Amosi 4:13 - KITABU KITAKATIFU

¹³ Kigira, henza, uyu wa lomba vigulu, nokulomba imbuudza, nokutivulira mundu ga a ganagana: u kolanga mugamba kugwa kisundi, nokuduvaga ha diguluku helirova Yahova, Nyasaye wa mahe, li veye lieta lilye.

Amosi 4:13 ပူးပေါင်းရင်းမြစ်များ

Ayubu 9:7

U laganga liuva, nalyo li vula kutonga, A vikanga muhuri ku tsing'ereng'ini.

Zaburi 135:7

Uvuyidzanga lilumbe kutwula ku tsindulu tsyelirova; U lombera imbula tsimpeni U twulidzanga imbuudza mu vyagi vivye;

Zaburi 139:2

Ive u manya likala lyange na lisingira lyange; Ive u manya tsiganagani tsyange ihale.

Zaburi 147:18

A hilanga likuva lilye na a vi salula: A hudzidza imbuudza yeye, na amadzi a gendidza.

Zaburi 65:6

Uyu u singeridzanga vigulu netsingulu tsitsye, Webohi nobunyali;

Kutwula 10:22

Na Musa ya nyira mukono gwigwe kuhenza migulu, na kya duka kisundi kinene mu kivala kyosi kya Egepeti kuduka madiku gavaka;

Kutwula 14:20

nagwo gwa li hagati helihe lya Egepeti na lihe lya Israeli; na lya li ho lilesi na kisundi, navutswa lya kola ubulavu mu budiku: na lilala si lyesunda himbi na lindi mba ubudiku bwosi.

Isaya 40:12

Ni bwaha u geri amadzi ku luhe lwomukono gwigwe, nokugera ligulu neligera lyokutwula ku kidete kinene kuduka kyanyasi, nokumanya liduka lyolugukyi lwelirova mu kigero, nokugera vigulu ku tsiratili, notugulu ku tsiratili tsyokusung'anana?

Isaya 45:7

Inze nomba ubulavu, nokukola kisundi; nda leta mirembe, na nda lomba bubi inze mbeye Yahova, wa kola vindu yivi vyosi.

Isaya 47:4

Umu tungiri wetu, Yahova wa mahe ni lieta lilye, Mutakatifu wa Israeli.

Isaya 48:2

(kigira velanga avene va veye avandu velidala litakatifu, nokwidira ku Nyasaye wa Israeli; welieta lilye li langwa Yahova wa mahe):

Isaya 5:30

Va la fwuma kuvo mu lidiku yilyo kuli liluuma lyenya nza: mundu na a va na a henza kivala a la lola kisundi kandi kivi; nobulavu bu mwaminyeywi mu malesi gyakyo.

Jeremia 10:13

Lwa a vola nomwoyo gwigwe, ha veye nomuliviti gwamadzi manene mwigulu, a duminya lilumbe kutwula ku tsintulu tsyelirova; tsimpeni lugano lugano a lombere imbula, a twulidzanga imbuudza mu kyagi kikye.

Jeremia 10:16

Kidieli kya Yakobo si ki veye kuli yivi: kigira a veye mulombi wevindu vyosi na Israeli a veye ihiri yemiyandu gyigye: Yahova wa mahe ni lieta lilye.

Jeremia 13:16

Mu kuminye Yahova Nyasaye wenyu, na a kikiri kuleta kisundi, virenge venyu ni vi kikiri kwikigitala mu vigulu vyekisundi; kandi, inyinga mwenyanga ubulavu, a bu girunkanyanga kuva kiriri kyelikudza, nokubukola kuva kisundi kinene.

Jeremia 46:18

Kuli inze mbeye mwoyo, Mwami a vola, welieta lilye li veye Yahova wa mahe, ligali kuli liva lya Taboru mu vigulu, kandi kuli liva lya Karimeli himbi nenyanza, ni ndiyo uyu a lidza.

Jeremia 51:16

Lwa a kupa lwanga lwilwe, ha veye nomuliviti gwa madzi manyingi migulu, a vuyidzanga ama lumbi kutwula ku tsintulu tsyelirova; a lombanga tsimpeni halala nembula, na a letanga imbuudza kutwula mu kyagi kikye.

Jeremia 51:19

Kidieli kya Yakobo si ki veye kuli kyavyo; kigira uyu a veye mulombi wevindu vyosi; Israeli i veye ihiri yemiyandu gyigye: Yahova wa mahe nilyo lieta lilye.

