Amosi 1:1 - KITABU KITAKATIFU

¹ Makuva ga Amosi, wa li ku avayi va Tekoa, ga ya lola ku Israeli mmadiku ga Uzia mwami wa Yuda, nomu madiku ga Jeroboam mwana wa Joashu mwami wa Israeli, mihiga gyiviri imbiri welidegera lyelirova.

Amosi 1:1 ပူးပေါင်းရင်းမြစ်များ

2 Samweli 14:2

Na Joabu ya tuma avandu Tekoa, navo va twulidza yo mukali wobugeeri, naye ya mu volera, Mwadza, wegirunkanye wekole kuva umusyomi, wevike ingubo yelisyoma, mwadza, u tevaka maguta mba, navutswa u ve kuli mukali u syomeranga wa kudza kale:

1 Avami 19:19

Ma ya twula ha zana, na ya nyola Elisha mwana wa Shafatu, wa li na a limanga naye ya li netsinira tsyetsing'ombe iikumi na tsiviri, nomwene ya li halala na inira i kola likumi na tsiviri: na Elija ya vita na a tsia ahimbi naye, na a mu sikisira ingubo yeye.

2 Avami 14:21

Navandu vosi va Yuda va vugula Azaria, wa li mwana wemihiga likumi na gyitano na mulala, na va mu kola mwami mbugono bwa dada wewe Amazia.

2 Avami 14:23

Ku muhiga gwelikumi na gyitano gwa Amazia mwana wa Joashu mwami wa Yuda, Jeroboam mwana wa Joashu mwami wa Israeli ya tanga kwameha ha Samaria, na yameha mihiga makumi gane na mulala.

2 Kyetsinyinga 11:6

Yombaka Bethlehemu, na Etam, na Tekoa,

2 Kyetsinyinga 20:20

Na va vuka mabwebwe, ni va twula kutsia mu kyangalangwi kya Tekoa: na lwa va twula, Jehoshafatu ya singira, na a va volera, Mu mbulire, Yuda na vamenyi Yerusalemi: mu suuvire Yahova Nyasaye wenyu, na ndiyo mu la dinyeridzwa; mu suuvire vaprofeti veve, na ndiyo mu la gasidzwa.

Kutwula 3:1

Kunangwa Musa yayanga kyayo kya Jethro navizala wewe, musalisi wa Midiani: naye yimirira kyayo kutsia ku luvega lwenyima mwigendinyama, na a duka ku kigulu kya Nyasaye, ha Horebu.

Isaya 1:1

Yaga na malola ga Isaya mwana wa Amozu, ya lola ku makuva ga Yuda na Yerusalemi, mmadiku ga Uzia, na Jotham, na Ahazu, na Hezekia, avami va Vayuda.

Jeremia 1:1

Makuva ga Jeremia mwana wa Hilkia, wa li ku vasalisi ava li mu Anathothu mu kivala kya Benja mini:

Jeremia 28:8

avaprofeti ava li ho imbiri wange na imbiri wowo mmadiku ga vita va profeta ku vivala vinyingi, noku bwami bunene, va profeta makuva gobulwani lugano lugano, nagobudamano, nagobulwaye.

Jeremia 6:1

Mwiruke mu hone, mwinye avana va Benjamini, mu twule mu Yerusalemi, mu kupe kisiliva mu Tekoa, nokuginga ibendera ku Bethhakerem; kigira budamano bu ku henzera ku luvega lwa kasikasini, nelidividza linene.

Jeremia 7:27

Na ive u la va volera makuva yaga gosi; navutswa si va la ku hulira mba: ive u la va langa; navutswa si va la bugira mba.

Hosea 1:1

Likuva lya Yahova lya duka ku Hosea mwana wa Beeri, mmadiku ga Uzia, Jotham, Ahazu na Hezekia, avami va Buyuda, nomu madiku ga Jeroboam mwana wa Joashu, mwami wa Israeli.

Amosi 7:14

Hene yaho Amosi ya tivulira Amazia na a mu volera, Inze si nda li muprofeti, kandi si nda li mwana womuprofeti; navutswa nda li mwayi wetsing'ombe, kandi nda li mulindi wemikuyu:

Mika 1:1

Yili ni likuva lya Yahova lya duka ku Mika Mumorashiti mu madiku ga Jotham, na Ahazu na Hezekia, ava li avami va Yuda, lya ya lola ku Samaria na Yerusalemi.

Zekaria 14:5

Na mwinye mu liruka mwivona lyevigulu vyange; kigira livona lyevigulu zana li la duka Azeli; yee, mu liruka, kuli mwiruka imbiri welidegera lyekivala mu madiku ga Uzia mwami wa Yuda; na Yahova Nyasaye wange a ladza, na vatakatifu vosi va la va halala nive.

Matayo 4:18

Kandi ya vaya ku luginga lwenyanza ye Galilaya, na a lola vaviri amwavo namwavo, Simoni u langwa Petro na Andreya amwavo wewe, va li ni vinika miluvo munyanza; kigira va li avaluvi.

1 Vakorintho 1:27

navutswa Nyasaye ya tovola vindu vyobusiru ku vyelirova, a duke kulegannya avageeri, kandi Nyasaye ya tovola vindu videdekere ku vyelirova a duke kulegannya vindu vyetsingulu;