Amosi 4:10 - KITABU KITAKATIFU

¹⁰ Nda leta hagati henyu iplegi ku lugano lwa Egepeti: ndiita avasoleli venyu nekivavi, netsiparasi tsyenyu ntsi twulidzeywi ku mwinye; na nda kola lifunya lya hokusosa henyu kwa negira igulu nokwingira mu amolo ge nyu: navutswa si mu galuki ku inze, Yahova a vola.

Amosi 4:10 ပူးပေါင်းရင်းမြစ်များ

2 Avami 10:32

Madiku yago Yahova ya tanga kugehidza Israeli: na Hazaeli ya va kuya mu tsinzako tsyosi tsya Israeli;

2 Avami 13:3

Ubutima bwa Yahova bwaaka ku Israeli, na a va vika mu mukono gwa Hazaeli mwami wa Siria, nommukono gwa Benhadadi mwana wa Hazaeli, madiku gosi.

2 Avami 13:7

Kigira si ya lekera Jeho ahazu avandu, ni va ta li yavo ava nina ku tsiparasi avandu makumi gatano, na magari likumi, navasikari va genda nevirenge tsielfu likumi; kigira mwami wa Siria ya va dividza, nokuvakola va ve kuli lugukyi mu lihuula lyobuswage.

2 Avami 8:12

Ha zaeli ya teva, Munene wange a lilira ki? Ya tivula, Kigira man, a ubu damano ubwa ive u la kolera avana va Israeli: u la samba tsimpinga tsyavo, na vasoleli vavo u la viita nekivavi, na u la shonolannya twana twavo, na vakali vavo ava veye inda u latannya.

Kutwula 10:27

Navutswa Yahova ya dinyeridza mwoyo gwa Farao, naye ya sula kuvalakula va tsie.

Kutwula 10:3

Na Musa na Haruni vingira ku Farao, nava mu volera, Yahova Nyasaye wa Vahebraina a vola, U la sula kwegehidza imbiri wange kuduka inyinga ki? U lakule avandu vange va tsie kuntumekira.

Kutwula 14:4

Na inze nda dinyiridza mwoyo gwa Farao, naye a la va londerera; na nda nyola liidzominywa ku Farao, noku lihe lilye; na Avaegepeti va la manya, inze mbeye Yahova. Na va kola ndiyo.

Kutwula 15:26

naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Kutwula 8:19

Hene yaho avasegetiri va volera Farao Inkuva yiyi i veye kidete kya Nyasaye: na mwoyo gwa Farao gwa dinyeridzwa, naye si ya va hulira mba; kuli Yahova ya vola.

Kutwula 9:12

Na Yahova ya dinyiridza mwoyo gwa Farao, naye si ya va hulira; kuli Yahova ya volera Musa.

Kutwula 9:17

Kali kalumu wegingira ku avandu vange, na u suye kuvalakula va tsie?

Isaya 34:3

Yavo aviitwa mu yavo va la tebwa kyova, nelifunya lyemibiri mikudzu gyavo li lanegira igulu vigulu vi la yenguka kigira masahi gavo.

Isaya 50:11

Henza, mwosi ava fwananga muliru, mwinye avebohanga netsimuli tsyomuliru; mu gende mu lumemo lwomuliru gwenyu, na hagati hetsimuli tsyomuliru gwa mwa fwana. Mu la nyola yivi ku mukono gwange; na mu la gona hasi nobuverereri.

Isaya 9:12

Vasiria ku; luvega lwe mbiri, na Vafilisiti ku luvega lwe nvuma; na va la mira Israeli nomu nwa mwalamu. Navutswa ku yaga gosi ubutima bwibwe bu kikiri kugiru nkanywa, navutswa mukono gwigwe gu nyireywi kuduka kalunu.

Isaya 9:13

Navutswa avandu va vula kugi runkana ku uyu wa va kuya, kandi va vula kwenya Yahova wa mahe.

Isaya 9:17

Kunangwa kigira yaga Yahova si a la sangalira avasoleli vavo, kandi si a la vererera avabisandu na vakunzakali; kigira sa mulala va veye avanyegi navada mano, neminwa gyosi gvi volanga ubusiru. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Jeremia 11:22

kigira yaga Yahova wa mahe a vola, Henza, nda ha avandu yava mageli: avayai avasoleli va la kudza ku kivavi; avayai vavo navakana va la kudza nenzala;

Jeremia 15:3

Nda laga kuvo tsing'ano tsine, Yahova a vola: kivavi kwiita, netsimbwa kutandula, na manyonyi gombwerefu, netsinyama tsindulu tsyekivala, kulia nokudividza.

