Amosi 5:2 - KITABU KITAKATIFU

² Mukana mugima wa Israeli u gwiye; si a la vuka kandi: u tsomeywi hasi mu kivala kikye; si ha veye na wokumusingeridza.

Amosi 5:2 ပူးပေါင်းရင်းမြစ်များ

2 Avami 15:29

Mu madiku ga Peka mwami wa li Israeli, Tigilathu pileseru mwami wa Asuria yadza, na vugula lidala lya Ijon, na Abel beth maaka, na Jonoa, na Kedesh, na Hazoru, na Gileadi, na Galilaya, nekivala kyosi kya Nafitali; na ya va hila avalhambe na a tsia navo Asuria.

2 Avami 17:16

Na va leka malago gosi ga Yahova Nyasaye wavo, ni velombera vifwananyi vyokulonga, vi veye vimoli viviri, na va lomba misala gyemisambwa, nokusigamira lihe lyosi lyomigulu, nokutumekira Baal.

Isaya 14:21

Mu lungikidzire avana veve liitwa kigira ubudamano bwavadada vavo; va vule kusingira, nokugumira kivala, nokwizulitsa lirova amadala.

Isaya 24:20

Lirova li la yekayeka kuli muhambiki, nokuhungudzwa yiyi neyiyi kuli mwinuya; nelihyolo lyalyo li la va liliduhu kulyo, na li la gwa, nokuvula kuvuka kandi.

Isaya 3:8

Kigira Yerusalemi li sambuywe, ne Buyuda bu gwiye; kigira tsinimi tsyavo nevikolwa vyavo vi hing'ana na Yahova, kuvihiriridza tsimoni tsyobukumi bwibwe.

Isaya 37:22

likuva lya Yahova ya tivula ku makuva gege, ni yili: Mukana migima wa Zioni u legi ive nokukuseka kuduka kuva isoni; mukana wa Yerusalemi u ku sung'useye mutwe gwigwe.

Isaya 43:17

u letanga kyova ligari lyobulwani na iparasi, lihe nomu nyali (va gona hasi halala, si va la vuka kandi; va simi, va siminywa kuli ikatani):

Jeremia 14:17

Na ive u la va volera likuva yili, Tsimoni tsyange tsi ganguluke amaliga mbasu nobudiku, tsi vule kuleka; kigira mukana wa avandu vange mugima wononnyeywi lyoneka linene, nolugoma lwokusaliridza ligali.

Jeremia 18:13

Kunangwa kigira yaga Yahova a vola: Mu teve kalunu mu tsihiri yitsyo, ni bwaha wa hulira makuva gevindu kuli yivi; mukana mugima wa Israeli u koli inkuva yokuvihiridza Iigali.

Jeremia 2:27

yavo ava voleranga kitinya kyomusala, Ive u veye dada wange; nokuvolera ligina, Ni ive wa nzivula: kigira va nkupi migongo gyavo, si va viki mmoni mwavo ku inze mba; navutswa ku inyinga yekivi kyavo va la vola, Vuka, u ku honnye.

Jeremia 31:4

Hali kaviri nda kwombaka, na ive u lombakwa ive mukana mugima wa Israeli kandi u la syafwa netsisugudi tsitsyo, na u la twulira mbukino bwa yavo ava kinanga.

Jeremia 4:20

Ubudivi igulu wo budivi bu lilirangwa; kigira kivala kyosi ki lanyeywi: mahema gange ga lanyeywi nonoho, netsingitu tsyange ku idagika indala.

Jeremia 50:32

Na woluyai a likigitala nokugwa, kandi si ha veye nonyala kumuvukidza: nda fwana muliru mu madala gege, na gu la samba vosi ava mu kumbiridza tsimbega tsyosi.

Jeremia 51:64

na u vole, Ni ndiyo Babuloni li la sikira, na li la vula kusenuka kandi, kigira ubudamano bwa ndi leta kulyo; navo va la luha. Makuva ga Jeremia ga duki kali hano.

Jeremia 8:4

Kandi u la va volera, Yahova a vola ndi; Avandu va la gwa, na va vule kuvuka kandi? Mulala a Iz girunkana a tsie, na a la vula kwirana?

Jeremia 9:21

Kigira likudza li nini kwingira mu madirisha getu lingiye mu tsinyumba tsyetu tsyo bwami; kuduka kukalaga nokutwu lidza avana kyova, navasoleli vayai ku tsinzira.

Jeremia 9:9

Mbule kuvavanza kisalya ku inkuva yiyi? Yahova a vola; mwoyo gwange gu vule kuvanza kisalya ku ihiri kuli yiyi?

Lisyoma lya Jeremia 2:13

Nku lolekidzira kindu ki, nda fwanannya na kindu ki ive, O mukana wa Yerusalemi? Nda leng'annya na kindu ki ive nduke kukuleminya mwoyo O mukana mugima wa Zioni? Kigira ubusasuguku bubwo bu veye bunene kuli inyanza; ni bwaha u nyala kukuhonnya?

Hosea 14:1

O Israeli, wirane ku Yahova Nyasaye wowo; kigira u gwiye mbudamano bubwo.

Hosea 6:2

Inyima welidiku lyakaviri a la ku simugukidza: ku lidiku lya kavaka a la ku vukidza ku singire, ku la va mwoyo imbiri wewe.

Amosi 8:14

Yavo avesuhanga ku bwoni bwa Samaria, nokuvola, Kuli nyasaye wowo, O Dan, a veye mwoyo; kandi, Kuli inzira ya Beersheba i veye mwoyo; va la gwa, na si va la vuka kandi mba madiku gosi.

Amosi 9:11

Ku lidiku yilyo nda singeridza lihema lya Daudi lya gwa, nokuhana hasasuguka halyo; na nda lohidza lisalana lyalyo, na nda lyombaka kuli mmadiku gamatsyambiri;