Amosi 2:1 - KITABU KITAKATIFU

¹ Yahova a vola ndi: Kigira mahyolo gavaka ga Moabu, yee, kigira gane, si nda girunkannyira lihebwa mageli lyalyo; kigira ya samba vigumba vyomwami wa Edom kuduka kuva kilongo.

Amosi 2:1 ပူးပေါင်းရင်းမြစ်များ

2 Avami 3:9

Ma mwami wa Israeli ya tsia, nomwami wa Yuda, nomwami wa Edom; va samula ku lugendo lwokuvodonkana madiku gatano na gaviri: na si ha li namadzi agelihe, nagetsinyama tsya va londa.

Tsing'ano 15:3

Tsimoni tsya Yahova tsi veye hosi, A lolanga madamano na malahi.

Isaya 11:14

Na va la buluka hasi nokuduka ku mavega ga Vafilisiti ku luvega lwemadioli; navo halala va lononnya avana vevugwe: va la nyira mukono gwavo ku Edom na Moabu; na vana va Amon va la va hulira.

Isaya 16:6

Kwa hulira makuva goluyai lwa Moabu a veye woluyai lunyingi; kali lyegingira lilye, noluyai lwilwe, nobu tima bwibwe; lyevola lilye si li veye kindu.

Isaya 25:10

Kigira mukono gwa Y ahova gu la sosera mu kigulu yiki; na Moabu a la duvagirwa hasi ha bugono hehe, kuli bunyasi bu duvagirangwa hasi mu madzi gesina.

Jeremia 25:21

na Edom, na Moabu, navana va Amon;

Amosi 1:11

Yahova a vola ndi: Kigira mahyolo gavaka ga Edom, yee, kigira gane, si nda girunkannyira lihebwa mageli lyalyo; kigira ya kunga amwavo wewe nekivavi, na a ta tsimbabasi tsyosi, nobutima bwibwe bwa tandula kazozo, na ya li nobutima bwibwe mihiga gyosi.

Amosi 1:13

Yahova ya vola ndi: Kigira mahyolo gavaka gavana va Amon, yee, kigira gane, si nda girunkannyira lihebwa mageli lyalyo; kigira vatannya avakali ava veye inda ava Gileadi, va duke kumeda lwako lwavo.

Amosi 1:3

Yahova a vola ndi: Ku mahyolo gavaka ga Damasko, yee, kuduka ku gane, si nda girunkannyira lihebwa mageli lyalyo; kigira va duvagi Gileadi nemivango gyekivya.

Amosi 1:6

Yahova a vola ndi: Kigira mahyolo gavaka ga Gaza, yee, kigira gane, si nda girunkannyira lihebwa mageli lyalyo; kigira va hila avandu vosi kutsia mbuhambe, kuvavika mmakono ga Edom.

Amosi 1:9

Yahova a vola ndi: Kigira mahyolo gavaka ga Turo, yee, kigira gane, si nda girunkannyira lihebwa mageli lyalyo; kigira va vika avandu vosi mmukono gwa Edom, na va vula kwidzulitsa lilagana lyavamwavo.

Amosi 2:4

Yahova a vola ndi: Kigira mahyolo gavaka ga Yuda, yee, kigira gane, si nda girunkannyira nnebwa mageli lyalyo; kigira vambakana malago ga Yahova, na va vula kugumira miima gyigye, nobubehi bwavo bwa va letera mahyolo, bwavadada vavo va londa.

Amosi 2:6

Yahova a vola ndi: Kigira mahyolo gavaka ga Israeli, yee, kigira gane, si nda girunkannyira lihebwa mageli lyalyo; kigira va gulidza avalungi kunyola ifetha, navadaka kunyola vilatu

Mika 6:5

O avandu vange, mwidzulitse kalunu ga Balaki mwami wa Moabu ya saavira, kandi ga Balaam mwana wa Beoru ya tivula: widzulitse kutwula Shitim kuduka Gilgali, mu duke kumanya likola lilungi lya Yahova.