2 Timoteo 4:3 - KITABU KITAKATIFU

³ Kigira inyinga i ladza ya va li vula kubugirira megidzo geligali navutswa va li vungidzira avegidzi kuli likayirwa lyavo, va veye namatu geviyago;

2 Timoteo 4:3 ပူးပေါင်းရင်းမြစ်များ

1 Avami 18:22

Hene yaho Elija ya volera avandu yavo, Inze hano, Inze mbeye tsveng'i ne muprofeti wa Yahova; navutswa Baal a veye navaprofeti veve avandu tsimia tsine na makumi gatano.

1 Avami 22:18

Mwami wa Israeli ya volera Jehoshafatu, Si nda ku volera, si ya mprofetera malahi na vutswa madamano ku inze?

1 Avami 22:8

Mwami wa Israeii ya volera Joho shafatu, A veye ho kandi mundu wa ku nyala kuteva Yahova naye, naye ni Mikaiya mwana wa Imla: navutswa inze mu dunyiranga; kigira uyu si ya profeteranga inze amalahi navutswa madamano. Na Jehoshafatu ya vola, Mwami a ta vola ndi mba.

Kutwula 32:33

Yahova ya volera Musa, Ku vosi uyu u koli ubwoni ku inze, uyu nda mweya kutwula mu kitabu kyange.

Isaya 28:12

ava ya volera, Yibu nobwelemeridzi, mu he uyu u luhi lisosa; na yili ni lisosa: navutswa si va hulira.

Isaya 30:10

va veye avandu ava voleranga valoli, Mu ta lola mba; na va volera avaprofeti, Mu ta profeta vindu vilahi, mu ku volere vindu vidoto, mu profete bugadi,

Jeremia 18:18

Hene yaho va vola, Genda, ku tsie kusaavira lisaava ku Jeremia; kigira lilaga yili si li la vula kuva ku musalisi; kandi amakuva si ga la vula kuva ku vageeri, kinga livola ku mprofeti. Hamba, ku mu kuye netsinimi tsyetu, ku vule kuvika amakuva gege kali lilala mu myoyo.

Jeremia 27:9

Navutswa ku makuva genyu, mu ta hulira avaprofeti venyu mba, kinga avasegetiri venyu, kinga amaloto genyu, kinga ava ng'oleranga ku malesi, kinga avakumu venyu, ava voleranga mwinye, kuvola, Mwinye si mu la tumekira mwami wa Babuloni mba:

Jeremia 29:8

Kigira Yahova wa mahe, Nyasaye wa Israeli, a vola: Mu ta bugirira avaprofeti ava veye hagati henyu, na vasegetiri, va mu gade; kandi mu ta hulira maloto genyu ga mu lotanga.

Jeremia 5:31

avavrofeti va profetanga bubehi, navasalisi vameha netsingulu tsyobutugi bwavo; na vandu vange va yanza vindu yivi ndiyo: na mu la kola ki ku kiheri kyavyo?

Mika 2:11

Mundu na a va na a genda mu roho gwobugadi a veha, nokuvola, Nda profetera ive makuva gewaini, na gekyokunwa kilulu; uyu a la va muprofeti wavandu yava.

Luka 20:19

Kandi avang'odi navasalisi vanene venya kumugumira isaa zana; navutswa va tia avandu: kigira va manya ya kupa lugano yilu kuvo.

Luka 6:26

Mu la lola ubudamano mwinye, avandu vosi lwa va mu laha bulahi kigira avaguga vavo va kola ndiyo ku vaprofeti vobubehi.

Yohana 8:45

Navutswa, kigira mbola ageligali, si mu nsuuvira.

Vikolwa 17:21

(Kigira avandu va Athene vosi navageni ava menya yo si va kola kindu, navutswa nokuvola nokuhulira vindu vihya.)

1 Vakorintho 2:1

Na inze lwa nda duka ku mwinye, avamitu, si ndadza kumwilwadzira lilolekidza lya Nyasaye nobunene bwamakuva kinga nobugeeri.

1 Vakorintho 2:4

Kandi livola lyange nelilwadza lyange si lya li mu makuva gokugoonya gobugeeri, navutswa lya li mu lilang'aminywa lya Roho kandi lyetsingulu:

Vagalatia 4:16

Kunangwa mbeye musigu wenyu, kigira nda mu volera ageligali?

1 Timoteo 1:10

navaheyi, navafiraji, navivanga avarldu, navabehi, navisuhanga ububehi, kandi likuva ku gosi li ta hambana namegidzo malungi;

2 Timoteo 1:13

U gumire ligali kyokuhenzera ku kyamakuva gokukonya ga wa hulira ku inze, mu lisuuvira nomu buyanzi bu veye mu Kristo Yesu.

Yudasi 1:18

va volera mwinye amakuva yaga, mu tsinyinga tsyekiheri va la va ho avekihenyahenye ava gendanga kuli likayirwa lyobwebaali bwavo avene.