Amosi 5:1 - KITABU KITAKATIFU

¹ Mu hulire likuva yili lya mbola li ve lisyoma ku mwinye, O inyumba ya Israeli.

Amosi 5:1 ပူးပေါင်းရင်းမြစ်များ

Jeremia 18:13

Kunangwa kigira yaga Yahova a vola: Mu teve kalunu mu tsihiri yitsyo, ni bwaha wa hulira makuva gevindu kuli yivi; mukana mugima wa Israeli u koli inkuva yokuvihiridza Iigali.

Jeremia 7:29

U vege lisu lilyo, O Yerusalemi, nokuli ta, mu tange lisyoma hadiguluku; kigira Yahova u suye nokuleka likula lyobutima bwibwe.

Jeremia 9:10

Nda lirira vigulu nokuvisyomera, noku milimi nda tanga lisyoma kigira gyi hiye; kuduka si ha veye nomundu u vita hagati hakyo; kandi si ha veye nomundu, u nyala kuhulira myoyo gyetsing'ombe: na manyonyi gombwerefu netsinyama tsyombulimu halala vi twuli, vi tsiye.

Jeremia 9:17

Yahova wa mahe a vola ndi, Mu ganagane, mu lange avakali vasyomi, va duke kudza: kandi mu tumire avakali avasidza, vadze:

Jeremia 9:20

Navutswa mu hulire likuva lya Yahova, Mwinye avakali, amatu genyu ga bugirire likuva lyomunwa gwigwe, mwegidze avakana venyu lisyoma, mukali sa mulala yegidze wakye lisyoma.

Jeremia 9:9

Mbule kuvavanza kisalya ku inkuva yiyi? Yahova a vola; mwoyo gwange gu vule kuvanza kisalya ku ihiri kuli yiyi?

Ezekieli 19:1

Kandi, u syomere avanene va Israeli,

Ezekieli 19:14

Na muliru gwa twula mu visala vyetsisya tsyagwo, gu sambi amakuyu gagwo, kuduka si ha veye kandi mu muzabibu yigwo kisala kyetsingulu ki dukana kuva impimbo yobwami wa meha. Yili li veye lisyoma, nalyo li la va lisyoma.

Ezekieli 26:17

Na va la syomera ive, nokuvola, Ga li ndi ive kwononnywa, ive wa li ubumenyo bwa yavo avenyanza, lidala lyelidzominywa, ive wa li netsingulu mu inyanza, uyu na yavo ava menya mulyo, ava kola litihidza lyavo li ve ku yavo vosi avamenyanga mulyo

Ezekieli 27:2

Na ive, mwana womundu, u syomere Turo;

Ezekieli 28:12

Ive, mwana womundu, u syomere mwami wa Turo, u mu volere, Mwami Nyasaye a vola ndi: Ive u viki muhuri ku kigero, kizuye ubugeeri, nokudukira mu bulahi.

Ezekieli 32:16

Yili ni lisyoma lya va li syoma kukyo; avakana vetsihiri va la ki syomera nalyo; kandi ku Egepeti, noku ubunyingi bwa avandu veve, va la syomera nalyo, Mwami Nyasaye a vola.

Ezekieli 32:2

Ive mwana womundu, u syomere Farao mwami wa Egepeti, na u mu volere, Ive wa fwananywa neking'ang'a ki soleli kyavetsihiri: navutswa u fwanana noguyoka mu tsinyanza; na vizulira nemigera gyigyo, na wa duvula amadzi nevirenge vivyo, nokukola migera gyavo midamano.

Amosi 3:1

Huliri likuva yili lya Yahova a vola ku mwinye, O avana va Israeli, ku aviko vosi ava ndanegeridza mu kivala kya Egepeti, ni mbola

Amosi 4:1

Hulira likuva yili, mwinye tsing'ombe tsya Bashan, ava veye mu kigulu kya Samaria, ava dambidza avadaka, na va duvaganga avadambi, mwinye ava voleranga vanene vavo, Mu lete, ku nwe.

Amosi 5:16

Kunangwa Yahova, Nyasaye wa mahe, a veye Mwami, a vola ndi: Lisyoma li la va ho mu tsinzira tsingalamu; navo va la vola mu tsinzira tsyosi, O Bayaye bayaye na va la langa mulimi yadze kusyoma, navetsingulu tsyokulira vadze kulira.

Amosi 8:14

Yavo avesuhanga ku bwoni bwa Samaria, nokuvola, Kuli nyasaye wowo, O Dan, a veye mwoyo; kandi, Kuli inzira ya Beersheba i veye mwoyo; va la gwa, na si va la vuka kandi mba madiku gosi.

Mika 2:4

Mu lidiku yilyo va la kupa lugano ku mwinye, nokulira nelilira lyobuvereri, nokuvola, Ku mali kwononnywa ligali: u girunkannya kidieli kyavandu vange: ga veye ndi kuli a twulidzanga kuinze ya gavuliranga avebaali milimi gyetu.