Jeremia 16:4

Va la kudza nelikudza lidamano ligali; va la vula kusyomirwa, kandi va la vula kutebwa; va la va kuli amandu ku mmoni mwelirova; va la dividzwa nekivavi, nenzala; na mibiri mikudzu gyavo gyi la va vyokulia vyamanyonyi gombwerefu, nevyetsinyama tsyelirova.

Jeremia 18:21

Kunangwa kigira yaga haana avana yavo va lola inzala, u va haane va ve isi wetsingulu tsyekivavi; navakali vavo, avana va gote kuvo, navo va ve avakunzakali; na avasatsa vavo viitwe nelikudza, na vasoleli vavo vayai viitwe nekivavi mbulwani.

Jeremia 48:15

Moabu u lekeywi vutswa, navo vanegiye nokwingira mu madala gege, na avasoleli veve avatovolwa va sulunguta ku liitwa, Mwami a vola, welieta lilye li veye Yahova wa mahe.

Jeremia 49:26

Kigira yaga avasoleli veve va la gwa mmahasi gege, navandu vosi avelihe va la kiring'anywa ku lidiku yilyo, Yahova wa mahe a vola.

Jeremia 5:3

O Yahova, tsimoni tsitsyo si tsi henzanga ageligali? U va kuyi, navutswa si va vereranga mba; u va heridzi, navutswa va suye lihebwa mageli va kolanga mmoni mwavo kuva mudinyu kuvita lwanda; va suye kwirana kandi.

Jeremia 6:11

Kunangwa kigira yaga inze nzizuye ubutima bwa Yahova; lyegaya li nduhidzanga: u bu tsuke ku avana va veye ku inzira noku livugana lya vayai vasoleli, kigira kali musatsa halala nomukali wewe a la vugulwa, musakulu halala na uyu wizuye madiku.

Jeremia 9:22

Vola, Yahova a vola ndi, Mibiri mikudzu gyavandu gyi la vunguluka kuli amandu mu malimiru, kandi kuli kikamata kya ng'alika inyima womugesi; si ha la va nomundu wokukivungidza halala.

Hosea 11:5

Si va lirana kandi mu kivala kya Egepeti, navutswa Muasuria a la va mwami wavo, kigira va sula kwirana ku inze.

Joeli 2:20

navutswa lihe yili lyoluvega lwa kasikasini, nda li kunga ihale ku mwinye, li la duke mu kivala kyumu ki veye kyere, kidieli kye imbiri kyalyo ki lingira mu inyanza yevugwe, na kidieli kye inyima ki lingira mu inyanza yemadioli; na ubugundu bwalyo bu la senuka, na lifunya lidamano lilyo li la senuka, kigira li koli miyinzi minene.

Kyavalevi 26:16

inze kandi nda l mu kolera yaga: nda vika ku mwinye litihidza, kuli ubulwaye bwekiritu bunene na luhudza, vyokwononya tsimoni tsyenyu, nokung'ahidza mwovo gwenyu; mu la taga bugutsa bwenyu vutswa, kigira avasigu venyu va la bu lia.

Kyavalevi 26:25

Na nda leta kivavi ku mwinye, ki li vanza kisalya kyelilagana; na mu la vuganywa halala mu madala genyu: na nda leta a lukudzo ludamano hagati henyu; na mwinye mu la vikwa mu mukono gwa avasigu venyu.

Amosi 4:6

Inze mmu heye ubusiye bwa amino mu madala genyu gosi, na ligeha lyobukima mu tsingo tsyenyu tsyosi; navutswa si mwirani ku inze, Yahova a vola.

Amosi 8:3

Na tsinyimbu tsyelitempeli tsi la va tsikwili mu lidiku lilyo, Mwami Yahova a vola: mibiri mikudzu gyi la va minyingi; va la gyi ta hosi makiriri.

Haggai 2:17

Nda mu kuya nekimeyu noluguku, nembula ya magina mu mi yinzi gyosi gya makono genyu; navutswa si mu yeka ku inze, Yahova a vola.

Kwidzulitsa 28:21

Yahova a la ku hambanya ku iplegi, a luhe a ku l dividze mu kivala, kya wingira mu kukigumira.

Kwidzulitsa 28:22

Yahova a la ku duya namagero, noluhudza, nokuhiya, noluya, nekivavi, neliniala, nobuguku; navyo vi la kukunga u luhe u dive.

Kwidzulitsa 28:60

Na a lirannya ku ive ubulwaye bwosi bwa Egepeti, bwa wa tia, na bu la hamba ku ive.

Kwidzulitsa 7:15

Na Yahova a la twulidza ku ive ubulwaye bwosi; si a la vika ku ive ubudekere ku tsing'ano tsyosi, bwa wa manya mu Egepeti, navutswa a la bu vika ku yavo vosi ava dunyira ive.