Amosi 5:16 - KITABU KITAKATIFU

¹⁶ Kunangwa Yahova, Nyasaye wa mahe, a veye Mwami, a vola ndi: Lisyoma li la va ho mu tsinzira tsingalamu; navo va la vola mu tsinzira tsyosi, O Bayaye bayaye na va la langa mulimi yadze kusyoma, navetsingulu tsyokulira vadze kulira.

Amosi 5:16 ပူးပေါင်းရင်းမြစ်များ

2 Kyetsinyinga 35:25

Na Jeremia ya syomera Josia: avimbi vosi vasatsa na vakali va laha Josia mu tsinzikulu tsyavo kuduka lero; na va tsi kola kuva lilaga ku Israeli: na, henza, ga ng'odwa mu lisyoma.

Isaya 15:8

Kigira lilira yilyo li duki mu tsinzako tsya Moabu tsyosi; netsi kwili tsyalyo tsi duki Egilaim, na tsikwili tsyalyo tsi duki Beerelim.

Isaya 22:12

Mu lidiku yilyo Yahova, Yahova wa mahe, ya langa li ve ho lilira, nelisyoma, nokuvegwa mitwe, nokwivika tsingubo tsyamagunia:

Jeremia 30:5

Kigira Yahova a vola: Ku huliye mwoyo gwelidegera, nogwobutii, si gu veye gwemirembe mba.

Jeremia 4:31

Kigira mbuliye mwoyo kuli muoyo gwomukali u veye mu lilumwa, litsunwa kuli uyu wivulanga mwana wewe wokutanga, mwoyo gwomukana wa Zioni, uherananga kunyola mwika, nokunyira amakono gege, na a vola, O bayaye ku inze kalunu kigira mwoyo gwange gu kudzanga imbiri wa valumindi.

Jeremia 9:10

Nda lirira vigulu nokuvisyomera, noku milimi nda tanga lisyoma kigira gyi hiye; kuduka si ha veye nomundu u vita hagati hakyo; kandi si ha veye nomundu, u nyala kuhulira myoyo gyetsing'ombe: na manyonyi gombwerefu netsinyama tsyombulimu halala vi twuli, vi tsiye.

Jeremia 9:16

Nda va salannya hagati hetsihiri, tsya yavo kinga vaguga vavo va wla kumanya; nda hila kivavi ki va londe inyima wavo kuduka lwa mba dividza ligali.

Hosea 4:3

Kigira yaga kivala ki la syoma, na sa mulala u menyanga mukyo a la ng'aha, halala netsinyama tsyombulimu na manyonyi gombwerefu; yee, tsisudzi tsyomu inyanza kandi tsi la twulidzwa.

Joeli 1:11

Mu ve netsisoni mwinye avalimi, mu syome, mwinye avalindanga mizabibu, ku ingano noku ishaii; kigira ligesa lyomulimi lyoneki.

Joeli 1:14

Mu takase lihonga lilia, mu lange livugana litakatifu, mu vungidze avasakulu, na vosi avamenya mu kivala, va vunge mu inyumba ya Yahova Nyasaye wenyu, mwanire Yahova.

Joeli 1:15

O Bayaye lidiku yili kigira lidiku lya Yahova li veye himbi, nalyo li la duka kuli lidividza li twula ku Wanyala Vyosi.

Joeli 1:8

U syome kuli mukana mugima wa vikwa tsingubo tsyamagunia kigira musatsa wolukana lwilwe.

Amosi 3:13

Mu hulire, mu lolekidze ku inyumba ya Yakobo, Mwami Nyasaye a vola, Nyasaye wa mahe.

Amosi 5:27

Kunangwa nda mu hila mbutugwa ihale kuvita Damasko, Yahova, welieta lilye li veye Nyasaye wa mahe, a vola.

Amosi 8:10

Na nda girunkannya madiku manene genyu ga ve lisyoma; na tsinyimbu tsyenyu tsyosi tsi la va lilira; na nda vika tsingubo tsyamagunia mu vikenge vyosi, na kyavusu ku mitwe gyosi: na nda ga kola ga ve kuli lisyomera umwana muyai muderwa, na kiheri ki ve kuli lidiku lilulu.

Amosi 8:3

Na tsinyimbu tsyelitempeli tsi la va tsikwili mu lidiku lilyo, Mwami Yahova a vola: mibiri mikudzu gyi la va minyingi; va la gyi ta hosi makiriri.

Mika 1:8

Kigira yaga nda lira nokukupa tsikwili; nda tsia yiyi neyiyi ni mbeye kyahonyo; nda sama kuli kibwe; nda syoma kuli liudo.

Mika 2:4

Mu lidiku yilyo va la kupa lugano ku mwinye, nokulira nelilira lyobuvereri, nokuvola, Ku mali kwononnywa ligali: u girunkannya kidieli kyavandu vange: ga veye ndi kuli a twulidzanga kuinze ya gavuliranga avebaali milimi gyetu.

Likunula 18:10

va singiye ihale kigira ubutii bwobu saliri bwalyo, ni va vola, O bayaye bayaye, lidahl linene, Babuloni, lidala lyetsingulu kigira ku isaa indala likalagirwa lilyo li duki.

Likunula 18:19

Kandi va vika uluguki ku mitwe gyavo, ni va hanzuka ni va lira nokusyoma, ni va vola, O bayaye, bayaye, lidala linene, mulyo vosi ava li nobwato bwavo ku inyanza, va kolwa avatugi kigira ubulahi bwalyo kigira ku isaa indala li koleywi hatswa.