tsyosi, avenyumba ya Israeli yadza kuvo

Amosi 6:7

Kunangwa kalunu va hilangwa mbutugwa halala na yavo ava tanga kwadikidzwa; neliyoga lyobukino bwa yavo avenyiranga li la hera.

Vikolwa 7:43

Kandi mwa vugula lihema lya Moloka, Kandi ing'ereng'ani yomunyasaye Rafan, Vifwananywi vya mwa lomba mu duke kuvisigamira: Na inze nda mwadikidza mu tsie kuvita Babuloni.