2 Timoteo 2:2 - KITABU KITAKATIFU

² Kandi vyosi vya wa hulira ku inze ku valoli vanyingi, u vike ku avandu avasuuvirifu, ava li dukana kwegidza avandi.

2 Timoteo 2:2 ပူးပေါင်းရင်းမြစ်များ

Ezara 7:10

Kigira Ezara ya li ni ya yekidza mwoyo gwigwe a duke kwenya lilaga lya Yahova, nokuga kola, nokwegidza amalago nelikalaga mu Israeli.

Ezara 7:25

Na ive, Ezara, ku lilonda ubugeeri bwa Nyasaye wowo bu veye mmwoyo gugwo, u viki avakalagi, na avidzo dzi, va duke kukalagira avandu vosi ava veye engereka wo Mugera, yavo vosi ava manya amalago ga Nyasaye wowo; nokwegidza uyu wa vula kugamanya.

Nehemia 7:2

hene yaho nda ha amwavo wange Hanani, halala na Hanania munyampara wempinga, miyinzi gyokwameha ku Yerusalemi; kigira ya li mundu musuuvirifu, na ya li wa tia Nyasaye kuvita vanyingi.

Zaburi 101:6

Tsimoni tsyange tsi la va ku avasuuvirifu vekivala, va duke kumenya ninze: Uyu u gendanga ku inzira yobudukiru, a la ntumekira.

Tsing'ano 13:17

Mutumwa mudamano a gwidzanga mu budamano; Navutswa mutumwa musuuvirifu a veye ubulamu.

Jeremia 23:28

Muprofeti u veye namaloto, a vole maloto gege; na uyu u veye nelikuva lyange, a vole likuva lyange nobusuuvirifu. Uluvuva lu veye ki kuvita ingano? Yahova a vola.

Kyavalevi 14:42

na va la leta magina gandi, nokugavika ha magina ga twulidzwa; na a la leta ubudohi bundi, nokuhoma inyumba.

Malaki 2:7

Kigira ga dukira minwa gyomusalisi kulinda limanya, kandi ga va dukira kwenya lilaga mu munwa gwigwe: kigira a veye mutumwa wa Yahova wa mahe.

Livalidza 12:7

Mutumekiri wange Musa si a veye ndiyo; a veye musuuvirifu mu inyumba yange yosi:

Matayo 13:52

Naye ya va voiera, Yiki ni kigira ku mung'odi samulala u koleywi mwegidzwi mu bwami bwomigulu, a veye kuli mundu mwene inyumba, a twulidza mu kiba yeye vindu vihya na vindu vikulu.

Matayo 24:25

Henza, inze ntangi kumuvolera.

Luka 12:42

Naye Mwami ya vola, Ibwaha ni mulindi mulahi nomugeeri, womwami wewe a li vika ku avenyu mba yeye kuvaha vyokulia vyavo vya kase?

1 Vakorintho 4:2

Hano kandi genyangwa avalindi va lolwe kuva avasuuvirifu.

2 Vakorintho 2:14

Navutswa lisantidza li ve ku Nyasaye, u kwimiriranga mu liguuta kazozo mu Kristo, kandi a lang'aminya mwayu gwelimanya lilye hosi ku kwinye.

2 Vakorintho 3:5

si ga li kwinye avene ku veye avaduki, kuganagana vindu vyosi kuli vya twula ku kwinye; navutswa ubudu kiru bwetu bu twula ku Nyasaye;

Vakolosai 1:7

kuli wa mwega ku Epafara wakye wetu muyanze, u veye mutumwa wa Kristo musuuvirifu mu bugono bwetu,

1 Timoteo 1:12

Inze nsantidzanga uyu wa mpa tsingulu, naye ni Kristo Yesu Mwami wetu, kigira ya mbolera kuva musuuvirifu, ni ya mbika mu butumwa bwibwe;

1 Timoteo 1:18

Malago yaga ndaganga ive, Timoteo mwana wange, kuli amakuva gobuprofeti ga tanga ku ive mu yaga u duke kulwana ubulwani bulahi;

1 Timoteo 4:14

U ta sidika kihaanwa ki veye mu ive, kya wa heberwa ku buprofeti, halala nelivikwa amakono gavakulundu.

1 Timoteo 4:6

Nu weganehidza avamitu ku makuva yaga, u la va mutumwa mulahi wa Kristo Yesu nokukula mu makuva gelisuuvira nomu megidzo malahi ga wa londa:

1 Timoteo 5:22

U ta vika makono ku mundu bwangu kali mulala, kandi u ta va nelisanga mu bwoni bwavandu vandi: welinde u ve museredze.

1 Timoteo 6:12

U dinye kulwana ubulwani bulahi bwelisuuvira, u gumire livamwoyo li ta here mba, lya wa langirwa, kandi weyama lyeyama lilahi imbiri wavaloli vanyingi.

2 Timoteo 3:10

Navutswa ive wa londa megidzo gange, neligenda lyange, nobulaliri bwange, nelisuuvira lyange, nobwikudziri bwange, nobuyanzi bwange, nobwidinyiridzi bwange

2 Timoteo 3:14

Navutswa ive u menye mu ga wegidzwa, naga wa lungikwa, limanya u manya ava wega ku;

Vahebraina 2:17

Kunangwa ga mu dukira kufwananywa navamwavo veve mu vindu vyosi, a duke kuva musalisi munene wetsimbabasi, musuuvirifu mu vindu vya Nyasaye, a lombe kyokwisayasayira kyobwoni bwavandu.

1 Samweli 2:35

Ma ndesingeridzira musalisi musuuvirifu, a la kola kuli aga mbeye nago mu mwoyo gwange nmu tsiganagani tsyange: na nda mwombakira inyumba yetsingulu; na a la genda imbiri wombake wange mihiga nemihiga.