Amosi 4:1 - KITABU KITAKATIFU

¹ Hulira likuva yili, mwinye tsing'ombe tsya Bashan, ava veye mu kigulu kya Samaria, ava dambidza avadaka, na va duvaganga avadambi, mwinye ava voleranga vanene vavo, Mu lete, ku nwe.

Amosi 4:1 ပူးပေါင်းရင်းမြစ်များ

1 Avami 16:24

Na ya gula kigulu kya Samaria ku Shemeru netsitalenta tsiviri tsyefetha; naye yombaka ku kigulu, na ya gulika lidala lya yombaka lieta Samaria, ku lieta lya Shemeru mwene wekigulu zana.

Ayubu 20:19

Kigira ya dambidza na a leka avadaka; A nuula inyumba nekirage ya ya vula kwombaka.

Ayubu 24:4

Va girunkannya mudambi a twule ku inzira: Avadaka velirova vivisa avene.

Zaburi 12:5

Kigira lidambidzwa lyavadedekere, na likenya lyavadaka, Yahova a vola, Kalunu nda singira Na nda mu vika ha buhonnyi bwa yenyanga.

Zaburi 140:12

Mmanya Yahova a la vitidza likalaga lya uyu u dambidzangwa Kandi a la lungikidza makuva gomudaka.

Zaburi 22:12

Tsigiriki tsinyingi tsi nkumbiridzi; Tsigiriki tsyetsingulu tsya Bashan tsi veye tsimbega tsyosi.

Tsing'ano 22:7

Avatugi vameha ku avadaka; Na uyu u hambanga kivete a veye mutugwa womuhambidzi.

Kohelethu 4:1

Hene yaho ndirana nokulola vyosi vyekirage vi kolangwa isi weliuva: na, henza, amaliga ga yavo ava dambidzangwa, na si va veye nomundu kuvaleminya mwoyo; noku luvega lwa yavo ava va dambidzanga tsingulu tsya li ho; navutswa si va li nomundu kuvaleminya mwoyo.

Kohelethu 5:8

Nu u va nu u lola avadaka ni va dambidzangwa, nelikalaga nobulungi kutwulidzwa nekirage mu kivala, u ta genyira yaga: kigira mulala a veye igulu ligali kuvita yavo ava veye igulu a henzanga, kandi va veye ho ava veye igulu kuvita yava.

Isaya 28:1

Ubudamano bu veye ku itaji yoluyai lwa avahambiki va Efiraim, noku kimuli ki nialanga kyobulahi bwobukumi bwibwe, ki veye ku mutwe gwelivona linolu lya yava ava guutwa na iwaini

Isaya 5:8

Ubudamano bu veye kuvo ava medanga inyumba ku inyumba yindi, na va hambannya mulimi ku mulimi gundi, ubwiyangu bu luhe bu dake, na mwinye ga mu dukiye kudalang'ana hagati hekivala

Isaya 56:12

Va vola, Hambi nda leta iwaini nokulizulitsa myoyo gyetu lihambika, kandi mugamba i la va kuli lero, lidiku linene kuvita kigero.

Isaya 58:6

Yili si li veye lihonga lya inze ntovola: kuboholola vibohero vyobudamano, kudendeyidza vibohero vyenira, kuleka yavo avadambidzangwa, va ve avaboholole, kandi mu vunannye tsinira tsyosi?

Jeremia 50:11

Kigira mwinye mu sangala kigira mu yanzanga, mwinye ava lanyanga miyandu gyange, kigira mu komeye kuli iroli i hulanga ubuswage, mu kumulanga kuli iparasi yetsingulu;

Jeremia 50:27

Tsing'ombe tsitsye tsyosi mu tsiite; tsi sulungute mu kenyenyero: O bayaye kuvo kigira lidiku lyavo li duki li veye lidiku lyelihenzwa lyavo.

Jeremia 51:34

Uyu Nebukadirezaru mwami wa Babuloni u mali kulia inze, nokunshonolonnya, u nkoli kiju kyere, u mali kummira kuli limira lyoguyoka, wizulitse inda yeye vindu vyange vinolu; u nteye kyova.

