Amosi 2:10 - KITABU KITAKATIFU

¹⁰ Kandi nda mwanegeridza kutwula Egepeti, na nda mwimirira mihiga makumi gane mwigendanyama, mu duke kugumira kivala kya Vaamori.

Amosi 2:10 ပူးပေါင်းရင်းမြစ်များ

Nehemia 9:21

Yee ku mihiga makumi gane wa va dukidza mu kyangalangwi, si va gehera kindu kali kilala mba; tsingubo tsyavo si tsya kunguha mba, netsi nduvatiru tsyavo si tsya vimba mba.

Zaburi 95:10

Mihiga makumi gane nda verereridzwa nelikula yilyo, Na mbola, Va veye ihiri ya avandu va gota mu myoyo gyavo Na va vuli kumanya tsinzira tsyange:

Kutwula 12:51

Kunangwa lidiku zana yili, Yahova ya twulidza avana va Israeli mu kivala kya Egepeti na amahe gavo.

Kutwula 20:2

Inze mbeye Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Kutwula 3:8

na inze nziiki mba honnye ku makono ga Vaegepeti, nokuvatwulidza mu kivala yikyo, va tsie mu kivala kilahi na kinene, kivala ki gangalukanga amaveere na bwuki; ha veye ha Avakanani, na Avahiti, na Avaamori, na Avaperizi, na Avahivi, na Avajebusi.

Jeremia 2:6

Kandi si va vola, A veye haliha Yahova wa ku leta kwanegira kutwula mu kivala kya Egepeti; wa kwimirira mu kyangalangwi, hagati heligendanyama nobogo, hagati hekivala kyekimeyu na kyekiriri kyelikudza, hagati hekivala ki ta li nomundu u vitanga mukyo, kivala kyavandu va ta menya mu?

Ezekieli 20:10

Ma nda va leta kyova wekivala kya Egepeti, nokuvavika mu kyangalangwi.

Amosi 3:1

Huliri likuva yili lya Yahova a vola ku mwinye, O avana va Israeli, ku aviko vosi ava ndanegeridza mu kivala kya Egepeti, ni mbola

Amosi 9:7

Mwinye si mu veye ku inze kuli avana va Vaethiopia, mwinve avana va Israeli? Yahova a vola. Inze si nda leta Israeli kutwula mu kivala kya Egepeti, na Vafilisiti va twule Kafitori, na Vasiria va twule Kiri?

Mika 6:4

Kigira nda leta ive kwanegira kutwula mu kivala kya Egepeti, nda ku tungira u twule mu inyumba yobutugwa: na nda tuma mbiri wowo Musa, na Haruni, na Miriamu.

Livalidza 13:32

Na va letera avana va Israeli makuva madamano gekivala kya va luta, ni va vola, Kivala kya kwa vita hagati hakyo kukiluta, ki veye kivala ki miranga avandu ava menyanga mukyo; na avandu vosi va kwa lola mu va veye avandu avatambi ligali.

Livalidza 21:25

Na Israeli va vugula madala yaga gosi: na Israeli va menya mu madala gosi ga Avaamori, mu Heshibon, na mu tudala twalyo.

Livalidza 32:13

Na ubutima bwa Yahova bwaaka ku Israeli, na a va kola kugendagenda yiyi na yiyi mu kyangalangwi tsinyinga tsyemihiga makumi gane, kuduka likula yili lyosi lya kola ubwoni imbiri wa Yahova, lya dividzwa.

Vikolwa 13:18

Kandi ya va ha vyokulia kuli ise a lera, kuduka mbula mihiga amakumi gane, mu kyangalangwi.

Vikolwa 7:42

Navutswa Nyasaye ya girunkana na a va leka va tumekire lihe lyomigulu; kuli ga ng'odwa mu kitabu kyavaprofeti Mwa ndetera tsinyama tsinziite netsisadaka Imihiga makumi gane mu kyangalangwi, mwinye venyumba ya Israeli?

Kwidzulitsa 1:39

Kandi avakekeke venyu, ava mwa vola va la va vilanye, navana venyu, ava ta veve lero nelimanya lyobudamano nobulahi, yavo va lingira, nivo ava ndi haana kuvo, kuva miyandu kuvo.

Kwidzulitsa 2:7

Kigira Yahova Nyasaye wowo u ku gasidzi mmiyinzi gyosi gyamakono gogo; ya manya ligenda lilyo mu kyangalangwi kinene yiki: mihiga makumi gane yigyi Yahova Nyasaye wowo ya li halala nive; si wa daka kindu.

Joshua 13:4

ku iuvega lwa kusini; kivala kyosi kya Vakanani, na Meara ki veye kya Vasidone, kuduka Afeku, kuduka ku lwako lwa Vaamori;

Joshua 24:8

Na nda mu leta ni mmuvika mu kivala kya Vaamori, ava menya engereka ya Yordani: na va lwana nemwinye; na nda va vika mmakono genyu, na mwa gumira kivala kyavo; na nda va dividza imbiri wenyu.