Amosi 5:18 - KITABU KITAKATIFU

¹⁸ O Bayaye ku mwinye ava mwenyanga lidiku lya Yahova Kigira ki mwenyanga lidiku lya Yahova? Li veye kisundi, si li veye ubulavu mba.

Amosi 5:18 ပူးပေါင်းရင်းမြစ်များ

Isaya 13:6

Mu kupe tsikwili; kigira lidiku lya Yahova li veye ahimbi; li ladza kuli ubudivi budzanga bu twulanga ku Uyu Wanyala Vyosi.

Isaya 24:18

Ga la duka uyu wirukanga kigira liyoga lyobutii a lirana mu bogo; na uyu u senukanga kutwula mbogo a la hambwa mmutego: kigira madirisha ga veye igulu ga kunuleywi, na mise gyelirova gyi dengeyi.

Isaya 5:19

navo ava volanga, A kole bwangu, yanguhidze miyinzi gyigye ku gyi lole; na makuva go Mutakatifu wa Israeli gesunde himbi gadze, ku ga manye

Isaya 5:30

Va la fwuma kuvo mu lidiku yilyo kuli liluuma lyenya nza: mundu na a va na a henza kivala a la lola kisundi kandi kivi; nobulavu bu mwaminyeywi mu malesi gyakyo.

Isaya 58:2

Navutswa venyanga inze madiku gosi, na va yanzanga kumanya tsinzira tsyange: kuli ihiri i kolanga bulungi, na i vula kuleka amalago ga Nyasaye wavo, va teva ku inze makalago gobulungi; va yanza kwisunda himbi ku Nyasaye.

Isaya 8:22

na va la henza ku kivala, na henza, kivi nekisundi kisundi kyelitsunwa, na va la kungwa va tsia mu kisundi kinene.

Isaya 9:19

Kivala yiki ki hidzanga ligali kigira ubutima bwa Yahova wa mahe: navandu va veye kuli tsinku tsyoku vikwa mrnuliru; si ha veye nomundu u verererera amwavo wewe.

Jeremia 13:16

Mu kuminye Yahova Nyasaye wenyu, na a kikiri kuleta kisundi, virenge venyu ni vi kikiri kwikigitala mu vigulu vyekisundi; kandi, inyinga mwenyanga ubulavu, a bu girunkanyanga kuva kiriri kyelikudza, nokubukola kuva kisundi kinene.

Jeremia 17:15

Henza, va ntevanga, Likuva lya Yahova li veye haliha? Ii duke kalunu.

Jeremia 30:7

O bayaye kigira lidiku yilyo li veye linene, si ha li nelindi li fwana nalyo: li veye inyinga yekivi kya Yakobo; navutswa a la honywa kuyo.

Ezekieli 12:22

Ive mwana womundu, ni lugano ki lwa mu veye nalwo mu kivala kya Israeli, kuvola, Madiku ga medangwa kuva manyingi, na malola gosi ga gotanga?

Ezekieli 12:27

Ive, mwana womundu, henza, yavo avenyumba ya Israeli va vola, Amalola ga a lolanga ga veye ga madiku manyingi gadzanga, na a profetanga makuva getsinyinga tsi veye ihali ligali.

Joeli 1:15

O Bayaye lidiku yili kigira lidiku lya Yahova li veye himbi, nalyo li la duka kuli lidividza li twula ku Wanyala Vyosi.

Joeli 2:10

Lirova li degera imbiri wavo; ligulu li degera; Iiuva na mweli vi mwaminyeywi, na tsing'ereng'ani tsyemwaminya.

Joeli 2:11

Na Yahova a vola nomwoyo gwigwe imbiri welihe lilye; kigira hokusosa hehe na hanene; kigira a veye netsingulu u kolanga likuva lilye; kigira lidiku lya Yahova li veye linene nelyokutihidza; ibwaha u nyala kwikudzera kulyo?

Joeli 2:31

Na liuva li la girunkanywa li gwe kisundi, na mweli gu la girunkanywa gu gwe masahi, lidiku lya Yahova linene na lyokutihidza li kikiri kuduka.

Obadia 1:15

Kigira lidiku lya Yahova li veye ahimbi ku tsihiri tsyosi: kuli wa kola yaga, na ive u la kolerwa ndiyo; litunga lilye li lirana ku mutwe gugwo mwene.

Malaki 4:1

Kigira, henza, lidiku lidzanga, lyaakanga kuli kisambiru; na vosi avoluyai, na vosi avakolanga miyinzi gyobudamano, va la va uluvuva; na lidiku lidzanga li la va samba, Yahova wa mahe a vola, kali li la vula kuvalekera kitinya kinga lusya.

Kwidzulitsa 32:24

Inzala i la va dambidza, namanda gomuliru ga la va lia Nelidividzwa lilulu; Na nda leta kuvo amino getsinyama, Halala nobusungu bwevindu vi molanga mmarova.

2 Petro 3:10

Navutswa lidiku lyo Mwami li la duka kuli mwivi; mu lidiku yilyo ligulu li la vita nomuliviti munene, nevindu vya kale vi la timbuluka ku muliru munene, kandi lirova nemiyinzi gyi veye mulyo gyi la sambwa.

2 Petro 3:4

nokuvola, Lisuuviridza lyeliduka lilye li veye haliha? Kigira kutwula vaguga vetu va gona tsindolo, vindu vyosi vi veye ho kuli wa vya li kutwula inyinga ya vya lombwa.