Amosi 5:20 - KITABU KITAKATIFU

²⁰ Lidiku lya Yahova si li la va kisundi, si li veye ubulavu? Yee, kisundi ligali, bung'ereng'anu si bu veye mulyo?

Amosi 5:20 ပူးပေါင်းရင်းမြစ်များ

Isaya 13:10

Kigira tsing'ering'ani tsyomigulu nelihambana lyatsyo si tsi laakidza ubulavu bwatsyo mba: neliuva li la kolwa kisundi mu livaala lyalyo, nomweli gu la vula kwaakidza ubulavu bwa gwo.

Isaya 8:22

na va la henza ku kivala, na henza, kivi nekisundi kisundi kyelitsunwa, na va la kungwa va tsia mu kisundi kinene.

Ezekieli 34:12

Kuli mwayi yenyanga kyayo kikye mu lidiku lya ya li hagati ha magondi gege aga salannywa yiyi na yiyi, ni ndiyo ndenya amagondi gange; na nda ga honnya kutwula hosi ha ga salannywa mu lidiku lyamalesi nelyekisundi.

Joeli 2:2

lidiku lyekisundi, na lya isi idunyi, lidiku lyamalesi na kisundi kiliduhu, kuli isi i tanga kwayuka ku vigulu; Ii leta avandu avanene na avetsingulu; va kikiri kuva ho kuli yavo madiku gosi, kandi si va la va ho avenyima, kuduka ku mihiga gyevisukululwi vinyingi.

Obadia 1:15

Kigira lidiku lya Yahova li veye ahimbi ku tsihiri tsyosi: kuli wa kola yaga, na ive u la kolerwa ndiyo; litunga lilye li lirana ku mutwe gugwo mwene.

Nahum 1:8

Navutswa a la heridza hango hehe ligali nolugaga lwa madzi, na a la londerera avasigu veve kuduka mkisundi.

Zefania 1:15

Lidiku yilyo li veye lidiku lyobutima, nelidiku lyekivi nelidambidza, lidiku lyelidividza nelyokukola hatswa, lidiku lyekisundi na lya malesi, lidiku lyamalesi nekisundi kinene,

Matayo 22:13

Hene yaho mwami ya volera ava tumekiri veve, Mu mu bohe mikono nevirenge, mu mu te mu kisundi kyekyova; ha la va nelilira nokudyedyeidza amino.

Matayo 24:29

Navutswa inyima yekivi kyanadiku yago bwangu liuva li la nwaminywa, nomweli si gu liaaka etsing'ereng'ani tsi la guluka mwigulu, netsingulu tsyomwigulu tsi la degeridzwa:

Yudasi 1:13

kandi va veye viguvuli vyenyanza vitigali rangwa, nokutwula tsisoni tsyavo kuli lufwulu; kandi va veye tsing'ereng'ani tsi vodonkana, kigira yavo ubumwamu bwekisundi bu vikeywi mihiga nemihiga.

Likunula 16:10

Kandi wa katano yagulula kituva kikye ku intebe ya uyu inyama; kandi ubwami bwibwe bwa kolwa kisundi; kandi va nyanya tsinimi tsyavo kigira ubusaliri,