Amosi 4:7 - KITABU KITAKATIFU

⁷ Kandi mmali kugaya imbula i ta kupa ku mwinye, lwa imyeli gyi tigaye gyivaka kuduka ligesa; na mmala kuleta imbula ku lidala lilala, nokugaya imbula i vule kukupa ku lidala lindi; kidieli kilala imbula ya kupa ku, na kidieli kya ya vula kukupa ku kya niala.

Amosi 4:7 ပူးပေါင်းရင်းမြစ်များ

Kutwula 10:22

Na Musa ya nyira mukono gwigwe kuhenza migulu, na kya duka kisundi kinene mu kivala kyosi kya Egepeti kuduka madiku gavaka;

Kutwula 10:23

si va lolana mulala nowakye, kandi mundu si ya twula ha ya li kuduka madiku gavaka: navutswa avana va Israeli vosi va li nobulavu mu tsinyumba tsyavo.

Kutwula 8:22

Kandi ku lidiku yilyo ndavukanya kivala kya Goshen, ha avandu vange va menya, maduuma getsingi tsi vule kuva mu; ive u duke kumanya inze mbeye Yahova hagati helirova.

Kutwula 9:26

Mu kivala kya Goshen kyeng'ine, kya avana va Israeli va li mukyo, si ha li nembula yamagina.

Kutwula 9:4

Na Yahova a lavukanya mitugu gya Israeli na mitugu gya Egepeti; siki la kudza kindu kali kilala kya avana va Israeli.

Isaya 5:6

nda ki kola hatswa; ki la vula kusemberwa, kinga kulimwa; navutswa ki la mera amafwa nolutavati: kandi nda laga malesi ga vuli kukupidza imbula kukyo.

Jeremia 14:22

Mu vindu vya vutswa vyosi vya yavo avetsihiri ki veye ho ki nyala kuleta imbula? Naho ligulu li nyala kuleta lunyirira? Si a veye ive, O Yahova Nyasaye wetu? Kigira yaga kwinye ku la linda ive; kigira ive u lombi vindu ylvi vyosi.

Jeremia 14:3

Avanene veve va tumi avake vavo va dahe madzi: va duka mu madavalia, na si va nyola madzi mba; virana neviju vyavo vikaya: va veye isoni, nokugenya nokukunika mitwe gyavo.

Jeremia 14:4

Kigira kivala kyadika, kigira imbula si i kupanga mkivala yikyo, avalimi va ve isoni va kunika mitwe gyavo.

Jeremia 3:3

Kigira yaga ulunyirira lwembula lu gaywi, nembula yitodzo i vule kukupa; navutswa wa li nobweni bwowamalaya, wa sula kuva netsisoni.

Joeli 2:23

Kunangwa mu yanze, mwinye avana va Zioni, na mu sangale mu Yaho va Nyasaye wenyu; kigira a mu hedza imbula yokutanga i duka, naye a mu kupidzira imbula, imbula yokutanga na imbula yenyima, mu mweli gwokutanga

Zekaria 14:17

Kandi ga la duka ku vosi ku bwiko bwosi ubu veye mu lirova u vula kwanegira Yerusalemi kusigamira Mwami uyu, Yahova wa mahe, imbula si i la kupa kuvo mba.

Yohana 4:35

Mwinye si mu vola. Gyi tigaye imyeli gyine, ma ligesa li duka? Henza, mmu volera, Mu ginge tsimoni tsyenyu, mu henze mu milimi gyi mali kulava gyi duke kugeswa.

1 Vakorintho 4:7

Kigira nibwaha wavukannya ive? Kandi u veye na kindu ki kya wa vula kuhebwa? Navutswa ive nu u va ni wa hebwa wiidzominyira ki kuli wa vula kuhebwa?

Kwidzulitsa 11:17

nobutima bwa Yahova bu laaka ku mwinye, na a la boha ligulu, ha vule kuva nembula nekivala ki vula kwama makuyu, na mu la diva bwangu nokutwula ku kivala kilahi kya Yahova ya mu ha.

Yakobo 5:17

Elija ya li umundu weliva lilala nekwinye, kandi ya saala nelisaala imbula i ta kupa; nembula ya vula kukupa ku lirova inyinga ya duka mihiga gyivaka nemyeli gyitano na mulala.

Likunula 11:6

Yava va veye netsingulu tsyokuboha ligulu, imbula i vule kukupa mu madiku gobuprofeti bwavo: kandi va veye netsingulu ku madzi kugagirunkannya ga gwe masahi, nokuduya lirova neliduya lyosi tsinyinga tsyosi tsya va yanza.