Danyeli 2:28

navutswa ha veye ho na Nyasaye migulu u vuulanga vi viseywi, uyu u mannyi mwami Nebukadinezaru, makuva aga li va ho mu madiku gekiheri. Liloto lilyo, na malola gomutwe gugwo ku kitali kikyo, ga veye yaga:

Danyeli 2:30

Na vutswa ku inze, agaviseywi si ga vuuleywi ku inze kigira ubugeeri bwa mbeye nabwo kuvita avandi ava veye mwoyo, navutswa li veye livuula ii dukidzwe ku mwami, kandi ive u duke kumanya tsiganagani tsyomwoyo gugwo.

Hosea 12:6

Kigira yaga girunkana u yeke ku Nyasaye wowo: u linde tsimbabasi nelikalaga, kandi u lindirire Nyasaye wowo kazozo.

Joeli 2:2

lidiku lyekisundi, na lya isi idunyi, lidiku lyamalesi na kisundi kiliduhu, kuli isi i tanga kwayuka ku vigulu; Ii leta avandu avanene na avetsingulu; va kikiri kuva ho kuli yavo madiku gosi, kandi si va la va ho avenyima, kuduka ku mihiga gyevisukululwi vinyingi.

Amosi 3:13

Mu hulire, mu lolekidze ku inyumba ya Yakobo, Mwami Nyasaye a vola, Nyasaye wa mahe.

Amosi 5:27

Kunangwa nda mu hila mbutugwa ihale kuvita Damasko, Yahova, welieta lilye li veye Nyasaye wa mahe, a vola.

Amosi 5:8

mwenye uyu wa lombanga tsing'ering'ani tsya Pleiades na Orion, na ya girunkannya kiriri kyelikudza ki ve umugamba, nokukola mbasu kuva kisundi kyobudiku; u langanga amadzi genyanza, nokuga tsuka ku kivala (lieta lilye ni Yahova);

Amosi 6:8

Mwami Nyasaye wesuhira, Yahova, Nyasaye wa mahe, a vola: Mbihirirwa luyai lwa Yakobo, nokudunyira tsinyumba tsyobwami tsitsye; kunangwa nda twulidza lidala halala na vyosi vi veye mulyo.

Amosi 8:9

Na ga la duka mu lidiku yilyo, Mwami Nyasaye a vola, Nda yeridza liuva mbasu hagati, na nda mwaminya kivala inyinga yombasu gu valanga.

Amosi 9:6

uyu niye wombakanga inyumba yeye mwigulu, nokuyava imise gyevigutu ku lirova; uyu u langanga amadzi genyanza, nokugatsuka mmoni mwelirova; Yahova ni lieta lilye.

Mika 1:3

Kigira, henza, Yahova yadzanga kutwula hango hehe, na a lika hasi, nokuduvaga hadiguluku helirova.

Habakuk 3:19

Yahova, Mwami, a veye tsingulu tsyange; A kola virenge vyange kuva kuli Direnye vyemboongo, Na a la ng'endidzira virenge vyange mu hadiguluku.

Zekaria 12:1

Yibu nobuliduhu bwelikuva lya Yahova ku Israeli. Yahova a vola, uyu u vambula lugulu, uyu u temanga mise gyelirova, nokulomba umwoyo gwomundu muye:

Matayo 9:4

Yesu ya manya tsi ganagani tsyavo na a vola, Kigira ki mu ganagana ndi ubudamano mmyoyo gyenyu?

Yohana 2:25

kandi si ya li neliyenya iyomundu a mu lolekidzire amakuva gomundu; kigira mwene a manya aga veye mu mundu.

Yohana 3:8

Imbuudza i huudza ha i yanzanga, na ive u hulira lihuma lyayo, navutswa si u manya wa i twulanga, kinga wa i tsitsanga: ni ndiyo ku vandu vosi va Roho yivula.

Kwidzulitsa 32:13

Ya mu nyinnya igulu he kivala kye ginga, Naye ya lia limedeka lyemilimi; Na ya mu nyunnya ubwuki ku lwanda, Namaguta kutwula ku ligina lidinyu;

Kwidzulitsa 33:29

U veye nobwelemeridzi, ive Israeli: Ibwaha u leng'ana na ive, avandu va Yahova ya honya, Ingavo yobukonyi bubwo, Kandi kivavi kyobukumi bubwo Avasigu vovo va legehidza ku ive; Na u la duvaga ha diguluku havo.