2 Timoteo 4:2 - KITABU KITAKATIFU

² wilwadze likuva; u dinye ku mu tsinyinga tsindahi nomu tsinyinga tsi ta li tsindahi; u gaye, u gondokere, u ganehidze nobwikudziri bwosi nelyegidza.

2 Timoteo 4:2 ပူးပေါင်းရင်းမြစ်များ

Zaburi 40:9

Nzilwadzi ubulungi mu livugana linene; Henza, si nda gaya minwa gyange, O Yahova, ive u manya.

Jona 3:2

Vuka, u tsie Nineve, lidala yilyo linene, na wilwadze kulyo lilwadza lya nku laga.

Luka 7:23

Kandi uyu a veye nobugasu u li vula kulala ku inze kyokwikigitala.

Luka 7:4

Na yava lwa va duka ku Yesu va mu saala ligali, ni va vola, A veye mulahi kuduka u mu kolere kindu yiki;

Luka 9:60

Navutswa ya mu volera, Leka avakudzu va te avakudzu vavo; navutswa ive u tsie kwilwadza ubwami bwa Nyasaye.

Vikolwa 13:5

Kandi lwa va li mu Salamisi vilwadza likuva lya Nyasaye mu masomero ga Vayuda: navo va li na Yohana mutumekiri wavo.

Vikolwa 16:13

Ku lidiku lyelisabato kwa vita kiribwa ku twula mu lidala kutsia ku luginga lwomugera, ha kwa vola ni hoku saala; ni kwikala ni ku volera avakali ava vugana.

Vikolwa 20:7

Ku lidiku lyokutanga lisidza, lwa kwa vugana halala kumegannya ubukima, Paulo ya vilwadzira, ya li ni yenya kutsia mugamba; kandi ya hongera lilwadza lilye kuduka ubudiku hagati.

Vikolwa 28:16

Lwa kwa duka Romi, munyampara ya vika avahambi mu mukono gwomunene wavalindi: navutswa Paulo ya hebwa munwa kumenya yeng'ine nomusikari wa mu linda.

Varumi 10:15

Kandi va lilwadza ndi bugira kutumwa? Kuli wa ga ng'odwa, Avya li vilahi ki ivirenge vya yavo ava leta amakuva gevindu vilahil.

Varumi 12:12

mu ve avobuyanzi mu lisuuviridzwa; mu ve avikudziri mu lidambidzwa; mu hongere ligali mu lisaala;

Vagalatia 6:6

Navutswa uyu wegidzangwa likuva a kole lisanga na uyu wegidzanga ku vindu vyosi vilahi.

Vakolosai 1:25

lya nda kolwa mutumwa walyo, kuli ubulindi bwa Nyasaye bwa nda hebwa kigira mwinye, kudukidza likuva lya Nyasaye,

Vakolosai 4:3

kandi mu saalire kwinye, Nyasaye a kwigulire kiliango kyelikuva, kuvola agaviswa ga Kristo, aga mbeye muhambe kugo;

1 Vatesalonike 1:6

Kandi mwinye mwa gwa avegi ku kwinye noku Mwami, mu mali kunyola likuva mu busaliri bunyingi, halala nelisangala lya Roho Mutakatifu;

1 Vatesalonike 5:14

Ku tsuva mwinye, avamitu, mu gerehidze yavo avekivihiri, mu luviridze ave myoyo midedekere, mu vike avadedekere tsingulu, mwikudzire ku vandu vosi.

1 Vatesalonike 5:20

mu ta lega ubuprofeti;

1 Timoteo 4:13

Wevike mu lisoma, nomu lyeganehidza, nomu lyegidza, nduhe nzidze.

1 Timoteo 5:20

Avonanga u va gayire imbiri wa vosi, avandi va duke kutia.

2 Timoteo 2:21

Kunangwa mundu ni yetakasa nokweleha yivi, a la va kiju kyelidzominywa, ki takaseywi, ki dukana nemiyinzi gyo Mwami, ki lombeywi ku miyinzi gyosi milahi.

2 Timoteo 2:25

a ve nobuho kya mu lyeganehidza avahing'ana; mbula Nyasaye a va he lyeganira kuduka ku limanya ageligali,

2 Timoteo 3:10

Navutswa ive wa londa megidzo gange, neligenda lyange, nobulaliri bwange, nelisuuvira lyange, nobwikudziri bwange, nobuyanzi bwange, nobwidinyiridzi bwange

Tito 1:13

Lilolekidza yili ni lyeligali. Kigira yaga u va gondokere, va duke kuva avagyima mu lisuuvira,

Tito 2:15

U vole amakuva yaga, weganehidze, wambakannye netsingulu tsyosi. U ta leka mundu kali mulala a ku lege.

Vahebraina 13:22

Navutswa mmu tsuva, avamitu, mwikudzire ku likuva lyelitsuvwa: kigira mmu ng'odeye mu makuva makekeke.

Likunula 3:19

Ku vosi ava nyanzi, mba gayanga nokuvaha amageli: kunangwa u ve nobugulu nokweganira.