Amosi 2:4 - KITABU KITAKATIFU

⁴ Yahova a vola ndi: Kigira mahyolo gavaka ga Yuda, yee, kigira gane, si nda girunkannyira nnebwa mageli lyalyo; kigira vambakana malago ga Yahova, na va vula kugumira miima gyigye, nobubehi bwavo bwa va letera mahyolo, bwavadada vavo va londa.

Amosi 2:4 ပူးပေါင်းရင်းမြစ်များ

2 Avami 17:19

Avandu va Yuda kandi si va gumira malago ga Yahova Nyasaye wavo, navutswa va genda mu malago ga Israeli va kola.

2 Kyetsinyinga 25:14

Na ga duka, lwa Amazia ya mala kwirana kutwula mu likuya lya Vaedom, ya manya na a leta avanyasaye vavana va Seiru, na ya va singeridza kuva vanyasaye veve, na mwene ya sigama imbiri wavo, na a vuyidza vimuli kuvo.

2 Kyetsinyinga 30:7

Mu ta va kuli vaguga venyu, na vamwavo venyu, ava girunkana kuleka Yahova, Nyasaye wa vaguga vavo, na a luha na a va leka hatswa, kuli mu lolanga.

Nehemia 1:7

ku koli aga veye madamano ku ive, na ku vuli kugumira lilagana, kinga ama lago, kinga likalaga, lya wa laga mutu mekiri wowo Musa.

Nehemia 9:26

Navutswa va sula kuhulira ni vebaala ku ive, nokuvika lilaga lilyo himugongo havo, na viita vaprofeti vovo ava lolekidza kuvo kuvirannya ku ive, na va kola kivihiri kinene.

Isaya 28:15

Kigiramwa vola, Kwinye ku koli lilagana nelikudza, na ku hambana ne Kihadisi; liduya lizulira lwa li la vita hagati si li la duka ku kwimze; kigira ku lombi ububehi kuva hokwivisa hetu, na kwivisi isi wobugadi:

Isaya 44:20

Uyu a litsanga ligoke; mwoyo gwa gadwa gu mu girunkannyi haluvega; si a nyala kwehonnya mwene, kandi si nyala kuvola, Inze si mbeye nobubehi mmukono gwange mulungi?

Jeremia 16:11

Hene yaho u la va volera, Yahova a vola, Kigira avaguga venyu va ndeki, nokulonda avanyasaye vandi, nokuvatumekira, nokuvasigamira, nokuleka inze, va vule kugumira lilaga lyange;

Jeremia 16:12

Na mwinye mu koli budamano kuvita vaguga venyu; kigira mwinye, henzi, mu gendanga sa mulala kulonda bukyamu bwomwoyo gwigwe mudamano, kuduka mu vule kuhulira inze:

Jeremia 17:27

Navutswa ni mu sula kuhulira inze kutakasa lidiku lyelisabato, kuvula kuginga musigo nokwingira mu viribwa vya Yerusalemi ku lidiku lyelisabato; hene yaho nda Swana muliru ha viribwa vyalyo, nagwo gu la samba tsinyumba tsyobwami tsya Yerusalemi, si gu la siminywa mba.

Jeremia 6:19

U hulire, ive lirova: henza, ndetanga ubudamano ku avandu yava, kali amakuyu gyetsiganagana tsyavo, kigira si va hulira makuva gange; nomu makuva gelilaga lyange, va li suye.

Jeremia 8:2

na va la vi vagala ku mbasu noku bwomweli, noku lihe lyosi iyomigulu, avanyasaye va va li ni va yanza, nokuvatumekira, nokuvalonda, nokuvenya, nokuvasi gamira: vi la vula kuvungidzwa, kandi vi la vula kutebwa, vi la va isina mmoni mwekivala.

Jeremia 8:9

Avandu vobugeeri va nyoye tsisoni, va timuki inkolo nokugumirwa: henza, va suye likuva lya Yahova; na va veye nobugeeri ki muvo?

