3 Yohana 1:10 - KITABU KITAKATIFU

¹⁰ Kigira yaga ni mba ni nduka, ndidzulitsa miyinzi gyigye gya a kolanga, u vola ku kwinye ga vutswa mu makuva madamano: kandi yaga si ga mu duka, navutswa mwene si a bugirira avamitu, kandi avenyanga kuvabugirira a va ga yanga nokuvakunga mu livugana.

3 Yohana 1:10 ပူးပေါင်းရင်းမြစ်များ

Tsing'ano 10:10

Uyu u molidzanga imoni a letanga liverera; Navutswa musiru wa makuva manyingi a la gwa hasi.

Tsing'ano 10:8

Avobugeeri mmwoyo gwavo va la vugula amalago; Navutswa musiru wamakuva manyingi a la gwa hasi.

Isaya 66:5

Mu hulire makuva ga Yahova, mwinye ava degeranga kigira makuva gege: Avamwavo venyu ava dunyira mwinye, ava syuva mwinye kyova kigira lieta lyange, va voye, Yahova a kuminywe, kuduke kulola ubuyanzi bwenyu; navutswa ni yavo va la va isoni.

Luka 6:22

Mu veye nobugasu, mwinye, avandu lwa va li mu dunyira, kandi lwa va li mwesigana, nokumunyega, nokuta lieta lyenyu kuli li veye lidamano, kigira Mwana wa Adamu.

Yohana 9:22

Vindu yivi avivuli veve va vola kigira va tia Avayuda: kigira Avayuda va li ni va mali kulagana, mundu ni yeyama uyu ni Kristo, a kungwe mu livugana.

Vikolwa 1:15

Mu madiku yago Petro ya singira mu vamwavo hagati (va li avandu vosi halala va duka mia indala na makumi gaviri), na a vola,

2 Vakorintho 13:2

Ntangi kumuvolera, kandi mbola habulavu, kuli lwa nda li ho lwa kaviri, kandi ndiyo kalunu, lwa nta veye ho, kuvolera ava tanga kukola ubwoni, navandi vosi, ni nzidza kandi si nda va vererera;

Vagalatia 6:10

Kunangwa inyinga ku va nobwiyangu, ku kole bulahi ku vandu vosi, kandi ligali ku viko velisuuvira.

1 Timoteo 5:13

Kandi aga vita yaga vega ubugata, ni va vodonkana mu tsinyumba netsinyumba; kandi si va veye avagata veng'ine, navutswa kandi va veye avomuntama kandi avahudziridzi, va volanga amakuva ga ta va duka.

2 Yohana 1:10

Ku vosi mulala na a duka ku mwinye na a vula kuleta megidzo yaga, mu ta mwingiridza mu inyumba yenyu, kandi mu ta mu chelidza:

2 Yohana 1:12

Kigira mbeye nevindu vinyingi vya nyenya kumung'odera, si nyenya kuving'oda ku karatasi nobwino: navutswa nsuuvira kuduka ku mwinye, nokuvolerana nemwinye moni na moni, ubuyanzi bwenyu bu duke kudukidzwa.

3 Yohana 1:3

Kigira nda yanza ligali lwa vamitu va duka nokulolekidza ageligali gogo, kuli ive u gendanga mu ageligali.

3 Yohana 1:5

Muyanze, ive u kola miyinzi gyobusuuvirifu mu miyinzi gyosi gya u koleranga avamitu navageni;