Amosi 5:25 - KITABU KITAKATIFU

²⁵ Mwa ndetera vihaanwa nevisyuviriru mwigendanyama mihiga makumi gane, mwinye avenyumba ya Israeli?

Amosi 5:25 ပူးပေါင်းရင်းမြစ်များ

Nehemia 9:18

Yee, lwa va lomba kimoli kyokwe longa, nokuvola, Uyu niye Nyasaye wowo wa kwanegeridza kutwula Ege peti, navo va li ni va kola kivihiri kinene;

Nehemia 9:21

Yee ku mihiga makumi gane wa va dukidza mu kyangalangwi, si va gehera kindu kali kilala mba; tsingubo tsyavo si tsya kunguha mba, netsi nduvatiru tsyavo si tsya vimba mba.

Ezekieli 20:16

kigira va sula likalaga lyange, na va vula kugenda mu malago gange, na vononnya masabato gange: kigira myoyo gyavo gya londa vifwananyi vyavo.

Ezekieli 20:24

kigira va li ni va ta kola miima gyange, navutswa va sula amalago gange, nokwononnya masabato gange, netsimoni tsyavo tsya londa vifwananyi vya vadada vavo.

Ezekieli 20:8

Navutswa vebaala ku inze, si va bugirira kuhulira inze mbava vula kuta sa mulala kivihiri kyetsimoni tsyavo, kandi si va leka vifwananyi vya Egepeti. Hene yaho nda manya ni mbola, Nda tsuka ubutima bwange kuvo, nduke kudukidza ubutima bwange kuvo hagati hekivala kya Egepeti.

Kyavalevi 17:7

Va vule kwiitira amademone tsisadaka tsyavo, aga va kola ubuheyi nago ku ligota. Yili li la va lilaga lyemihiga nemihiga kuvo mu visukululwi vyavo vyosi.

Zekaria 7:5

U volere avandu vosi vekivala, na avasalisi, u va volere, Lwa mu honga lilia nokusyoma ku mweli gwa katano noku mweli gwa katano na kaviri, mu mihiga yigyi makumi gatano na gaviri mwa honga lilia ku inze, ku inze ligali?

Joshua 24:14

Kunangwa kalunu mu tie Yahova, nokumutumekira mu libugirira nomu geligali; na mu vike ihale avanyasaye ava vaguga venyu va tumekira engereka ya Mugera, nomu Egepeti; na mu tumekire Yahova.