Amosi 5:11 - KITABU KITAKATIFU

¹¹ Kunangwa kigira mwa duvaga avadaka, nokuvatungidza ingano: mwombaki tsinyumba tsya magina ga vadzwa, navutswa si mu la menya mutsyomu simiki malimiru gemizabibu malahi, navutswa si mu la nwa iwaini yago mba.

Amosi 5:11 ပူးပေါင်းရင်းမြစ်များ

Ayubu 20:19

Kigira ya dambidza na a leka avadaka; A nuula inyumba nekirage ya ya vula kwombaka.

Isaya 16:10

Ubu sangali bu twulidzeywi, nobuyanzi bu twulidzeywi mu mulimi gwama ligali; kandi mu kizabibu si ha la va nelyimba mba, kinga myoyo gyobusangali: mu vyokumina vyewaini, si ha veye noduvaganga; mmali kuheri dza lwanga lwa va duvaga.

Ezekieli 26:12

Na ubutugi bubwo a la bu kola kuva vilanye, nevyokugulannya vivyo vi la kolwa kuva vyokuhimwa; na va la sambula madigi gogo, netsinyumba tsitsyo tsyokuyanzidza va la tsyononnya; na va la vika magina gogo, na misala gyigyo, nolugukyi lulwo hagati ha madzi manene.

Ezekieli 34:21

Kigira mwinye mwa luguta netsimbalu na namavega, nokutodza amalwaye netsinziga tsyenyu, kuduka kugasalannya yiyi na yiyi;

Hosea 9:2

Ulodze lwokuhuulira ku ubuswage, nekyokumina iwaini si vi nyala kuvalageridza, newaini impya i la geha kuye.

Kyavalevi 26:16

inze kandi nda l mu kolera yaga: nda vika ku mwinye litihidza, kuli ubulwaye bwekiritu bunene na luhudza, vyokwononya tsimoni tsyenyu, nokung'ahidza mwovo gwenyu; mu la taga bugutsa bwenyu vutswa, kigira avasigu venyu va la bu lia.

Amosi 2:6

Yahova a vola ndi: Kigira mahyolo gavaka ga Israeli, yee, kigira gane, si nda girunkannyira lihebwa mageli lyalyo; kigira va gulidza avalungi kunyola ifetha, navadaka kunyola vilatu

Amosi 2:7

yavo ava heraniranga ulugukyi lwelirova lu veye ku mitwe gyavadaka, nokukyaminya inzira yomuhooma: na muyai na dada wewe vingira kuva nomkana mulala, kuvika budamano ku lieta lyange litakatifu:

Amosi 3:15

Nda duya inyumba yenyinga yobukindu halala nenyumba yoluya; netsinyumba tsyetsinziga tsyetsinzogu tsi la diva, netsinyumba tsinene tsi la va nekiheri, Yahova a vola.

Amosi 3:9

Mu landidze mu tsinyumba tsyobwami tsya Ashidodi, nomu tsinyumba tsyobwami mu kivala kya Egepeti, mu vole, Mu vugane ku vigulu vya Samaria, mu lole liyoga linene kuli ndi li veye muvyo, nelidambidzwa hagati havyo.

Amosi 4:1

Hulira likuva yili, mwinye tsing'ombe tsya Bashan, ava veye mu kigulu kya Samaria, ava dambidza avadaka, na va duvaganga avadambi, mwinye ava voleranga vanene vavo, Mu lete, ku nwe.

Amosi 6:11

Kigira, henza, Yahova u haani lilaga, ku inyumba inene i la duywa i syavuke, nenyumba inkekeke i la duywa yadike.

Amosi 6:12

Tsiparasi tsi la nyagula ku lwanda? Mundu a la lima yo netsing'ombe? Mu duke kugirunkannya likalaga li ve indulwi, namakuyu gobulungi kuva vilulu,

Amosi 8:4

Mu hulire yaga, O mwinye avenyanga kumira avadambi, nokuheridza avadaka mu kivala,

Amosi 9:14

Na nda galukidza kandi lyadikidzwa lyavandu vange Israeli, navo va lombaka madala aga ng'anywa, nokumenya mugo; na va la taga milimi gyemizabibu, na va la nwa iwaini yagyo; na va la lomba milimi, na va la lia makuyu gagyo.

Mika 1:6

Kigira yaga nda kola Samaria kuva kuli kitumi mu mulimi, na hokusimika mizabibu; na nda syuva magina galyo mwivona, nda kunula mise gyalyo gyi ve ku bulavu.

Mika 2:2

Na va kayirangwa milimi, nokugyigumira; netsinyumba kandi, nokutsihila: na va dambidzanga mundu nenyumba yeye, yee, va dami)idzanga mundu nemiyandu gyigye.

Mika 6:15

U la taga, navutswa u la vula kugesa; u la mina mizeituni, navutswa si u levaka maguta gagyo; na lyagula lyemizabibu u la va nalyo, navutswa si u la nwa iwaini.

Zefania 1:13

Nobutugi bwavo bu la va vilanye, netsinyumba tsyavo tsi la va hatswa: yee, va lombaka tsinyumba navutswa si va la menya mutsyo mba; va la simika mizabibu, navutswa si va la nwa iwaini yagyo mba.

Haggai 1:6

Mu midzi bugutsa bunyingi, na mu letanga vikekeke vutswa; mu litsanga, navutswa si mwigutanga; mu nwedzanga, navutswa vyokunwa si vi mu dukanga; mwivikanga tsingubo, navutswa si ha veye na u nyolanga uluya; na uyu u tungangwa mshahara, a tungangwa kuguvika mu imuya ya huduka.

Malaki 1:4

Kali Edoma vola, Kwinye ku duvagirangwa hasi, navutswa ku la galuka nokwombaka mu vyanyi vya lekwa: Yahova wa mahe a vola, Va lombaka, navutswa nda sambula kandi; na vandu va la va langa, Kivala kyobudamano, na Avandu ava Yahova a vihirirwa mihiga nemihiga.

Kwidzulitsa 28:30

U la kwa mukali, nomusatsa wundi a la va naye, u lombaka inyumba, na u la vula kumenya muyo: u la simika muzabibu, u la vula kutumekira makuyu gagwo.

Yakobo 2:6

Navutswa mwinye mwononnyi lidzominywa lyomundu mudaka. Avatugi si va mu minanga, nokumung'usa kuduka imbiri wentebe yelikalaga?