Jeremia 9:14

navutswa va tsia imbiri ku lilonda ubukyamu bwe myoyo gyavo avene, nokulonda Va baal, kuli wa vaguga vavo va vegidza;

Ezekieli 13:22

Kigira mu vereridza myoyo gyavalungi namakuva genyu gobubehi, ava inze nda vula kuvereridza; nokudinyeridza amakono gomudamano, a vule kwirana nokuleka inzira yeye indamano, nokuhona a ve mwoyo;

Ezekieli 20:13

Navutswa inyumba ya Israeli vebaala ku inze mu kyangalangwi: si va genda mu amalago gange, na va sula miima gyange, agomundu a va na a kola a la hindira mugo; na masa bato gange va gononnya ligali. Hene yaho nda vola nda tsuka ubutima bwange kuvo mu kyangalangwi, kuvadividza.

Ezekieli 20:16

kigira va sula likalaga lyange, na va vula kugenda mu malago gange, na vononnya masabato gange: kigira myoyo gyavo gya londa vifwananyi vyavo.

Ezekieli 20:18

Na nda volera avana vavo mu kyangalangwi, Mwinye mu ta genda mu malago ga vadada venyu mba, kandi mu ta henza ku miima gyavo mba, kandi mu tivika bubi ku vifwananyi vyavo mba.

Ezekieli 20:24

kigira va li ni va ta kola miima gyange, navutswa va sula amalago gange, nokwononnya masabato gange, netsimoni tsyavo tsya londa vifwananyi vya vadada vavo.

Ezekieli 20:30

Kunangwa u volere inyumba ya Israeli, Mwami Nyasaye a vola: Mwivika mu bubi ku lilonda miima gya vadada venyu? Na mwekola avamalaya kuli kivihiri kyavo?

Ezekieli 22:28

Avaprofeti veve va buuye uhudohi bwa vula kuduvulwa bulahi, kigira yavo, va lolanga malola ga vutswa, nokumannya busegetiri bwobubehi, ni va vola, Mwami Nyasaye a vola ndi na ndi, lwa Yahova ya vula kuvola kindu.

Ezekieli 22:8

Ive u leganga vindu vyange vitakatifu, na wononnya masabato gange.

Hosea 12:2

Yahova a veye nelihing'ana na Yuda, naye a la ha Yakobo amageli kuli tsinzira tsitsye; a la mu tunga kuli likola lilye.

Hosea 12:3

Mmunda mwa mama wewe ya gumira amwavo wewe liki; nombukulundu bwibwe ya li nobunyali na Nyasaye:

Hosea 6:11

Kandi O Yuda, ligesa li lageywi ku ive, lwa nzirannya kandi lilanywa lyavandu vange.

Amosi 1:3

Yahova a vola ndi: Ku mahyolo gavaka ga Damasko, yee, kuduka ku gane, si nda girunkannyira lihebwa mageli lyalyo; kigira va duvagi Gileadi nemivango gyekivya.

Amosi 3:2

Mwinye veng'ine va nda manya ku bwiko bwosi bwomu lirova: kuna ngwa nda galukidza ku mwinye ubudamano bwenyu bwosi.

Mika 6:12

Kigira avatugi va yaho vizuye kirage, na va menyanga mu va vehanga, na ululimi mminwa gyavo lu veye nobugadi.

Habakuk 2:18

Kifwananyi kyokuvadzwa ki konya ki, kya mulombi a vadzi; kifwananyi kyokulongwa, na uyu wegidzanga ububehi, na uyu wa lomba kifwananyi a ki suuvira, nokulomba vifwananyi vidimbidi?

Varumi 1:25

kigira va kirannya ageligali ga Nyasaye ububehi, ni va sigamira nokutumekira kyalombwa mbugono bwa Umulombi, widzominyangwa mihiga nemihiga. Amini.

1 Vatesalonike 4:8

Kunangwa uyu u sulanga, si a sulanga mundu navutswa a sulanga Nyasaye u hedzanga mwinye Roho Mutakatifu wewe.

1 Petro 1:18

kigira mu manya mwa honnywa, si bwa li ku vindu vyonekanga kuli ifetha kinga ithahabu, kutwula ku limenya lyenyu lya vutswa lya mwa nyola ku vaguga venyu;

Vakalagi 10:6

Navana va Israeli va kola ubudamano kandi imbiri wa Yahova, na va tumekira Vabaal, na Ashitarothu, navanyasaye va Siria, navanyasaye va Sidone, navanyasaye va Moabu, navanyasaye vavana va Amon, navanyasaye va Vafilisiti; na va leka Yahova, va vula kumutumekira.