Jeremia 6:6

Kigira Yahova va mahe a vola, Tema misala, mu lombe kitumi kuhing'ana ku Yerusalemi: yili ni lidala lyokulutwa; li veye nelidambidza lyere mulyo.

Jeremia 7:6

mu vule kudambidza umugeni, nomubisandu, nomukunzakali, kinga kutahidza masahi ga ta li nekindu hang'o hano, kinga kulonda vanyasaye vandi ku busaliri bwenyu avene:

Ezekieli 18:12

noku dambidza avadaka navadambi, nokunuula avandu nekirage, wa vula kwirannya kihambiriru, wa ginga tsimoni tsitsye kuhenza vifwananyi, wa tumekira kivihiri,

Ezekieli 22:12

Mu ive va vugulanga vikukula kutahidza masahi; ive u vuguye vyambeti nevyamedeka, na u nyoye vyambeti ku ligada avakyo kuvadambidza, na u mali kwivirira inze, Mwami Nyasaye a vola.

Ezekieli 22:27

Avanene veve muye va gwiye kuli visalang'ongo vi tandu langa vihimwa, kuduka kutahidza masahi, nokudividza myoyo gyavandu, va duka kunyola vyambeti ku ga ta li bulungi.

Ezekieli 22:29

Avandu vekivala va tumekiranga lidambidza, nelinuula nobululu: yee, va lugutanga avadaka navadambi, nokudambidza ava menya ku ga ta li amalahi.

Ezekieli 22:7

Mu ive wa leganga dada na mama; hagati hoho va koleranga avageni lidambidzwa; mu ive va dambidza avabisa ndu navakunzakali.

Ezekieli 34:16

Ndenya lya gota, nokuleta kandi lya kungwa, nokuboherera lya vunika, nokuha tsingulu lya kenya, na manetu na getsingulu nda ga dividza; nda ga lihidza mu likalaga.

Ezekieli 39:18

Mu la lia inyama yavobunyali, nokumba masahi gavanene velirova, na gama gondi makole, na gavana vamagondi na getsimbuli, na getsigiriki, vyosi vi veye vinetu vya Bashan.

Joeli 3:3

ni va kola ikura ku avandu vange, ni va haani muyai kunyola wamalaya, ni va gulidza mukana kunyola iwaini, va duke kunwa.

Amosi 3:1

Huliri likuva yili lya Yahova a vola ku mwinye, O avana va Israeli, ku aviko vosi ava ndanegeridza mu kivala kya Egepeti, ni mbola

Amosi 3:3

Vaviri va nyala ndi kugenda halala, ni va vula kuhuliridzana?

Amosi 5:11

Kunangwa kigira mwa duvaga avadaka, nokuvatungidza ingano: mwombaki tsinyumba tsya magina ga vadzwa, navutswa si mu la menya mutsyomu simiki malimiru gemizabibu malahi, navutswa si mu la nwa iwaini yago mba.

Amosi 6:1

O bayaye kuvo avelemeridzanga mu Zioni, kandi ku yavo ava menyanga nemirembe mu kigulu kya Samaria, avasatsa ava manyekana avehiri inene ku tsyosi, avenyumba ya Israeli yadza kuvo

Amosi 6:6

ava nwa iwaini mu lubagu, nobwevaka avene namaguta malahi kuvita gosi; navutswa si va verera kigira kivi kya Yosefa.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Livalidza 21:33

Na va girunkana ni vanegira ku inzira va Bashan: na Ogu mwami wa Bashan ya va twulira, uyu na avandu veve vosi, kulwana ha Edrei.

Kwidzulitsa 24:14

U ta dambidza mutumekiri u tungangwa, a veye mudaka nomwe gombi, kaliva na a veye ku vamwavo wowo, kinga ku avageni vovo ava veye mkivala kikyo mu viribwa vivyo:

Kwidzulitsa 28:33

Makuyu gekivala kikyo, nelididikana lilyo lyosi, ihiri yindi ya u ta manya i la li lia; u la kupidzwa kivi nokushonolanywa kazozo;