Amosi 2:11 - KITABU KITAKATIFU

¹¹ Na nda vukidza avaprofeti ku avana vovo noku vasoleli vovo Vanazari. Si ga va ndiyo ligali, O mwinye avana va Israeli? Yahova a vola.

Amosi 2:11 ပူးပေါင်းရင်းမြစ်များ

1 Avami 17:1

Na Elija Mutishibi, wa li mu yavo va menya ha Gileadi, ya volera Ahabu, Kuli Yahova, Nyasaye wa Israeli, a veye mwoyo, wa inze singiye imbiri wewe, si ha la va nelime kinga imbula ku mihiga yigyi, ni ga ta li kuli likuva lyange.

1 Avami 18:4

kigira ga li ndiyo, lwa Jezebeli yiita vaprofeti va Ya hova, na Obadia ya vugula vaprofeti mia, na a va visa makumi gatano, gatano mu tsimbagaywa, na a va ha vyo kulia, nokuvaha madzi.)

1 Avami 19:16

na Jehu mwana wa Nimshi u la mu vaka maguta a ve mwami ku Israeli; na Elisha mwana wa Shafatu wa Abelimehola, u mu vake maguta a ve muprofeti mbugono bubwo.

1 Avami 20:13

Henza, mprofeti mulala yesunda ku Ahabu mwami wa Israeli, na a mu volera, Yahova a vola ndi, U loli kiduma kinene yiki kyosi? Henza nda ki vika mmukono gugwo lero ndi, na ive u la manya inze mbeye Yahova.

1 Avami 20:35

Na mundu mulala ku avana vaprofeti ya volera wakye ku liku va lya Yahova, na a vola, Mwadza, u nkuye. Na mundu uyu ya sula kumukuya.

1 Avami 20:41

Naye ya kola bwangu, na a twulidza igudwa ya li mu tsimoni tsitsye; nomwami wa Israeli ya mmanya a veye mulala ku vaprofeti.

1 Avami 22:8

Mwami wa Israeii ya volera Joho shafatu, A veye ho kandi mundu wa ku nyala kuteva Yahova naye, naye ni Mikaiya mwana wa Imla: navutswa inze mu dunyiranga; kigira uyu si ya profeteranga inze amalahi navutswa madamano. Na Jehoshafatu ya vola, Mwami a ta vola ndi mba.

2 Avami 17:13

Halala na yaga Yahova ya lolekidzira Israeli, na Yuda, na a va volera nomunwa gwomuprofeti sa mulala, na valoli sa mulala, na a vola, Mu girunkane mu leke tsinzira tsyenyu tsindamano, mu gumire malago ganga nemiima gyange, kuli lilaga ya nda laga vaguga venyu, nalya nda leta ku mwinye nomukono gwavatumekiri vange avaprofeti.

2 Avami 6:1

Na avana vavaprofeti va volera Elisha, Henza kalunu, hango ha ku menyi hano imbiri wowo si ha duki kwinye mba.

2 Kyetsinyinga 36:15

Na Yahova, Nyasaye wavaguga vavo, ya hila kuvo avatumwa veve, ya wka mmabwebwe kuvatuma, kigira ya vererera avandu veve, na ha bume nyo hehe:

Jeremia 11:21

Kigira yaga Yahova a vola ku makuva gavandu va Anathothu, yavo ave nyanga livamwoyo lilyo, ni va vola, Ive si u la profeta ku lieta lya Yahova, u vule kwiitwa namakono getu;

Jeremia 2:31

O likula, mu lole likuva lya Yahova. Inze nda li ligendannyamak u Israeli? Kinga nda li kivala kyekisundi kinene? Kunangwa kigira ki avandu vange va volanga, Kwinye kwiruki; si ku lirana ku ive kandi mba?

Jeremia 2:5

Yahova a vola, Avaguga venyu va loli ubukyamu ki mu inze, kuduka ni va tsia ihale ku inze, nokulonda vindu vya vutswa, navo va gwa avavutswa?

Jeremia 26:11

Hene yaho avasalisi navaprofeti va volera avanene navandu vosi, ni va vola, mundu uyu u dukani nelikudza; kigira ya profeta ku lidala yili, kuli mwa hulira namatu genyu.

Jeremia 7:25

Kutwula ku lidiku lyavaguga venyu va twula mu kivala kya Egepeti kuduka lidiku lya lero, ndetanga ku mwinye avatumwa vange vosi avaprofeti, ni mbu ka mabwebwe nokuvatuma:

Lisyoma lya Jeremia 4:7

Avanene veve va li avesiyeku kuvita likonza, va li avalavu kuvita maveere. Va li avakanyu mu mibiri gyavo kuvita magina makanyu, na lisiywa lyavo lya li kuli isafiro.

Mika 2:6

Mu ta profeta mba, ni ndiyo va profetanga. Si va la profetera yava: amanyego si ga la twula.

Vikolwa 4:18

Ma va va langa ni va veganehidza va ta vola ligali, kandi va tegidza ku lieta lya Yesu.

Vikolwa 5:28

na a vola, Kwa mweganehidza ligali mu tegidza ku lieta yili: navutswa henzi, mwizulitsi amegidzo genyu Yerusalemi, mwenya kuleta amasahi gomundu uyu ku kwinye.

Vikolwa 7:51

Mwinye avamagoti madinyu, avemyovo gyenyu namatu genyu vya vula kukebwa, mwinye kazozo mu hingidza Roho Mutakatifu: kuli vaguga venyu va kola, kandi mwinye mu kola.

Kwidzulitsa 18:18

Nda va singeridzira mprofeti hagati ha vamwavo vavo, a veye kuli ive; na nda vika amakuva gange mmunwa gwigwe, na a la va volera gosi aga nda mu laga.

1 Samweli 19:20

Ma Saulo ya hiia vatumwa kuvugula Daudi: na lwa va lola kiduma kyavaprofeti va veye mu liprofeta, na Samweli u singiye kuli a veye mutwe gwavo, Roho wa Nyasaye yadza ku vatumwa va Saulo, navo kandi va profeta.

1 Samweli 3:20

Na Israeli vosi kutwula Dan kuduka Beeri-sheba va manya Samweli u singeridzeywi kuva muprofeti wa Yahova.